ET BIS CONCILES DC LEGLISE

Innocent le quart, après le concile tenu à Lyon, et que le Roy saint Loys fut chef dudit passage, toutesuoyes la terre sainte ne fut point recouuree (1) : ains allèrent les choses de pis en pis. Et deslors commencèrent en Italie les partialitez, factions, bendes et diuisions mauuaises des Guelphes et Gibelins, qui durent encores iusques auiourdhuy : et ont esté cause de mort dhommes innumerables, et de ruines de villes, citez et chasteaux. Les Guelphes soutiennent le 1 parti de Leglise, et les Gibelins lautorité de Lempire. Et voyla comment la Ghrestienté se gouuernoit par le temps dudit premier concile de Lyon. Auquel ne fut conclu chose qui vaille. Et fut tenu ledit concile, lan de grâce mille deux cens quaranteneuf .

Dé second concile de Lyon, auquel présida le Pape Grégoire dixième, du temps du Roy Phelippes, Jth de saint Loys.

Lan de grâce m. ce. Lxxn. régnant en France le Roy Phelippesi fllz du Roy saint Loys, fut. assemblé vn autre concile à Lyon, auquel présida le Pape Grégoire dixième de ce nom, natif de Plaisance en Lombardie, premièrement Archidiacre du Liège. Lequel fut eslu estant oultremer, (2) en la terre sainte. Au douant dudit Pape vint le Roy Phe* lippes, et luy feit donner garde de gensdarmes, et trois fortes places autour de Lyon, pour la seureté de sa personne.

Si se trouua audit concile lempereur Michel Paleologue de Constantinoble, pour lunion de leglise Grecque et Latine, laquelle fut ratifiée par ledit Empereur. Et estoit desia la

(1) recouverte (1528 et 1548).

(2) ouliremer ne se trouYe que «Un* l'éd. 1549.

500 »■ Là DIFFERENCE BBS SCHISMES

treizième fois que leglise Grecque sestoit reunie à la Latine» mais tousiours sen es toit séparée, comme elle feit encores en ceste treizième. Car les prestres de Grèce ne 8*y voulurent point accorder, ainçois excommunièrent leur dit Empereur. Et quand il fut mort, ne le souffrirent astre enterré en lieu saint : mais fut mis en terre prophane. A quoy son fllz et successeur Andronic ne peut remédier : comme met Platina en la vie de Nicolas le quart. Toutesuoyes tant de bien y eut audit concile second de Lyon, que aucuns Princes de Tartarie, lesquelz auoient suiuy ledit empereur Paleologue, y recourent baptesme. Et lelection de Rodolf, Roy des Romains, premièrement Duc d*Austriche, et Conte de Hasbourg y fut approuuee, par telle condition que lannee ensuiuant il deuoit entrer en Italie. Oultreplus, fut audit concile beaucoup disputé du secours de la terre sainte, mais il ny fut rien conclu.

Du concile de Leglise Gallicane tenu à Paris, du temps du Roy Phelippes le Bel, contre le Pape arrogant et tprant des prestres, Boniface huitième.

Le roy Phelippes le Bel, tresprudent et tresuertueux Prince, commença à régner lan de nostre Seigneur, mille deux cens quatre vingts et six. Et en son temps estoit Pape Boniface huitième, successeur de Celestin cinquième de ce nom, bon preudhomme et saint, lequel Boniface trompa Celestin. Et dudit Celestin (qui parauant sappelloit Pierre) lordre des Celestins porte encores le nom. Iceluy Boniface (à la mode des Italiens) arrogant et ingrat du bien que tous ses prédécesseurs auoient receu en France (comme il est apparu par le dessus narré) sesleua en telle insupportabilité contre le Roy Phelippes le Bel, que cest