CHAPITRE I

QVE C’EST QVE MEDICAMENT, ET LA DIF- FERENCE ENTRE MEDICAMENT ET ALI- MENT.

Medicament est la chose qui peut alterer Nature en vne qualité ou plusieurs, et n’est point conuertie en sa substance : au contraire d’aliment, lequel n’altere point ou peu Nature, et se conuertit en la substance de nostre corps. Toutesfois medicament et aliment sont pris et vsurpés par comparaison du corps qui est medicamenté ou alimenté, en sorte qu’vn medicament peut estre aliment à vn,

et medicament à l’autre : comme par exemple l’ellebore est aliment à la caille, et medicament aux hommes :

aussi la ciguë est aliment à l’estourneau, et poison à l’oye : pareïllement l'herbe appellée ferule, est aliment à l’asne , et est venin à toutes autres bestes cheualines. Et ne se faut esbabir si ces choses sont alimens à telles bestes : car il faut estimer qu'elles sont conuenables à leur nature. Ce qui peut aussi aduenir aux hommes par accoustumance et long vsage, desquels est faite naturelle habitude.

Et de cecy les histoires anciennes en font foy, esquelles nous lisons qu’aucuns ont esté nourris de veninst, comme la fille qui fut euuoyée à Alexandre-le- Grand, laquelle auoit esté nourrie de napel et autres venins, et par longue pratique en auoit fait nature et habitude, de sorte que son haleine estoit poison mortelle aux hommes. Parquoy ne se faut donner merueille si les medicamens sont aucunesfois conuertis en alimens : ce qu’on voit aussi journellement aux poulailles et porcs, lesquels mangent serpens, Crapaux, et autres choses venimeuses sans dommage :

mesmes que la cicoigne et plusieurs autres animaux sen nourrissent, et leurs petits. |