AUTRE PARTIE

de P argument de ce^te tragédie,

If ASINISSA.

Je VOUS respondray en peu de parolles, seigneur Scipion, afin que vous ne me condamniez ainsy

DE SAINCT-CBLAY8. 211

sans avoir ouy mes raisons. Ce n'a point esté appétit desordonné qui m'a induit à contracter ce que yay faict avec Sophonisba , ains a esté généreuse pitié, et j'estimay en cela ne faire point de faulte mesmement contre le peuple romain* Je scay bien que vous estes assez adverty comme le père d'elle me la promit en mariage premièrement ; mais Siphax qui depuis en devint amoureux feit tant par ses menaces qu'elle me fjist ostée par les seigneurs du Sénat de Carthage^ pour la luy donner, dont je conceu en moy un tel despit que tousjours depuis je luy ay faict la guerre, et à la fin me suis joinct pour cest effect avec vous, là où vous scavez comme je me suis porté, et comme j'ay prins prisonnier Hanno et fus cause de rompre la gendarmerie de Carthage prés la tour que feit édifier le Roy de Syracine Agathocles. Et depuis quand vous desfeites Hasdrubal en bataille, vous scavez comment j!ay trouvé moyen de vous descouvrir tous les conseils des ennemys et comme seul avec mes gens je feis teste à Tarmée de Siphax. Mais quel besoing est-il de vous raconter par le menu en combien de lieux je vous ay faict service^ entendu que nul aultre ne le scait mieux que vous. Pourtant vous diray-je seulement que sur la confiance d'iceulx j'ay prins ma femme qu'un aultre m'avoit emblée, à quoy faire m'a encores donné hardiesse, ce que par plusieurs fois voue m'avez faict promesse de me rendre tout ce que Siphax occupoit du mien. Et si ma propre

femme ne m'est restituée, que puis-je espérer que Ton me rende plus? Toute l'Europe anciennement prînt les armes et passa la mer avec plus de mille vaisseaux et demoura plus de dix ans au siège devant Troye la grande, jusques à ce qu'elle feut prinse, arse et bruslée, pour faire rendre à Menclas sa femme Heleine, qui volontairement s'en cstoitfuie avec Paris- Alexandre, en la compaignie du quel elle avoit jà bien esté l'espace de vingt ans. Et vous ne voulez pas rendre ceste-cy que Siphax m'a ostée par force et par tromperie il n'y a que trois ans et qui point n'a esté reconquise avec tant de travaux. Je vous prie, au nom des Dieux, ne me refusez point un don qui si peu vous couste et à moy est si cher. Et ne s'estende le courroux et la haine que vous portez à ceux de Carthagc jusques aux femmes. Ains aient mes services tant de pouvoir envers vous qu'ils luy impetrent grâce et pardon de son offense^ pour tascher de bi<sn faire à son pays ; car il est bien raisonnable que pour l'amour d'un bon l'on fasse grâce à un mauvais ; mais c'est contre tout droict et toute raison, punir un innocent pour le mesfaict d'autruy.

Raisons de Scipion contre Masinissa.

SCIPION

Qui ne scacroit certainement de quel costé seroit le tort, oyant ce que vous venez de discon-

DE SAINCT-GELAYS. 2I3

rîr, malaisément se pourroit persuader que je ne Tcusse, Mais celuy n'est pas te plus juste, ny n*a le meilleur droit qui mieux scait colorer de belles paroles ce à quoy le pousse son désir. Aîns est celuy qui jamais ne se départ de la vérité. Or, si Sophonisba estoit une femme comme vous dictes, sans point de double je la vous rendrois. Car vous scavez que je vous donnayHanno, l'un des princîpaulx chefs de Carthage, pour (en eschange de luy) retirer vostre mère prisonnière. Et tout aussi tost que nous eusmes conquis le royaume des Massiliens, que je scavois à la vérité cstre vostre, je le vous remis entre les mains . Mais encore que Sophonisba vous eust esté promise en mariage avant que a Siphax, ce n'est pas à dire qu'elle soit vostre femme pourtant ; car une simple promesse ne faict pas le mariage. Vous n'avez point eu d'enfans d'elle comme Menelaus en avoit eu d'Heleine. Davantage, si elle es toit vostre femme, quel besoîng estoit-il donc de l'espouser une aultre fois et si soudainement en faire les nopccs dedans la ville mesme, capitale de vostre ennemyetaumeillicu du bruit et du tumulte des armées ? Et pourquoy futce que des le commencement, quand vous me déclarâtes tout ce qui vous appartenoit^ vous ne me parlastes oncques d'elle?. Cela tesmoigne assez qu'elle n'était point vostre, ains espouse légitime de Siphax, lequel ayant esté vaincu etprins soubs l'adveu de ma fortune et sous la conduite de mes enseignes; sa personne, sa femme, ses villes et

