CHAPITRE IT

Strabo dit que les ITuifs, pour la confiture de leurs corps, souloient Yser de bitume, qui est vne poix liquide qui se prend en la mer Rouge, prés Sodome.

Or bien à peine s’est-il trouué nation, tant barbare fust elle, qu’ils n'ayent embaumé les corps morts, non pas mesme les Scythes, qui semblent en barbarie auoir surpassé le reste des hommes. Car iceux, comme dit Herodote, liure quatriéme de son Histoire, enterrent point le corps de leur Roy, que premierement ilsne layent mis en cire, aprés auoir curé le ventre et nettoyé, puis rempli de cypre concassé, d’encens, de graine de persil et d’anis, et en aprés recousu.

Deceste mesme choseles Ethiopiens se sont monstrés curieux, faisans leurs sepultures de verre, en ceste sorte : c’est qu’aprés qu’ils auoient vuidé et descharné iusques aux os, comme vne anatomie seiche, le corps de leurs amis defunts, ils les accous troient et lissoient de plastre, sur lequel ils iettoient aprés vne peinture qui approchoit du vif autant qu'il leur estoit possible : et ce fait , ils l’enfermoient dans vne colomne de verre creux. Le corps ainsi enchassé apparoissoit au trauers le verre, sans rendre mauuaise odeur, et sans desagreer aucunement. Les plus proches parens le gardoiïentchez eux l’espace d’vn an, en luy faisans offrandes et sacrifices, et au bout de l’an le transportoient hors la ville au lieu destiné , ainsi que nous faisons aux cimetieres, comme escrit le mesme Herodote.

D'SCOVRS