DESCRIPTION

Pausanias escrit que le Rhinoceros a deux cornes, et non vne seule : l’vne sur le nez, assez grande, de couleur noire, et de grosseur et de longueur de celle d’vn buffle, non toutesfois creuse dedans, ny tortue, mais toute solide, et fort pesante : l’autre luy sort en haut de l’espaule, assez petite, mais fort aiguë. Par cela apparoist que ce ne peut estre la Licorne, laquelle : n’en doit auoir qu'vne, comme testifie son nom Monoceros.

On dit qu'il ressemble à l’elephant, et quasi de la mesme stature, sinon qu'il a Les jambes plus courtes, et les ongles des pieds fendus, la teste comme un pourceau, le corps armé d’'vn cuir escaillé et tres-dur, comme celuy du crocodile, ressemblant aux bardes d’vn cheval guerrier.

Festus dit que quelques-vns pensent que ce soit vn bœuf sauuage d'Egypte t.