DE LA SALAMANDRE
La Salamandre ne fait seulement mourir les personnes par le venin de sa morsure, comme les autres serpens venimeux : mais aussi infecte de sa baue les fruicts et les herbes par où elle passe, et d’une certaine humeur espaisse qui lui sort de tout le corps, comme Yne sueur, au grand danger de ceux qui mangent desdites herbes, comme on à veu par experience en plusieurs qui en sont morts. Parquoy ne faut trouuer estrange si aucuns modernes ont dit, qu’autunes maisons estoient entierement peries pour auoir beu de l’eau des puys, dedans lesquels vne salamandre estoit par fortune tombée sans y penser : Car si elle grimp® sur vn arbre, elle infecte tout le fruict,et fait mourir tous ceux qui en mangent, de la qualité froide et humide de son venin, n’estant en rien differente de laconit.
Aëce dit que ceux qui auront auallé du venin de la salamandre , il sort
1 Cette singulière façon d'exprimer le doute ne se lisait pas en 1579 ; elle n’a été ajoutée ici qu’en 1585.
de leurs corps taches blanches, puis noirés , lesquélles se pourrissans, font tomber le poil de tout le corps 1.
On remedie à leur venin par vomissemens et clysteres, en donnant aussi du theriaqué et methridat. Auicenne ordonne mesmesremedes qu’on donne contre l’opion, parce qu’ils sont tous deux de nature froide: et pour l’alexitere propre à tel venin, c’est la terebenthine, le storax, la graine dortie, etles fueilles de cyprés.
Dioscoride dit la salamandre est vne espece de lezart de diuerses couleurs : et est folie de dire qu’elle ne se brusle point au feu. Pline dit qu'elle est si froide, qu’elle esteint le feu au toucher seulement, comme la glace ? : ce qu'elle fait mise sur les charbons , commé on feroit vne carbonnade qu’on y voudroit rostir.
Toutesfois Matthiole dit, qu'estant iettée au milieu d’vne grande flamme, subit est consommée. C’est, dit-il, grande folie vouloir croire que le feu né la peut consommer, et qu’elle en vitcommre le cameleon de Pair.
La salamandre est noire, semée de grandes taches faunés, enfigure d’estoiles. Elle a vne vertu chaude, corrosite. et Ylceratitre : on en vse aüx medicamens , comme des cantharides , à faire vessres, pour nettoyer et consommet les 'malieres conjointes en quel-
que partieexterieure du corps aux le-
preux.
