CHAPITRE IX

Les couleurs et livrée de Gargantua l

Les couleurs de Gargantua feurent blanc et bleu , comme cy-dessus avez peu lire. Et par icelles vouloit son pere qu’on entendist que celuy estoit une joye celeste. Car le blanc luy signifioit joye , plaisir, delices et resjouyssance : et le bleu , choses celestes. J’entends bien que lisans ces motz , vous vous mocquez du vieil Beuveur , et reputez l’exposition des couleurs par trop indague et abhorrente ; et dictes que blanc signifie foy : et bleu fermeté : mais sans vous mouvoir, courroucer, eschauffer , ny altérer ( car le temps est dangereux) respondez-moy, si bon vous semble. D’aultre contraincte ne useray envers vous , ni aultres quelz qu’ils soient. Seulement vous diray ung mot cle la bouteille.

Qui vous meut? qui vous poinct? qui vous dict que blanc signifie foy, et bleu fermeté ? Ung (dictes-vous) Livre trepelu qui se vend par les bisoüarts et porteballes : au tiltre , le Blason des couleurs. Qui l’ha faict ? Quiconque il soit , en ce ha esté prudent , qu’il n’y ha poinct mis son nom. Mais au reste , je ne sçay quoy premier en luy je

dofbve admirer , son oultrecuydance , ou sa tester ie. Son oultrecuydance : qui sans raison , sans cause , et sans apparence ha ausé prescripre de son authorité privée , quelles choses seraient dénoté es par les couleurs : ce qu’est l’usance des tyrants , qui veulent leur arbitre tenir lieu de raison : non de Saige^ et Sçavans , qui par raisons manifestes contentent les Lecteurs.

Sa besterie : qui ha existimé que sans aultres démonstrations et arguments vallables le monde relgleroit ses divises par ses impositions badaudes. De faict ( comme dict le proverbe , à cul de foyrard tousjours abunde merde) il ha trouvé quelcque reste de niays du temps des haultz bonnetz , îesquelz ont eu foy à ses escriptz. Et selon iceulx ont taillé leurs apophthegmes et dictez: en ont enchevestré leurs muletz, vestu leurs paiges , escartelé leurs chausses , brodé leurs gandz , frangé leurs lictz , painc t leurs enseignes , composé chansons : et ( que pis est ) faict impostures et lasches tours clandestinement entre les pudicques Matrones. En pareilles tenebres sont comprins ces glorieulx de Court , et transporteurs de noms : Iesquelz voulants en leurs divises signifier espoir, font pourtraire une sphere : des pennes d’Oiseaulx pour poines : de l’Ancholie , pour melancholie ; la Lune bicorne, pour vivre en crois-

sant : ung banc rompu , pour banqueroute : non ‘r et ung halcret , pour non dur habit : ung lict sans ciel , pour ung licentié. Qui sont homonymies tant ineptes , tant fades , tant rusticques et barbares , que l’on debvroit attacher une queuë de regnard au collet, et faire une masque d’une bouze de vache à ung chacun d’iceulx qui en vouldroit doresnavant user en France , après la restitution des bonnes Lettres.

Par mesmes raisons (si raisons les doibs nommer, et non resveries,) feroys-je peindre ung pennier : dénotant qu’on me faict pener. Et ung pot à moustarde , que c’est mon cueur à qui moult tarde. Et ung pot à pisser , c’est ung official. Et le fond de mes chausses , c'est ung vaisseau de petz. Et ma braguette , c’est le greffe des arrestz. Et ung estronc de chien , c’est ung tronc de céans, où gist l’amour de m’amye.

Bien aultrement faisoient on temps jadis les Saiges d’Egypte, quand ils escripvoient par lettres, qu’ils appeloient hieroglyhcques : lesquelles nul n’entendoit , qui n’entendis t la vertu , propriété , et nature des choses par icelles figurées : Desquelles Oms Apollon ha en Grec composé deux Livres, et Polyphile au songe d’amours en ha d’adventaige exposé. En France vous en avez quelcque transon en la divise de Monsieur l’Ad-

mirai , laquelle premier porta Ociavi.aii Anigiuste, Mais plus oultre ne fera voyle mon esqmif entre ces goulfres et guez mal plaisans. Je rettomrne faire scalle au port dont suis yssu. Bien ay-je espoir d’en escripre quelque jour plus amplement: et monstrer tant par raisons philosophique s ,, que par authoritez receuës et approuvées de toute ancienneté, quelles et quantes couleurs s.onten nature : et quoy par une chascune peult estre désigné , si Dieu me sauve le moule du bonnet ; c’est le pot au vin , comme disoit ma raere grand.