CHAPITRE XX VII

DE CEVX QVI SONT POSSEDÉS DES DE- MONS, QVI PARLENT EN DIVERSES PAR- TIES DE LEVRS CORPS {.

Ceux qui sont possedés des demons, parlent la langue tirée hors la bouche, par le ventre, par les parties naturelles, et parlent diuers langages inconneus. Ts font trembler la terre, tonner, esclairer, venter : desracinent et arrachent les arbres, tant gros et

Æorts soient-ils : ils font marcher vne

montagne d’vn lieu en autre , sousleuent en l'air vn chasteau , et le remettent en sa place : fascinent les yeux et ‘les esbloüissent, en sorte qu'ils font voir souuent ce qui n’est point. Ce que atteste auoir veu faire à vn sorcier, en la presence du defunct Roy Charles neufiéme, et autres grands Seigneurs.

Paul Grillant escrit de son temps auoir veu à Rome brusler vne femme sorciere, qui faisoit parler vn chien.

Us font encores autres choses que dirons cy apres, Satan pour enseigner aux plus grands sorciers la sorcellerie, entremesle propos de Ja saincte Escritureet des saincts Docteurs, pour faire du poison anee du miel, qui a tousiours esté et sera l'astuce de Satan, Les sorciers de Pharaon contrefaisoient les œuures de Dieu.

Les actions de Satan sont supernaturelles et incomprehensibles, passans l'esprit humain, n’en pouuant rendre raison non plus que de l'aimant qui attire le fer et fait tourner l'aiguille, Et ne se faut opiniastrer contre la verité, quand on voit les

1 Ce chapitre a été ajouté en entier dans l'édition de 1586,

effets, et qu'on ne sçait la cause : et confessons la faiblesse de nostre esprit, sans nous arrester aux principes et raisons des choses naturelles, qui nous manquent, lors que nous voulons examiner les actions des demons et enchanteurs. Les malins esprits sont les executeurs et bourreaux de la haute iustice de Dieu, et ne font rien que par sa permission. Parquoy il nous faut prier Dieu, qu'il ne permette point que soyons induits aux tentations de Satan. Dieu a menacé par sa loy d’exterminer les peuples qui souffroient viure les sorciers et enchanteurs !. C’est pourquoy sainct Augustin au liure de la cité de Dieu?

dit que toutes les sectes qui iamais ont esté, ont decerné peine contre les sorciers, exceplé les Epicuriens. La royne Iesabel , pour-ce qu'elle estoit sorciere , Iehu la fit ietter par les fenestres de son chasteau, et la fit manger aux chiens.