VOYAGE DE FLANDRES

Monsieur le duc d’Ascot ne fit faute d’enuoyer vn gentilhomme vers le Roy,accompagné d’vne lettre, pour le supplier humblement luy faire tant de bien et d'honneur, que de permettre et commander à son premier Chirurgien venir voir monsieur le marquis d’Auret son frere, qui auoit receu vn coup d'harquebuse prés le genoüil, auec fracture d'os, il y auoit enuiron sept mois, el que les Medecins et Chirurgiens de par delà estoient bien empeschés à sa guarison. Le Roy m'enuoya querir, et me commanda d'aller voir ledit seigneur d’Auret, et le secourir en tout ce que ie pourrois pour la guarison de sa blessure. Ie luy dis que ’employerois tout le peu de sçauoir qu'il auoit pieu à Dieu me donner,