DE LA GARDE
servit encor assez de temps de generalle; mais, ne s'en pouvant plus servir, non plus que d'un vieil cheval qui n'en peut plus , il en fit faire une encor plus belle et meilleure que ny La Reaile ny que La Marquise; tant cest homme s'entendoit bien en son estât ; et l'aymoit. Outre ceste suffisance, il estoit trèshonnorable, magnifique, splandide , grand despensicr en sa charge, très-liberal ; et trop , car il est mort pauvre, encor qu'il eust faict de beaux butins en son temps ; mais il despensoit tout, tant il estoit magnifique.
Amprès que Monsieur (despuis nostre roy Henry III) eut combattu les huguenots en ces deux battailles rangées de Jarnac , Montcontour et autres lieux et sièges, sa renommée voila par-tout de luy et de ses prouesses , si qu'il se fit un pour-parler de maryage d'entre luy et la rcyne d'Angleterre; je diray en sa vie à quoy il tint qu'il ne se conclud : mais les parolles et les choses en allèrent si advant, que nous demeurasmes quelque temps tousjours en suspens à dire, de mois en mois : «Nous o partons pour aller en Angleterre et à Lon- «dres.» Et debvoit Monsieur y estre porté par les galleres de France> qui estoient encor en ceste mer Oceane. Mais M. de U Garde en fit un si superbe appareil de ses galleres et apresls d'ornement , qu'on dit qu'il luy cousta plus de vingt mille escus : entre autres, le plus beau fut que tous les forçats de sa reaile curent chascun un habillement de velours cramoisy, à la matelotte (M. le grand prieur de Lorraine, duquel je parleray, avoit eu ainsy les siens habillés long- temps); la pouppe et la chambre de pouppe toute tapissée et parée de mesme velours , avecques une broderie d'or et d'argent large d'un grand pied, avecques pour devise une palme en broderie d'or et d'argent, soufflée et agitée de tous vents, avecques des mots grecs qui disoient : «Bien que je sois et «aye esté agité bien fort, jamais je n'ay tombé «ny changé.» Comme de vray il n'a jamais faict, et a tousjours esté bon et loyal. Les licts, couverts, orillers, bancs de chambre et de pouppe de mesmes; les estandards flambans, banderolles moiclié de mesmes et moictié de damas, tous frangés d'or et d'argent. Bref, c'estoit un chose très-magnifique à veoir. Et en tel superbe appareil debvoit entrer avecques
les autres gallcres, qui pouvoient monter jusqu'à dix , dans la rivière de la Tamise 5 Londres. Je vous laisse à penser la supcrbclé d'entrée que ce fust esté , sans tant d'autres magnificences et grandes compagnies de braves gentilshommes. El tout cela ne servit de rien à ce pauvre seigneur du baron de La Garde, si-non despense pour luy; et quelquesfois il en faisoit parer sa chambre de pouppe , qucj'ay veu ainsy; et moy indigne me suis couché et donny en ces beaux licts, où il faisoit très-bon.
Enfin il est mort ayant laissé plus d'honneur à ses héritiers que de biens , et en l'aagc de plus de quatre-vingts ans ; et si ne se monstroit trop vieux, retenant encor quelque belle et bonne grâce et apparence du passé, qui le faisoit tres-adrairer à tout le monde, avecques ses beaux contes du temps passé, de ses voyages, de ses combats, qui ont esté si frequens et assidus, que les mers de France et d'Espaignc , d'Italye, de Barbarie, de Conslantinoplc cl de Levant, en ont longuement raisonné : encor croy-je que les flots en bruyenl le nom.
Quant à moy, encor qu'il me fist perdre une fois un butin de douze mille escus qu'un navire que j'avois en mer m'avoit faict , el ne le trouvant de bonne guerre ny de prise , me le fit rendre, dont il m'en fît force excuses, j'en diray à jamais ses vertus. Si diray-je encor ce mot de luy, comme je luy ay ouy dire, et d'autres avecques moy (car il ne s'en faignoit point, et en faisoit gloire) : qu'estant extraict de bas lieu , les guerres de Milan en Piedmont esmeucs , il y eut un caporal d'une compaignie passant par le bourg dudict Poulin, et s'appelloil I-a Garde; du despuis il en voulut porter le nom; le voyant jeune enfant , gentil et tout esveillé d'esprit avecques bonne façon , le demanda à son père pour le mener avecques luy : le père le luy reffusa ; mais il se desroba du père, et s'en va avecques le caporal , el le servit de goujat environ deux ans; et puis, le voyant de bonne voulonté, luy donna l'harquebuse, le fit si bon soldat qu'il parut tousjours pour tel I ; puis fut enseigne, et lieutenant, et puis capitaine. Ah ! qu'il s'est veu sortir de très-bons soldats de ces goujats !
CAPITAINES FRANÇOIS
