CHAPITRE IV

COMME L'AME DESCHARGE SES PASSIONS SUR DES OBJECTS FAUX, QUAND LES VRAYS LUY DEFAILLENT

Un gentil-homme des nostres merveilleusement subject à la goutte, estant pressé par les medecins de laisser du tout l’usage des viandes salées, avoit accoustumé de respondre fort plaisamment, que sur les efforts et tourments du mal, il vouloit avoir à qui s’en prendre, et que s’escriant et maudissant tantost le cervelat, tantost la langue de bœuf et le jambon, il s’en sentoit d'autant allegé. Mais en bon escient, comme le bras estant haussé pour frapper, il nous deult', si le coup ne rencontre, et qu'il aille au vent; aussi que pour rendre une veuë plaisante, ilne faut pas qu’elle soit perduë et escartée dans le vague

de l’air, ains qu’elle aye bute pour la soustenir 15

à raisonnable distance,

Ligne 3) a : laisser l’usage — 4) a : respondre plaisamment