PROGNOSTIC

On ne se peut bien garder de la morsure des chiens enragés , attendu qu’ils sont tousiours parmy les hommes, au moyen de quoy on est en plus grand danger d’eux que de toutes autres bestes venimeuses en leurs morsures. Et d'autant que le chien est domestique et familier à l'homme pendant.qu'il est sain, d'autant luy est-il ennemy depuis qu’il est sorti de sa nature accoustumée, qui se fait par vne rage.

Or le virus qui est en sa baue est chaud et sec, malin, veneneux et contagieux, tellement qu'il communique la mesme affection à celuy qu'il mord (sion n’y pouruoit de bonne heure) soit vn homme, ou vne autre beste : et son venin est tant subtil, que facilement penetre par les pores du cuir : et estant attiré par les arteres, par le continuel mouuement d’icelles, il est conduit au demeurant du corps. Parquoy on peut conclure que le venin de sa rage a la vertu non seulement de faire enrager ceux qu'il mord, mais aussi ceux ausquels il aura ietté son escume ou baue contre leur peau, sielle y fait long seiour : mais si elle est essuyée, et le lieu proprement laué d’eau salée ou d’vrine, elle n’y fera aucun mal.

Et faut icy entendre, que toute morsure de chien enragé ne nuit pas egalement el ne {ue pas en mesme temps, ainsi qu’auons cy dessus demonstré du venin des bestes venimeu-

1 Le chapitre est le même, sauf un paragraphe ajouté, que le chap. 9 de 1575.

DES VENINS

ses. Car selon la disposition de l'air chaud ou froid, et la vehemence du venin, et le lieu ‘et profondeur de la morsure , et la diuersité des forces de ceux qui sont mordus, et la cacochymie et mauuaise habitude, c’est à dire selon que leurs humeurs sont ja preparés à estre pourris, ou qu'ils ont leurs conduits estroits ou plus larges, de là vient que les accidens apparoissent plustost ou plus tard. Car aucuns viennent quarante iours aprés la morsure, autresfois six mois, voire vn an, et autres plus tard ou plustost, comme nous auons dit cy deuant. Plusieurs aprés auoir esté mords deuiennent epileptiques, puis demoniaques et enragés. Ceux qui sont tombés en hydrophobie, iamais ne guarissent : toutesfois Auicenne dit qu’encores y a esperance, pourueu qu’ils se connoissent en vn miroir : car on voit par cela que le venin n’a encores du tout occupé les facultés animales : et ceux-là ont besoin d’estre violentement purgés, comme nous dirons cy aprés.

Aëce raconte d’vn Philosophe mordu d’vn chien enragé, lequel voulant d’vn grand courage resister à ce mal d'hydrophobie, vint au bain , où l’ap.

parence d’vn chien se presentant deuant luy (car il auoit ceste vision, comme les autres frappés de semblable maladie) et ayant longuement pensé en soy-mesme : Qu’y a-il, ditil, entrevn chien et un bain ? Aprés ces paroles il entra dedans le bain, et en beut sans auoir peur, dontil surmonta le mal et guaritt.

Quand le malade se veautre contre la terre, comme les chiens, c’est signe de mort prochaine, par-ce que telle chose demonstre que l'humeur

1 Ce paragraphe a été ajouté en 1579,

melancholique, virulent et veneneux est en grande abondance, et est communiqué par tous les membres. Aussi quand le patient a la voix enroüée, c'est vn tres-mauuais signe, pour-ce que telle chose demonstre qu’en la trachée artere il y a quelque asperité par siccité du virus venimeux. En somme, quand les parties nobles sont saisies du venin, il n’y a plus esperance de guarison.

Les hommes peuuent estre surpris de la rage sans estre mords de chiens enragés : car tout ainsi que les humeurs se bruslent, causans vn chancre ou ladrerie , pareillement la rage peut aduenir , et principalement aux melancholiques.

’auantage les morsures des bestes , comme viperes et autres animaux venimeux, ne causent tels accidens comme celles des chiens enragés, par-ce qu’elles font mourir deuant que les accidens susdits puissent venir : joint aussi que la qualité d’'iceux venins est diuerse.

Plus, les grandes playes faites par morsure de chiens enragés ne sont si dangereuses que les petites, pour-ce que par vne grande playe sort beaucoup de sang et de sanie, qui euacue le venin.

memes