PREMIER GENTILHOMME DE LA ROYNE

Dames esplorées et dolentes, ne demourez plus icy dehors ; ains entrez dedans, là où vous trouverez la Royne, qui s*est toute vestue de blanc et 8*appareille pour aller faire ses offrandes au temple, où elle désire que vous luy faciez compaignie.

DAMES

Tu ne scais donques pas la nouvelle qui nous tient le cueur en tristesse, ny à Tadventure là Royne mesmes à qui plus il touche de l'entendre? Alons devers elle pour luy aider de nos prières à pacifier l'ire des Dieux. Mais, hela s ! j'ay grand peur que ce i^e soit trop tard.

PREMIER GENTILHOMME

Nous avons le jour esté occupez à donner ordre à la maison, par le commandement de la Royne, qui a esté cause que nous n'avons peu entendre ce qui s'est faict dehors . Mais vous, mes Dames, qui le scavez, puisqu'ainsi est que vous estes en peine, je vous prie nous le faire entendre.

DAMES

Ha ! pauvre Dame J Hélas ! tant j*ay de doubte

DE SAINCT-GBLAYS. 2I9

que tu ne nous sois enlevée et ne sois emmenée esclave et prisonnière en terre estrange.

SBCOND GENTILHOMME.

Comment l les nopces accordées ne viendrontelles point à effect ? que dictes-vous ?

PREMIER GENTILHOMME

Le Roy Masinissa ne tiendra-il point sa promesse ? C'est bien chose estrange qu*il ait le cueur de si tost abandonner une si belle et si vertueuse dame ; car il aura assez- moyen de la sauver pourveu qu'il le vucille.

DAMES

Qui n*est le plus fort-, il faut qu*i] baisse la teste et qu'il ait patience. Malaisément peult le subject gaigner sa cause à l'encontre de son seigneur. Le Roy ne feroit pas si triste chère s'il ne veoit les' choses aller au rebours de sa volonté. Ceste pauvre Dame n^a homme qui parle pour elle et ne seauroit avoir si non mauvaise nouvelle. ,

PREMIER GENTILHOMME

O Dieux ! qui n'a donc faveur de la Fortune ne fault pas qu'il espère avoir des amis. Les nopces , à ce que je voy sont rompues.