DV SERPENT NOMME POVRRISSEVR

Le Pourrisseur a esté ainsi nommé, pour autant que la partie de ceux

qu'il a mordus est subitement pour-

rie par la malignité de son venin. Il est semblable au Coule-sang, reste qu'il esleue sa queuë en haut et l’entortille comme vn pourceau fait la sienne !.

Pausanias escrit que le Roy d’Arcadie fut blessé par vn pourrisseur, et dit que ce serpent est de couleur cendrée, ayant la teste large, le col estroit, le ventre gros, et la queuë courbée, et chemine obliquement en la maniere des Cancres, ayant des taches separées les vnes des autres, riolées piolées, c’est à dire de diuerses couleurs, comme un tapis velu.

Les accidens que cause sa morsure sont, grande douleur, qui est faite à cause de son venin bruslant et pourrissant entre tous autres venins, puis yne cheute vniuerselle du poil. Aëce adiouste d’auantage encore plusieurs autres : comme flux de sang par la playe, et peu aprés vne sanie puante, et grande enfleure en la partie. Voila comme par la malignité de ce venin pourrissant,nonseulement les esprits sont vaincus, mais aussi tout Le corps, comme si le feu y auoit passé : ainsi que nous voyons aduenir en temps de peste, chaud et humide, où il appert

1 /Vicandre, — A, P,

aposteme pestifere, charbons, et autres pourritures.

Et quant aux remedes, ils doiuent estre semblables comme ceux que nous auons escrit de la vipere.