DESCRIPTION DV RHINOCEROS

Pausanias escrit que le Rhinocéros a deux cornes , et non vne seule :

l'vne sur le nez, assez grande, de couleur noire, et de grosseur et de longueur de celle d"vn buffle, non toulesfois creuse dedans, ny tortue, mais toute solide, et fort pesante : l'autre luy sort en haut de l'espaule, assez petite, mais fort aiguë. Par cela apparoist que ce ne peut eslre la Licorne, laquelle n'en doit auoir qu'vne, comme teslitîe son nom Monoceros.

On dit qu'il ressemble à l'elephant, et quasi de la mesme stature, sinon qu'il a les iambes plus courtes, et les ongles des pieds fendus , la teste comme un pourceau, le corps armé d'vn cuir escaillé et tres-dur, comme celuy du crocodile , ressemblant aux bardes d'vn cheval guerrier.

Festus dit que quelques-vns pensent que ce soit vn bœuf saunage d'Egypte '.