CHAPITRE VI

Comment Gargantua nasquit en façon bien es tr ange,

Eulx tenants ces menus propos de beuverye, Gargamelle commença se porter mal du bas , dont Grandgousier se leva de sus l’herbe , et la reeonfortoit honnestement , pensant que ce feust mal d’enfant , et luy disant qu’elle s’es toit là herbée soubz la saulsaye , et qu’en brief elle feroit pieds neufz : par ce luy convenoit prendre couraige nouveau au nouvel advenement de son poupon, et encofes que la douleur luy feust quelque peu en fascherie : toutesfois que icelle seroit briefve : et la joye , qui toust succederoit , luy tolliroit tout cest ennuy -, en sorte que seulement ne luy en resteroit la soubvenance. Couraige de Brebis (disoit-il) depeschez nous de cestuycy, et bien toust en faisons ung aultre. Ha (dist-elle) tant vous parlez à vostre aise , vous aultres hommes ! bien de par Dieu, je me parforceray, puisqu’il vous plaist. Mais pléust à Dieu que vous l’eussiez coupé. Quoy ! dist Grandgousier. Ha (dist-elle) que vous estes bon homme ! vous l’entendez bien. Mon membre ( dist-U ? ) Sang do les Cabres , si bon

3o OE U Y K E S

vous semble , faictes apporter ung couîteau. Ha ( dist-elîe ) ja à Dieu ne plaise : Dieu me le pardoint, je ne le dis de bon cœur , et pour ma patelle n’en faictes ne plus ne moins. Mais j’auray prou d’affaires aujourd’huy , si Dieu ne me aide , et tout par vostre membre , que vous feussiez bien ayse.

Couraige, couraige (dist-il) ne vous souciez’ au reste , et laissez faire aux quatre Bœufz de devant. Je m’en voys boyre encores quelcque veguade. Si cependant vous survenoit quelque mal je me tiendray près , huschant en paulrne je me rendray à vous.

Peu de temps après elle commença à souspirer , lamenter et crier. Soubdain vindrent à tas saiges femmes de tous coustez. Et la tastànt par le bas , trouvaient quelcques pellauderies , assez de maulvais goust , et pensoyent que ce feust l’enfant , mais c’estoit le fondement qui luy escappoit , à la mollification du droict intestin ( lequel vous appeliez le boyau cullier ) par trop avoir mangé de trippes , comme avons déclairé ci-dessus.

Dont une horde vieille de la compaignie , laquelle avoit réputation d’estre grande Médecine , et là estoit venue de Brisepaille , d’auprès Sainct Genou d’avant soixante ans , luy feit ung restrictif si horrible , que touts les

ïarrys tant feurent oppilez et resserrez, que à grand’peïne avecques les dents vous les eussiez eslargiz, qui est chose bien horrible à penser. Mesmement que le Diable à la Messe de Saine t Martin, escripvant le quaquet de deux Gualoises, à belles dents alongea bien son parchemin.

Par cest inconvénient feurent au dessus relas* chez les cotylédons de la matrice , par lesquelz sursaulta l’enfant , et entra en la vene creuse , et gravant par le diaphragme jusques au dessus des espaules ( où ladicte vene se part en deux ) print son chemin à gausche , et sortit par Faureille senestre. Soubdain qu’il feut né , ne cria comme les aultres enfants , mies , mies , mies : Mais à haut te voix s’escrioit , à boyre , à boyre , à boyre , comme invitant tout le monde à boyre , si bien qu’il feut ouï de tout le Pays de Beusse et de Bi* baroys. Je me double que ne croyez asseurément ccste estrange nativité. Si ne le croyez , je ne m’en soucie , mais ung homme de bien , ung homme de bon sens croyt tousjours ce qu’on luy dict et quhl trouve par escript.

Est-ce contre nostre Loy, nostre Foy, contre Raison , contre la Saincte Escripture ? De ma part je ne trouve rien escript és Bibles sainctes, qui soit contre cela. Mais si le vouloir de Dieu tel eust esté , diriez vous qu’il ne l’eust pu faire ?

3a OE U V R E S

Ha , pour grâce , n’eanburelucocquez jamais vos esperitz de ces vaines pensées. Car je vous dis , que à Dieu rien n’est impossible. Et s’il vouloit , les femmes auroient doresnavent ainsi leurs en-, fants par l’aureille. Bacclius ne feut-il pas engendré par la cuisse de Jupiter ? Eocque taillade nasquit-il pas du talon de sa mere ? Crocquemousche de la pantoufle de sa nourrice ? Minerve , nasquit-elle pas du cerveau par l’aureillede Jupiter? Adonis par l’escorce d’ung Arbre de Mirrhe? Castor et Pollux de la cocque d’ung œuf, pont et esclous par Leda? Mais vous seriez bien d’advantaige esbahys et ëstonnez , si je vous exposons présentement tout le chapitre de Pline , auquel parle des enfantemens estranges et contre nature. Et toutefois je ne suis point menteur tant asseuré comme il ha esté. Lisez le septiesme de sa Naturelle Histoire , Chap. 3 , et ne m’en tabustez, plus l’entendement.