CHAPITRE VIL
Comment le nom feut imposé à Gargantua : et comment il humoit le piot .
L E bon homme Grandgousier beuvant et se rigoullant avecques les aultres , entendit le cry horrible que son filz avoit faiet entrant en la lumière de ce monde, quand il brasmoit demandant à boyre , à boyre, à boyre : dont il dist, que grand tu as , supple , le gousier ! Ce que oyants les assistans , dirent que ^rayem ent il debvoit avoir par ce le nom de Gargantua, puis que telle avoit esté la première parolle de son pere à sa naissance , à limitation et exemple des anciens Hebreux. A quoy feut condescendu par icelluy , et pleut tres-bien à sa mere. Et pour l’appaiser , luy donnarent à boyre à tyrelarigot , et feut porté sus les l’onts , et là baptisé , comme est la eoustume des bons Chris-, tians.
Et luy feurent ordonnées dix et sept mille neuf cens treze vaches de Pautille et de Brehemond , pour l’alaicter ordinairement ; car de trouver nourrice suffisante n’estoit possible en tout le pays , considéré la grande quantité de 1 C
laict requis pour icelluy alimenter. Combien qu’aulcuns Docteurs Scotistes ayent affermé que sa mere l’alaicta , et qu’elle pouvoit traire de ses mammelles quatorze cens deux pipes neuf potées de laict pour chascune foys.
Ce que n’est vray semblable. Et ha esté la proposition déclairée mammallement scandaleuse, des pitoyables aureilles offensive, et sentant de loing heresie. En cest estât passa jusques à ung an et dix moys , onquel tems par le conseil des Médecins on commença le porter , et feut faicte une belle Charrette à Bœufz par l’invention de Jehan Denyau: dedans icelle on le pourmenoit par cy par là joyeusement : et le faisoit bon veoir , car il portoit bonne trongne et avoit presque dix mentons , et ne cryoit que bien, peu ; mais il se conchioit à toutes heures : car il estoit merveilleusement flegmaticque des fesses : tant de sa complexion naturelle , que de la disposition accidentale qui luy estoit advenuë par trop hummer de purée Septembrale. Et n’en humoit goutte sans cause. Car s’il advenoit qu’il feust despité , courroussé , fasché , ou marry ; s’il trepignoit , s’il pleuroit , s’il cryoit : lui apportant à boyre , l’on le remettoit en nature , et soubdain demeuroit quoy et joyeulx. Une de ses gouvernantes m’ha dict, jurant sa fy, que de ce faire il estoit tant
coustumier , qu’au seul son des pinthes et Jflàccons , il entroit en ecstase , comme s’il goustoit les joyes de Paradis. En sorte que elles, considérons ceste complexion divine , pour le resjouïr au matin faisoyent devant lui sonner de voyrres avecques ung coulteau, ou des Jflaccons avecques leurs touponts, ou des pinthes avecques leurs couvercles. Auquel son il s’esgayoit , il tressailloit, et luy-mesme se bersoit en dodelinant de la teste, monochor disant des doigtz et barytonant du cul.
Comment on vesbib Gargantua.
Lu y estant en cest eage, son pere ordonna qu’on lui feist habillemens à sa livrée : laquelle estoit blanc et bleu. De faict on y besongna, et feurent faictz, taillez et cousus à la mode qui pour lors couroit. Par les anciennes Pantarcbes , qui sont en la Chambre des Comptes à Montsoreau , je trouve qu’il feut vestu en la façon que s’ensuy t : Pour sa chemise feurent levées neuf cents aulnes de toile de Chasteleraud , et deux cents pour les coussons en sorte de carreaulx , lesquels on meit soubs les esselles. Et n’estoit poinct fronsée , car la fronsure des chemises n’ha esté inventée sinon depuis que les Lingieres, lorsque la poincte de leur agueille estoit rompuë , ont commencé besongner du cul. Pour son pourpoinct feurent levées huict cents treze aulnes de satin blanc : et pour les agueillettes , quinze cents neuf peaulx et demie de chiens. Lors commença le monde attacher les chausses au pourpoinct, et non le pourpoinct aux chausses : car c’est chose contre nature , comme amplement ha déclairé Ockam sus les
exponibles de M. Haulte-chaussade. Pour ses chausses feurent levées unze cents cinq aulnes et ung tiers d’estamet blanc , et feurent deschicquetées en forme de colomnes striées et crénelées par le derrière, affin de n’eschauffer les reins. Et flocquoit par dedans la deschicqueture de damas bleu , tant que besoing estoit. Et notez qu’il avoit très* belles gresves et bien proportionnées au reste de sa stature.
