M. LE GRAND PRIEUR DE FRANCE

Amprès qu*il fut desappoiocté de sa généralité des galleres, pour raison quej'ay dict, M. le grand prieur de France , de la maison de Lorraine, frère à ce grand duc de Guyse, Teul pour sa valeur et mérite; car, amprès avoir faict son premier apprentissage de guerre soubs M. son frerc au siège de Metz et la battaille de Ranty, où il fit monstre de ce qu'il estoit et qu'il seroil un jour , s'en alla à Malte servir sa religion; où estant, par son illustre race et par sa valeur et vertu, il fut faict gênerai des galleres de sa religion.

Et d'autant que la noble coustume est là de ne les entretenir ny de les annichiller ea osiveté dans le port, ordinairement elles vont en cours , comme j'ay veu et y suis esté. Parquoy un jour entre autres, ledict M. le grand prieur y estant allé avecques quatre galleres seulement, et ayant battu la mer long-temps sans aucune rencontre, et se faschant d'un retour inutille, il luy prend fantaisie (contre l'oppinion pourtant des plus vieux capitaines et ma? riniers) d'aller se présenter devant le port de la ville de Rodes, et là appeller au combat les galleres qui y sont pour la garde; lesquelles, après avoir assez attendu , en voyià sortir six de nombre seulement , et venir à luy, lesquelles n'estoient des pires choysies, mais très-bien armées de forçats, mariniers et soldats, janissaires et Turcs, et des meilleurs ; pensez qu'ils ne les avoient pas oubliés.

Sans autre teroporisement l'on vient au combat, et à s'investir de telle furye, que la victoire demeure ambiguè. Enfin, après grand tuerie et desfaicte d'un costé et d*autre, la victoire demeure au prince, n'ayant estes pourtant séparés que pour l'obscurité de la nuict; et si le combat commança despuis huict heures du matin au grand jour, et dura jusqu'à la nuict brune , que rien ne se veoyoit que la canonnades et barquebusades.

Le prince y perdit de bons hommes et de nobles chevalliers, avecques une gallere des siennes, qui fut mise à fonds; mais il demeura victorieux par la fuitte de trois, et une > emmenée en triumphe et pour butin, et deux