LE LYON RAMPANT

OOOggOOc

Lyon rampant en crouppe de montaigne, Mort immortel en honneur triomphant, Lyon fameux, tryacle contre araigne, Trempé en fer, vertueux et vaillant, Lyon aux fiers, aux doulx humiliant, Et corps absent et présent en mémoire, Lyon transy tout refulgent en gloire :

0! et comment ose-l'en entreprendre Blasmer celuy que tout mort on espoire Second Hector et derrein Alexandre?

Digne est le bras dont l'aigre exploit enseigne Estre un corps mort en splendeur reluisant, Le thrône heureux, régy soubs telle enseigne, Dont chascun va le nom clarifiant Et sa valeur sur tous glorifiant En chrestien et payen territoire, Tant que du bruyt excellent et notoire Tous nobles cœurs luy doivent gloire rendre Et en hauts faits le maintenir et croire Second Hector et derrein Alexandre.

Publié d'après les Mss. 1717 et 12788 de la Bibl. imp. de Paris.