CHAPITRE X
Le septiéme iour de Iuin mil cinq cens quatre vingts et deux, le fils de Mathurin le Beau, marchant bonnetier , demeurant rue S. Denys, à l’enseigne de la Couronne d'argent, aagé de vingt-six mois, estant au milieu de la rue, vne coche chargée de cinq Gentils-hommes, la rouë de deuant passa au trauers du corps dudit enfant. Le peuple criant au cocher qu'il arrestast ses cheuaux, les fit reculer en arriere, et la rouë repassa encore vne fois par dessus le corps de l'enfant. Il fut porté en la maison de son pere, et pensoit-on qu'il fust mort, et tout euentré. Subit ie fus enuoyé querir pour penser ledit enfant : lequel ie reuisitay bien exactement, et ne trouuay aucune fracture ny luxation en aucun endroit de son corps. Tout à l'heure i'enuoye querir à la porte de Paris vn mouton queie fis escorcher : et aprés auoir frotté le corps dudit enfant d'huile rosat
“et de myrtille, ie l’enueloppay nud en la peau dudit mouton tout chaudement : puis luy fis boire de l’oxy> crat en lieu de Mumie, pour garder que le sang ne se caillebottast et figeast dedans le corps. D'abondant ie dis à la mere, qu’elle le gardast de dormir le plus qu’elle pourroil , pour le moins quatre ou cinq heures!, à fin que le sang ne courust pas tant aux parties interieures du corps (ce qu’elle fit). En outre ie luy appliquay des fomentations d’herbes reso!utiues, et emplastres propres aux contu-
1 Bon aduertissement. — A, P.
MVMIE.
sions, pour resoudre lesang meurtri.
Trois ou quatre iours aprés, apperceuant que ledit enfant ne se pouuoit tenir debout, et moins cheminer, ie fis appeler monsieur Pietre, Docteur Regent en la Faculté de medecine, homme d’excellent sçauoir, qui luy ordonna quelque petite medecine, parce qu’il auoit le ventre fort conslipé : el craignant que la retention des excremens ne procedast pour la lesion de l’espine et les nerfs qui laschent et estraignent les excremens :
comme ainsi soit que les malades qui ont fracture ou luxation aux vertebres , souuent laissent aller leurs excremens inuolontairement,autresfois sont retenus sans les pouuoir ietter dehors, ce que ay veu plusieurs fois : ioint aussi que par vne grande contusion les costes se peuuent separer des vertebres, où ellessont iointes :
pareillement le defaut de se soustenir et marcher me faisant craindre que ie n’eusse trouué le vice par la veuë et au toucher, scachant que deux yeux voyent plus qu’yn, ie fis semblablement appeller Iean Cointeret, et Jacques Guillemeau, Chirurgiens du Roy, autant bien entendus en la chirurgie qu’il y en ait à Paris :
où estans arriués visiterent ledit enfant, sur lequel ne trouuerent aucune fracture ne luxation. Aïnsi poursuiuant la cure iusques à la fin, est du tout guari, graces à Dieu , et chemine comme il faisoit auparauant qu'il fust blessé.
Et si l’on demande comment la rouë de la coche chargée de cinq hommes puisse auoir passé au trauers du corps de l'enfant, sans auoir rompu les costeset vertebres : ie respondray que les costes, et principalement les fausses, sont cartilagineuses et mollasses, nommément
aux jeunes énfans, ét partant se péuuent grandement ployer sans estre rompues. Ceste présénté histoire pourrà encore seruir au ieuñe Chirurgien, pour faire le semblable, ou mieux s’il peut, à l'endroit de telles blessures.
Voila comme les anciens Médecins commändent de traiter ceux quisont tombés de haut , où ont esté frappés,
DISCOVRS DE LA MVMIE.
contus ét meurtris, pour obüier qué le sang ne se coagule, ou caillebotte, ou se pourrisse, tant aux parties interieures qu’exterieures : lesquels n’ont iamais parlé, ny ordonné à manger ny à boire de la Mumie, et chair des corps morts. Partant nous la renuoyerons en Egyple , comme nous ferons de la Licorne aux deserts inaccessibles.
DISCOVRS
DE LA LICORNE ‘
