LE ROY FERDINAND D'ARRAGON
Or d'autant, comme j'ay dict, que je veux commancer par les Espaignols et puis finir par nos François, je vays un peu donner au roy Ferdinand d'Arragon, duquel, bien que les histoires de ces temps, et le tient-on encor parmy les Espaignols, qu'il n'a pas faict de grands combats ny de grandes guerres de sa main, c'a esté un roy fort excellent en vertus et sages conseils.
Et si constamment, disent les histoires, il eust gardé ce qu'il promettoit, on n'eust trouvé guieres à redire en luy; mais il ne se soucioit de rompre sa foy, pourveu qu'il en tirast proffit. Il le monstra au roy Charles VIII, qui, advant son voyage de Naples , avoit traicté et juré avecques luy solemnellement, et pour ce luy avoit quicté la comté de Roussillon. Il s'alla en un lourne-main liguer avec ceux qui luy cuiderent oster la vie à la battaille de Fornoue, s*il ne se fust bien deffèndu.
Il vendit après son pauvre oncle Federic, comme à beaux deniers au roy Ix>uys XII; et partagèrent son royaume et sa despouille, et le chassèrent de son bien.
il la rendit tout demesmes audict Louys XII; car, pour une querelle légère et faicte à propos, il print sujet de le chasser du tout hors du royaume, et prendre tout pour luy.
Voyià comm' il faisoit bon marché de sa foy. Aussy lisez Philippes de Gommines; vous y verrez les punitions que Dieu luy envoya. Encor en Fut-il quicte à bon marché; car il le devoit Aespouiller comme il avoit faict les autres.
On le disoit fort tenant en sa despense; et pourtant , quand il fut mort, on ne luy trouva grands amas de trésors.
Il est vray aussy qull soubstint de grandes guerres, et contre les François et contre les Mores de Barbarie et Grenade, qu'ils avoient tenue plus de huict cens ans, et à ses portes; réduisant ce beau royaume, et l'unissant à celuy de Castiile , ce qui fut certes un œuvre bien pieetsainct; et croy que Dieu luy en sceut plus de gré que de s'attaquer à nos roys de France très sacrés. Et à cesle saincte entreprise disoit-on que la reyne de Gastille Ty avoit autant ou plus poussé, (carc'estoit une fort de* votent religieuse princesse) qu'aucun grand zèle ^ qu'il y eust, n'estant devotieux que par ypocrisie, couvrant ses actes et ambitions par ce sainct zèle de religion , comm' il prit le royaume de Navarre par ce moyen.
Les entreprises et prises qu'il fit sur Oran, Alger et autres places de Barbarie et Afrique, luy raporterent aussy bien de l'honneur et de la réputation.
Estant fils second du roy Jehan d'Arragon , il vint à la couronne par la mort deson frère aisné, et fut roy de Gastille par sa femme Isabelle. Deux heurs grands arrivés à luy tout à coup : Il fit faire la descouverte des Indes parce grand personnage Ghristofle Goulon, pour le zèle sainct de sa femme qu'elle avoit à convertir ces pauvres gens, plus tenant des bestes que des hommes; et luy, le fit pour la convoitise d'avoir de ce bel or, dont il en fit faire ces beaux doublons.
Il régna quarante ans assez heureusement : car s'il fut heureux d'un costé , il fut malheureux de l'autre, parce qu'il perdit son fils unique, qui luy mourut, et sa fille Jehanne, au moyen d'une certaine roelencolie qui la prit emprès la mort de son mary le roy Philippe, et devint perdue de son sens et entendement, ayant laissé ses enfans jeunes , dont l'aisné n'avoit pas encor dix ans. Ge qui fut cause que ledict Ferdinand ne s'amusa guieres à Naples, où il en estoit allé prendre possession, bien que le peuple de là l'aymoit et le tenoit en grand estime, et l'eust fort voulu là; et s'en retourna en Espaigne avec sa seconde feoune, Germaine de Foix, niepce du roy Louys XII , et
t Le UMSuacrit 8771 dit : «Et lui, legalaat >
