DE CRACHER ET BAVER

Par cracher et bauer se fait aussi grande euacuation : ce qu'on voit par expérience à plusieurs qui ont eu aposteme aux costes, nommée pleurésie, alors que la suppuration est faite, la sanie est iettée par la substance rare et spongieuse des poulmons, et de là conduite par la trachée artère en la bouche. Et quant au bauer, il est bien manifesle que les panures verollés se purgent par iceluy, comme aussi par le cracher.

Or on pourra prouoquer le cracher et bauer auec masticatoires faits de racine d'iris, et de pyrethre, mastic, et autres semblables : aussi en tenant dedans la bouche et gargarisant , mucilage de semence de lin.