DE LA CONSTANCE
La Loy de la resolution et de la constance ne porte pas que nous ne nous devions couvrir, autant qu'il est en nostre puissance, des maux et inconveniens qui nous menassent, ny par conséquent d’avoir peur qu'ils nous surpreignent. Au rebours, tous moyens honnestes de se garentir des maux sont non seulement permis, mais loüables. Et le jeu de la constance se jouë principalement à porter patiemment les inconveniens, où il n’y a point de remede. De maniere qu’il n’y a soupplesse de corps, ny mouvement aux armes de main, que nous trouvions mauvais, s’il sert à nous garantir du coup qu’on nous ruë.
[Plusieurs nations tres belliqeuses se servoint en leurs faicts d’armes de la fuite pour advantage principal et montroint le dos a l’enemi plus dangereusement que leur visage.
Les Turcs en retienent quelque chose.
Et Socrates en Platon, se moquant de
Ligne 9) a, a’, b : patiemment, ef de pi ferme, les 1595 : porter de pied ferme, les
Lachez qui avoit defini la fortitude : se tenir ferme en son ranc contre les enemis : Quoi, fit il, seroit ce dong lachete de les battre en leur faisant place ? Et luy allegue Homere qui louë en Æneas la sciance de fuir. Et parce que Lachez se ravisant avoue cet usage aus Scithes et enfin generalemant aus gens de cheval, il luy allegue encores l’example des gens de pied Lacedemoniens, nation surtoutes duite a combatre de pied ferme, qui en la journee de Platees, ne pouvant ouvrir la phalange Persiene, s’advisarent de s’escarter et sier ‘ arriere, pour par l'opinion de leur fuite faire rompre et dissoudre cette masse en les poursuivant. Par ou ils se donarentla victoire?.
Touchant les Scithes on dict d’eus, quand Darius alla pour les subjuguer, qu’il manda a leur Roy force reproches pour le voir tousjours reculant davant luy et gauchissant la meslee. À quoi Indathyrse*, car ainsi se nomoit il, fit responce que ce n'estoit pour avoir peur ny de luy ny d'’home vivant, mais que c'estoit la façon de marcher de sa nation, n’ayant ny terre cultivee, ny ville, ny maison a defandre et a creindre que l’enemi en peut faire profit. Mais s’il avoit si grand faim d’y mordre, qu’il
Ligne 26) 1505 : faim d'en manger, qu’il