214 ŒUVUBS DE MELIN

pays et générallement tout ce qu'il possedoit en ce monde vient d'estre proie et conqueste du seul peuple romain. Et est force que luy et sa femme, encores qu'elle ne fust point Carthaginoise et que son père ne fust l'un des chefs de nos ennemys, aillent à Rome pour y recevoir la sentence telle qu il plaira au Sénat et au peuple romain^ attendu mesmcment que ce a esté elle qui nous a soustrait un Roy, lequel par avant estoyt nostre amy, et Fa encore depuis incité à prendre témérairement les armes contre nous, au moyen de quoy il n'est plus en ma puissance d'en disposer. Et pourtant envoyez la moy sans plus attendre et ne vous entremettez plus de vouloir retenir à force ce qui est au peuple romain. Maïs si amyablement vous desirez ol>tenir quclquechosé deluy,dictes-le-moy; car j'en écriray pour vous affectueusement au Sénat.

MASINISSA

Puisqu'ainsy est que je vous voy résolu en ce propos de la vouloir (comment que ce soit) avoir, je n en contesteray plus contre vous ; car je veux que non seulement d'elle ains encores de ceste mienne personne vous puissiez tousjours disposer à vostre plaisir. Mais bien vous veulx-je supplier de n'estre point mal content si je cherche d'aquiter ma parolle et ma foy, laquelle avant qu'y bien penser j'ay obligée un peu trop soudainement.

SCIPION

Ceste response est digne de vous. Si en faictes

DE SAINCT-GELAYS. 215

comme mieulx vom aemblcM, pouvcn que nous l'ayons.

MASINISSA

Je me retirerai doncques en mon logis pouf à part moy penser comment je pourray ensemble satisfaire à vostre voulonté et à ma foy.

Quatrième intermedie.

DAMES

Amour, qui des plus haultain& Voluntiers les cueurs attains, £t non guieres jamais hors Des gentils espritz ne sors, Il n'y a au monde force Qui la tienne eschappe ou force; £t sont tes lacs et filiez D'attraicts doulz emmiellez Si subtillement tendus Que tous les mieulz entendus Ja chenus et chargez d'ans Ëncores donnent dedans.

Les plus fiers et plus farouches Souffrent voulon tiers les touches De tes [poignantes sagettes.

Que non-seulement tu gettes Çà bas aux pauvres mortels, Ains là sus aux Immortelz

2l6 ŒUVRES DE MBLIN

Les faiz aussy bien sentir ; £t ne s'en peult garantir Au ciel mesme la haultesse De pas un Dieu ny Déesse ; Non plus que dessoubz la lune N'a plante ny herbe aulcune, Beste^ n'y chose ayant vie Qui ne te soit asservie.

Mais le servir gracieux Au quel tu t'ayme le mieux Sont les yeux des belles Dames, Au feu desquels tu enflammes Tes brandons et d'où départ Geste flamme qui tout ard.

Car comme les matelots Voyageant dessus les flots De la mer ont espérance Qu'enfin à port d'asseurance Les conduira la certaine Guide de la Tramontaine ; Ainsi les pauvres forçaires, Enfermez sur les gallaires D'Amour, n'ont autres estoiles Ne guide à régler leurs voiles, Si non les astres luisans Des yeux qui leurs feux cuisans Ont allumé. C'est le vent Qui tourne et change souvent Leurs diverses passions, Selon les mutations

DE SAINCT-GELAYS. 21/

Des vouloirs de leurs maistresses^ Leur donnant ores détresse, Ores plaisir, ores pleur Et ores espoir trompeur.

Mais quand de ces te ruyne On leur oste l'origine, Encores à leur malheur En fondent-ils de douleur, Ainsy leur perte leur plaist Et leur salut leur desplaist.

Je qui n'eus oncq la pensée, Amour, de tes dards faussée, Sens néantmoins en moy mesmc Une passion extresme, Oyant les souspirs ardcns Et les sanglots evidens Dont ce pauvre Roy aymant Va l'air autour allumant.

De façon si véhémente Qu'on l'oyt jusques hors sa tente.

C^est signe que sa prière Est rejetéc en arrière.

Helas ! que nostre Princesse Aura au cueur de tristesse, S'il est vray, O que celuy^ Qui règne au vouloir d'autruy A d'angoisses est soubmis î Las ! tant je crains ce que mis Il a en nn vase d'or Et qu'il a envoyé or*

2l8 ŒUVRES DE MELIN *

A la Roîne. O puissants Dieux !

" Que ce soit un précieux Joyau qui la reconforte. Non qui douleur luy apporte.