SVR LA

seruitude, comme ayant desauoüé et renoncé sa race et origine. Ce qui est tesmoigné par Claude Paradin, en la Preface du liure qu'il a fait des Alliances et Genealogies des Roys et Princes de la Gaule.

Pierre Messie en ses diuerses Leçons, chap. 8. escrit, que les anciens Romains auoient vne coustume de brusler les corps morts, et que le premier des Senateurs qui fust bruslé aprés sa mort, fut Sylla, et aprés luy plusieurs autres hommes notables et illustres : les cendres desquels on gardoit dedans des vrnes ou vaisseaux de terre, puis on les posoit dedans les sepulchres ou tombeaux sous terre, faits en voulte.

Les Grecs auoient aussi ceste maniere de brusler les corps morts.

Stobée escrit que les Colches n’enterroient point leurs morts, mais les pendoient aux arbres.

Les Scythes d'Asie se seruoient pour boire de l’os du crane de leurs parens et amis, enchassés en or, pour en auoir tousiours memoire : eLentre tous leurs thresors et choses precieuses estimoient lesdites tasses.