CHAPITRE X
D’AVCVNES CHOSES OVE L’ON DOIT OB- SERVER OVTRE LES PRECEDENTES, POVR LA PRESERVATION.
En cest endroit ie veux bien encore declarer aucunes choses, lesquelles pourroient puire à vn chacun ,etlerendre plus idoine à prendre la peste : partant aussi est bon pour la preseruation de les obseruer.
Et sur toutes autres choses faut euiter la frequentation des femmes, d'autant ‘que par icelle les forces et vertus sont diminuées , et les esprits se resoluent et affoiblissent , principalement tost aprés le repas, pour-ce qu’on debilite l’estomach, et par ce moyen se fait crudité, de laquelle procede corruption et autres infinis accidens : parquoy on peut conclure que dame Venus est la vraye peste, si on n’en yse auec discretion. Aussi se faut garder de viure en oisiueté, etimanger et boireauec discretion : car telles choses engendrent aussi obstructions et des humeurs vicieux, dont ceux qui font tels excés sont plus suiets à prendre la peste. Si les femmes sont reglées de leurs fleurs, cela les preserue beaucoup : aussi si elles sont retenues, cela leur peut grandement nuire, parce qu’en temps de peste elles se corrompent facilement:
parquoy elles doiïuent prendre garde à les prouoquer , comme nous declarerons Cy aprés, Pareillement ceux qui auront vieils vlceres , fistules et galles, ne les feront cicatriser en temps de peste, mais plustost en feront de nouuelles, à fin que par icelles , comme par vn esgout de tout le corps, le venin, si aucun y en auoit
en nous, se puisse euacuer sans s’y accroupir aucunement. Aussi ceux qui ont flux de Sang par le nez ou par hemorthoïdes, le laisseront fluer, et ne l’estancheront s’il n’estoit excessif.
Bref en temps de peste, ne faut retenir aucun humeur vicieux dedans le corps, ny pareillement faire trop grande euacuation.
Outre-plus on se doit garder audit temps d'acheter choses esquelles l'air pestilent se peut couuer aisément et garder , comme en chanure, lin, lits où auront couché les pestiferés, fourrures , habillemens de draps de laine, tapisseries, et autres semblables. D’auantage , il ne faut faire sa demeure prés les cemetieres (et principalement prés de ceux esquels les corps morts ne sont enterrés profondément, comme ordinairement on fait à sainct Innocent, de facon que quelquesfois les chiens les deterrent et mangent ) ny prés des voiries, escorcheries , poissonneries, tanneries, teinturiers, chandeliers, frippiers, reuendeurs , peaussiers, corroyeurs, et tous lieux où on fond les metaux : ny souffrir fiensprés sa maison,et principalement celuy des pourceaux , ny cloaques, eaux croupies et charongneuses, et semblables choses infectes et puantes.
D’auantage, ne faut aller aucunement à la selle és retraits où on iette les excremens des pestiferés. Aussi faut euiter la frequentation de ceux qui hantent les malades de peste, comme les Medecins, Chirurgiens , Apoticaires, Barbiers, Prestres, gardes, seruiteurs et fossoyeurs qui enterrent les corps morts de peste : car iaçoit qu'vn homme n'ait la peste, neantmoins venant de l'air pestiferé , la peut porter auec soy en ses habillemens, Ce qui est conneu par experience, que si on demeure quelque
LE VINGT-QVATRIÉMÉ LIVRE
temps en la boutique d’yn parfumeur, sortant de là on sent le parfum , bon ou mauuais, à raison que l’exhalation et vapeur du parfum s’estend parmy l’air qui est à lentour , lequel entre en nos habillemens, et par ce moyen baille l’odeur qu’il areceu des drogues du parfumeur : aussi l'air pestiferé fait le semblable : partant faut euiter telles choses.
Finalement il faut auoir esgard aux choses appellées non naturelles , desquelles nous en auons ja par-auant touché aucunes : et adiousterons encore qu'il faut euiter de se courroucer grandement : car par la cholere il se fait grande ebullition du saug et des esprits, et dilatation des ouuertures et conduits , et par ce moyen l'air pestilent en tel cas engendre promptement la fiéure pestilente, ce qu'on a veu aduenir souuent. Au contraire, il se faut tenir ioyeux, en bonne et petite compagnie, et par fois oùyr chantres et instrumens de musique, et aucunes fois lire ou oùyr lire quelque lecture plaisante, et principalement de lasaincte Escriture ‘. D’auantage, il faut euiter le trop veiller la nuit, les grands et excessifs mouuemens, l’ardeur du soleil, la faim et soif, parce que telles choses eschauffent les esprits et causent la fiéure ephemere, de laquelle prouient souuent la pestilentielle. Que diray-ie plus? c’est que si quelqu’vn est contraint de faire sa residence en vne maison ou chambre d'yn pestiferé, il la faut auparauant parfumer, et tout reblanchir auec de la chaux : car le venin pesliferé el contagieux s’attache longuement aux parois?.
1 Cette phrase est une addition de 1585.
2 Ce dernier paragraphe a été également ajouté en 1585.
DE: LA! PEST
