DV SERPENT APPELÉ COVLE-SANG

Le Coule-sang a esté ainsi appellé, pour autant que le sang coule par tous les conduits du corps qui en a esté mordu. C’est vn petit serpent comme vne vipere, ayant les yeux fort ardans, et sa peau fort luisante.

Auicenne dit qu’il a le dos marqueté de taches noires et blanches, et le col fort estroit, et la queue fort menue.

Les accidens qui suiuent sa morsure, c’est que la partie deuient noire, à cause que la chaleur naturelle est esteinte par la malice du venin, lequel luy est ennemy mortel, puis vn mal de l’estomach et du cœur qui facilement se ressentent du venin, ennemy capital desdites parties, et principalement en maladie veneneuse :

ainsi que nous voyons aduenir en la peste, laquelle est suiuie incontinent par les vomissemens, qui ne se font pour autre cause que pour la mauuaise disposition quils sentent. Il s'ensuit aussi grand flux de ventre, qui se fait tant à cause de l'estomach debile , qui ne peut faire son deuoir, que pour autant que les veines esparses par les intestins laissent couler le sang, lequel meslé par les viandes non digerées, est cause de ce flux de ventre, Et d’auantage le sang sort par le nez, par la bouche, oreilles, siege, par la verge, vulue , et par les coins des yeux, et des genciues, lesquelles se pourrissenf, et Les dents tombent.

D’abondant yne difficulté d’vyriner et respirer, conuulsion vniuerselle, puis la mort.

Les remedes sont descarifier promp-

tement et brusler la partie, ou du tout la couper, s’il est possible : puis vser de remedes attractifs propres aux venins.