A HECTOR DE TROYE

Tel est son tiltre, et tel nous l'aduouons, Quand par effect semblable le voyons.

Mais s'il est autre, et du tiltre il abuse, Chacun des bons, d'entre nous, le refuse.

Or à présent en auons nous vn tel. Qui se dit serf du grand Dieu immortel, Mais il tient peu de son bon exemplaire :

Parquoy ne peult aux tresurays Chrestiens plaire, Ainçois comptait plustot aux infidèles, Quand par efforts de ses armes cruelles Il ne fait rien, sinon s esuertuer, De sang espandre, et faire gens tuer.

Et pour monstrer qu'il y met son estude, Et qu'il nous rend pour grâce, ingratitude, Nos ennemis par tout il solicite, Que contre nous la guerre resuscite :

Et que François pour vne fin totale, Soient frustres de noz biens en Itale.

Dieu, quelle erreur ! Et quelle frénésie !

Luy qui deuroit, Europe, Afrique, Asie, Par bon exemple à tous biens esmouuoir, N*ajme rien tant, que de mal faire voir, Frauder autruj de sa iuste possesse, Peuple esmouuoir à rebeller sans cesse, Rompre la foj, conspirer, machiner, Et rien ne faire autre qu'imaginer Comme il puist nuire au Royaume de France, Qui pour l'Eglise ha eu mainte souffrance, Fait maints grans frais, gaigné maintes victoires, Telles qu'on void par toutes les histoires.

Et maintenant, vn Pape ingrat conspire, Dont de douleur (non de crainte) souspire, (1)

1) Moi, Louis XII, j'en gémis de douleur, (ou de colère, of. doUr latin.)