M. DE CHAVIGNY ET M. DE LA VAUGOYON

Dudict M. le mareschal d'Aumont furent contemporains quasy et compagnons MM. de Chavigny et de La Vauguyon ; mais M. de Chavigny, plus vieux aussy que tous eux, fut premier advancé en grades. Il ne faut doubter que sans qu'il a perdu la veue , qu'il fust esté, il y a long-temps, mareschal de France; car il en merîloit restât pour avoir faict de bons services à la couronne, en France et en Piedmont, et est un fort sage seigneur. C'est grand dommage de cest accident malheureux, car encor eust-il bien servy le roy. Je l'ay veu l'un des capitaines des archers de la garde, faire aussy bien sa charge et aussy modestement , et sans

mescontenter ny offenser personne : luy et M. de Brezay son compaignon eurent mesme charge, qui estoit un fort sage et honneste seigneur. Il est mort «estant retiré en sa maison long-temps avant mourir, pour une maladie qu'il avoit.

M. de La Vauguyon a tousjours servy le roy tant qu'il a peu , et ne s'est jamais retiré, bien qu'il fust fort vieux et cassé, mais il roulloit tousjours , tant il avoit le cœur et le zele bon; et mesmes se trouva au siège de Chartres dernier, où il se soucyoit autant des harqucbusades que de rien, et se prcsentoit aussy resoluement hors des tranchées comme tout autre. L'on disoit qu'il faisoit cela exprès pour se faire tuer, voyant ses jours approcher, les estimant mieux et plus honnorablement là achevés que dans son lict. Ses longs services meritoient bien qu'il fust mareschal de France, mais il a esté si malheureux, qu'on luy a faict passer une infinité de places vacantes soubs son nez; au diable s'il en a jamais peu attrapper une : si bien qu'on le disoit en cela très-malheureux, car tels Festoient qui ne le meritoient pas mieux que luy. la fortune Ta voulu ainsy. L'on disoit qu'il ressembloit ces oy seaux de proye qui chasseront tout un jour et ne prennent rien, et d'autres qui en une heure feront plus de chasse qu'ils ne voudront.

Je parle du susdict M. de Chavigny fort ailleurs, par quoy icy je me tais.