DE LA. RELAXATION ET ENFLEVRE DV NOMBRIL, QVI SE FAIT AVX ENFANS

Quelquesfois aduient aussi aux enfans nouuellement nés , que leur nombril est tuméfié de grosseur d'vn œuf, qui procède pour auoir esté mal coupé et hé , ou pour quelques humeurs et aquosités qui y sont amassées , ou de trop crier pour les tranchées : quelquesfois aussi apportent ceste tumeur du ventre de la mère, accompagnée d'vne aposteme, à laquelle ie conseille au ieune chi-

» Ici s'arrêtait le chapitre en 1573 et 1575, le reste a été ajouté en 1579.

rurgien n'y toucher pour y faire ouuerture : car estant faite , les intestins sortent.

Ce que i'ay veu aduenir plusieurs fois , et mesmemennt à l'enfant de défunt M. de Martigues, lequel auoit espousé madame de Laual, qui estoit de la maison deLautrec : dont le chirurgien, nommé maistre Pierre de la Roque , fut en grand danger de sa personne : et n'eust esté monsieur d'Estampes et mondit sieur de Martigues, les seruiteurs luy eussent coupé la gorge, estimahs que la mort estoit suruenue à l'enfant par la faute dudit chirurgien.

Et encores depuis n'agueres , telle chose est aduenue à l'enfant de Iean de Gourmont , tailleur d'histoires « , demeurant à l'Arbre sec , rue Sainct Iean de Latran , en l'Vniuersité de Paris, lequel m'enuoya quérir pour faire ouuerture audit ombilic : ce que ie refusay, et lui dis qu'il mourroit bien sans moi. Trois iours après l' aposteme se creua d'elle mesme , et les intestins sortirent, dont il mourut.