Pour la braguette feurent levées seze aulnes ung quartier d’icelluy mesme drap, et feut la forme d’icelle comme d’ung arc-boutant, bien estachée joyeusement à deux crochetz d’esmail, en ung chascun desquels estoit enchâssée une grosse Esmeraugde de la grosseur d’une pomme d’Orange. Car ( ainsi que dict Orpheus Libro de Lapidibus , et Pline Libro ultimo ) elle ha vertu erective et confortative du membre naturel. L’exiture de la braguette estoit à la longueur d’une canne , deschicquetée comme les chausses , avec le damas bleu flottant comme devant. Mais voyants la belle brodure de canetille , et les plaisants entrelaz d’orfebverie garniz de fins diamans , fins rubiz , fines turquoyses , fines esmeraugdes , et unions persicques, vous l’eussiez comparée à une belle Corne d’abondance , telle que voyez es anticquailles et telle que donna Rhea es deux
Nymphes Adrasteaet Ida, nourrices de Jupiter^ Tousjours galante, succulente, resudante, tousj ours verdoyante, tousjours fleurissante, tousjours fructifiante , pleine d’humeurs , pleine de fleurs > pleine defruictz, pleine de toutes delices. Je advouë Dieu , s’il ne la faisoit bon veoir. Mais je Vous en exposeray bien d’advantaige au Livre que j’ay faict de la dignité des braguettes. D’ung cas vous advertis , que si elle étoit bien longue et bien fcmple , si estoit elle bien guarnie au dedans et bien avitaillée , en rien ne ressemblant les hypocriticques braguettes d’ung tas de muguetz , qui ne sont pleines que de vent , au grand interest du sexe féminin.
Pour ses souliers feurent levées quatre cents six aulnes de velours bleu cramoisi , et feurent deschicquetez mignonnement par lignes parallèles joinctes en cylindres uniformes. Pour la quarrelure d’iceulx feurent employez unze cents peaulx de vache brune , taillée à queues de merlus.
Pour son saye feurent levées dix et huict cents aulnes de velours bleu tainct en grene , brodé à l’entour de belles vignettes , et par le myllieu de pinthes d’argent de çanetille , enchevestrées de verges d’or avecques force perles , par ce dénotant qu’il seroit ung bon fesse-pinthe en son temps.
DE Pt A B E L A I S. 5g
Sa ceincture feut de troys cents aulnes et demie de sarge de soye , moytié blanche , et moytié bleuë , ou je me suis bien abusé. Son espée ne feut Valentianne , ny son poignard Sarragossoys : car son pere hayssoit tous ces Indaîgos bourrachons marranisez comme diables , mais il eut la belle espée de bois , et le poignard de cuir bouilly , painctz et dorez comme ung chascun soubhaireroit.
Sa bourse feut faicte de la couille d’ung Orriflant que lui donna Her Pracontal Proconsul de Lybie.
Pour sa robbe feurent levées neuf mille six cents aulnes moins deux tiers de velours bleu comme dessus , tout porfilé d’or en figure diagonale, dont par juste perspective yssoit une couleur innommée , telle que voyez ès coulz des tourterelles , qui resjouyssoit merveilleusement les yeulx des spectateurs. Pour son bonnet feurent levées troys cents deux aulnes ung quart de Velours blanc , et feut la forme d’icelluy large et ronde à la capacité du chief. Car son pere disoit que ces bonnetz à la Marrabaise , faictz comme une crouste de pasté , porteroient quelcque jour malencontre à leurs tonduz. Pour son plumart portoit une belle grande plume bleuë , prinse d’ung Onocrotal du Pays de Hircanie la saulvaige , bien mignonnement pendante sus l’aureille droicte.
Pour son imaige avoit en une plataine d’or pesant soixante et huiet marcz , une figure d’esmail cornpelant : en laquelle estoit pourtraict ung corps humain ayant deux testes , l’une virée versl’aultre, quatre bras , quatre piedz , et deux culz , telz que dict Platon , in Symposio , avoir esté l’humaine nature à son commencement mysticq , et autour estoit escript en lettres Ionicques , ArA'riH o’r Zh'îEÎ ta' EATTtfs. Pour porter au col eut une chaisne d’or pesante vingt et cinq mille soixante troys marcz d’or, faiete en forme de grosses bacces, entre lesquelles estoient en œuvre gros jaspes verds , engravez et taillez en dracons , touts environnez de rayes et estincelles , comme les portoit jadis le Pioy Necepsos. Et descendoit jusques à la boucque du hault ventre. Dont toute sa vie en eut l’emolument tel c]ue sçavent les Medicins Gregeoys. Pour ses gandz feurent mises en œuvre seize peaulx de lutins , et troys de loups guarous pour la brodure d’iceulx. Et de telle matière luy leurent faictz par l’ordonnance des Gabalistes de Sainloüand. Pour les anneaulx ( lesquelz' voulut son pere qu’il pourtast pour renouveller le signe anticque de noblesse) il eut au doigt indice de sa main gausche , une escarboucle grosse comme ung œuf d’austruche , enchâssée en or de seraph bien miguonnement. Au doigt medical
d’icelle , eut ung anneau faict des quatre metaulx ensemble , en la plus merveilleuse façon que jamais feut veuë , sans que l’assier froissast l’or , sans que l’argent foullast le cuyvre. Le tout feut faict par le Capitaine Chappuys , et Alcofribas son bon facteur. Au doigt medical de la dextre eut ung anneau faict en forme spirale , auquel estoient enchâssez ung balay en perfection , ung diamant en poincte , et une esmeraugde de Physon , de pris inestimable. Car Hans Carvel , grand Lapidaire du R.oy de Melinde , les estimoit à la valeur de soixante-neuf millions huict cents nonante et quatre mille dix et huict Moutons à la grand’laine : aultant l’estimarent les Fourques d’Augsbourg.
OE U y R E s
