LIT
qui nage, comme de la graine de sureau , hieble , baïe de laurier, et autres. La seconde est par infusion, comme celle qu’on fait auec huiles, mettant dedans tremper quelques parties des plantes ou des animaux.
La troisiéme est par distillation, comme celle qu’on fait par force de feu , soit en montant, ou descendant, ou par rencontre.
La premiere maniere est conneuë d’vn chacun, et se fait ainsi : comme pour extraire l'huile d’amendes, les faut piler sans peler, et les reduire en pains qui seront enueloppés en vn sac fait de poil de cheual, ou toile neufue premierement trempée en eau ou vin blanc, puis on les met en la presse : et par tel moyen on en extrait lhuile. Ce qu'on peut pareillement faire de pignolas , noisettes , de noix d'Inde, muscade, de noyaux de pesche, et parcillement de semences de courges, de concombres, pistache, et generalement de toutes autres semences huileuses.
L’huile de laurin se fait des fruits de laurier meurs et recentement cueillis, lesquels on pile en vn mortier, et les fait-on boüillir en eau in duplici vase : puis on les presse en vne presse, comme les amendes, ou bien on les tire par ebullition, comme auons dit.
L'huile d’œufsefait de jaunes d'œufs qu’on a fait durcir à force de boüillir, au nombre que tu voudras: aprés estre bien durs, on les emince entre les mains dedans vne paesle, et les fait-on fricasser à feu mediocre, les remuant tousiours auec vne cuillier iusques à ce qu'ils deuiennent roux ou tanés, et qu’on en voye sortir l'huile : puis subit les faut mettre en yn sac de toile ou estamine fait de poil de cheual, et les presser à la
presse comme on fait l'huile d’amendes.
Celles qui se font par infusion se pratiquent en telle sorte. Vous prendrez de bonne huile, en laquelle vous mettrez tremper ou infuser vos herbes et plantes, ou bien quelques animaux ou parties d’iceux , et ce par l’espace de quelque temps : lesquels aprés auoir laissé leur vertu et faculté pour y estre trempés longuement, on les fait boüillir, puis on les coule et presse, et si dans l’huile demeure quelque humeur , on la fait consommer, la faisant boüillir. Aucuns adioustent des sommes en cesdites huiles, lorsqu'on les veut composer :
desquelles encore qu’en nostre Antidotaire en ait esté escrit, toutesfois ie donneray la copie de ceste cy.
Huile d'Hypericon.
Prenez fleurs d'hypericon tb £.lesquelles mettrez en vne bouteille auec fleurs de centaure q. s., gomme elemni 5.ij, huile commune deux liures :
mettez tout en la bouteille au soleil le long de l’esté , lors que le soleil est en sa plus grande force. Si voulez adiouster vn peu d'eau de vie, elle seroit singuliere, dans laquelle pourrez dissoudre du benioin.
L’huile de mastic est faite de douze onces d'huile rosat, mastic trois onces, bon vin huit onces , puis on fait cuire le tout ensemble iusques à ce que le vin soit consommé : en aprés on passe l’huile, et est reseruée en vn vaisseau.
LE VINGT-SIXIÉME LIVRE
