CHAPITRE X
De ce qu’est signifié par les couleurs blanc et bleu.
L E blanc doncques signifie joye , soûlas , et liesse: et non à tort le signifie, mais à droict, et juste tiltre. Ce que pourrez vérifier, si arriéré mises vos affections , voulez entendre ce que présentement vous exposeray.
Aristotelès dict , que supposant deux choses contraires en leur espece : comme bien et mal , vertus et vice , froid et chauld , blanc et noir ■ volupté et douleur , joye et deuil : et ainsi des aultres : si vous les coblez en telle fasson, qu’ung contraire d’une espece convienne raisonnablement à l’ung contraire d’ung aultre : il est conséquent , que 1 aultre contraire compete avecques 1 aultre résidu. Exemple: Vertus et Vice sont contraires en une espece , aussi sont bien et mal. Si l’ung des contraires de la première espece convient à l’ung de la seconde, comme Vertus et Bien , car il est seur , que vertus est bonne ; ainsi feront les deux résidus , qui sont mal et vice , car vice est mauvais.
Geste reigle logicale entenduë , prenez ces
deux contraires , joye et tristesse : puis ces; d eux blanc et noir : car ils sont contraires phjysicalement. Si ainsi doncques est que noir signifié deuil, à bon droict blanc signifiera joye;.
Et n’est cette signifiance par imposition humaine instituée , mais reçue par consentement de tout le monde , que les Philosophes nomment J us Gentium , droict universel, valable par toute» contrées , comme assez sçavez , que tous p eupies , toutes nations (j’excepte les anticques Syracusans et quelcques Argives qui avoient lame de travers) toutes langues voulants exteriorement demonstrer leur tristesse , portent Habit de noir : et tout deuil est faict par noir. Lequel consentement universel n’est faict , que Nature n’en donne quelcque argument et raison : laquelle ung chascun peult soubdain par soy comprendre sans aultrement estre instruict de personne , laquelle nous appelions droict naturel. Par le blanc , à mesmes inductions de nature , tout le monde ha entendu joye r liesse , soûlas , plaisir et délectation.
Au temps passé les Thraces et Cretes sigr.oient les jours bien fortunez et joyeulx de pierres blanches ; les tristes et defortunez de noires. La auyct n est-elle funeste , triste , et melanehdïieuse ? Elle est noire et obscure par privation. La clairté U esjouyt-elle toute nature ? Elle est blanche plus
que chose que soit. A quoy prouver, je vous pourrois renvoyer au Livre de Laurens Valle contre Bar tôle : mais le tesmoignage Evangelicque vous contentera. Matth. 17 est dict que à la transfiguration de nostre Seigneur , vesbitnenta ejus facta sunb alba sicub lux : ses vestemens feurent faicts blancs comme la lumière. Par laquelle blancheur lumineuse donnoit à entendre à ses troys A postres , l’idée et figure des joyes éternelles. Car par la clairté sont touts humains esjouys. Comme vous avez le dict dune vieille qui n’avoit dents en gueule , encor es disoit- elle : Bona lux. Et Tobie Ch. 5 , quand il eut perdu la veuë , lors que Raphaël le salüa , respondit : Quelle joye pourray-je avoir , quipoinct ne voy la lumière du Ciel ? En telle couleur témoignarent les Anges la joye de tout FUnivers à la résurrection du Saulveur, Jean 20, et à son ascension, Act. 1. De semblable parure veid Sainct Jean Evangéliste , Apoc. 4 et 7 , les Jfideles vestuz en la celeste et beatifiée Hierusalem.
Lisez les histoires antieques tant Grecques que Romaines , vous trouverez que la ville dAlbe ( premier patron de Romme ) feut et construicte et appellée à l’invention d’une truye blanche. Vous trouverez que si à aulcun après avoir eu des ennemis victoire , estoit décrété qu’il entrast à Romme
estât triomphant , il y entroit sus ung char tiré par chevaulx blancs. Aultant celluy qui y entroit en ovation; car par signe ny couleur ne.pouvoiçnt plus certainement exprimer la joye de leur venue , que par la blancheur. Vous trouverez que Periclès , Duc des Athéniens , voulut celle part de ses gens- d’armes , esquelz par sort estoient advenues les febves blanches , passer toute la journée en joye , soûlas et repos : cependant que ceulx de l’auitre part batailleroient. Mille aultres exemples et lieux à ce propos vous pourvois- je exposer , mais ce n’est icy le lieu.
Moyennant laquelle intelligence povez resonlclre ung problème, lequel Alexandre Aphrodisé ha réputé insoluble : Pourquoy le Leon , qui de son seul cry et rugissement espouvente touts animaulx , seullement crainct et revere le Cocq blanc? Car (ainsi que dict Proclus, Libro'de Sacrificio et Magia ) c’est parce que la presence de la vertus du Soleil, qui est l’organe et promptüaire de toute lumière terrestre et sidérale , plus est symbolisante et competente au Cocq blanc : tant pour celle couleur , que pour sa propriété et ordre specificque , qu’au Leon. Plus dict , qu’en forme Leonine ont esté diables souvent veuz , lesquelz à la presence d’ung Cocq blan ; soudainement sont disparuz.
5o OEUVRES
C’est la cause pourquoy Galli (ce sont les Françoys ainsi appeliez , parce que blancs sont naturellement comme laict , que les tirées nomment yàxa') voulen tiers portent plumes blanches sus leurs bonnetz. Car par nature, ilz sont joyeulx, candides , gratieux et bien ayrnez : et pour leur symbole et enseigne ont la fleur plus que nulle autre blanche , c’est le lys.
Si demandez comment par couleur blanche , nature nous induict entendre joye et lyesse : je vous responds , que l’analogie et conformité est telle. Car comme le blanc exteriorement disgreae et espart la veuë , dissolvant manifestement les esperitz visifz , selon l’opinion d’Aristotelés en ses Problèmes , et des perspectifz : et le voyez par expérience , quand vous passez les nioritz couverts de neige : en sorte cpie vous plaignez de ne pouvoir bien regarder , ainsi que Xenoplion escript estre advenu à ses gens : et comme Galen expose amplement Libro io de usu parti uni. Tout ainsi le cueur par joye excellente est interiorement espars , et patist manifeste résolution des esperitz vitaulx : laquelle tant peult estre acrue que le cueur demoureroit spolié de son entretien , et par conséquent seroit la vie estamete par ceste pericharie , comme dict Galen Lib. 12. Methocii , Libro 5 de locis affectes > et Libro 2
DE RABELAIS. St,
de symptomaton causis. Et comme estre au temps passé advenu tesmoignent Marc Tulle , Libro i Quœstion. Tus cul. Ve mus, Aristotel.es, Tite-Live , apres la bataille de Cannes , Pline , Libro 7, cap. 52 et 53. A. Gellius , Lib. 3 , i5, et aultres: à Diagoras Rhodien, Cliilon , Sophoclés , Dionys. tyrant de Sicile , Pliilippides , Philemon , Polycrate , Philistion, M. Juventi, et aultres qui moururent de joye. Et comme dict Avicenne , in 2 Canone , et Libro de 'viribus cordis , du zapliràn , lequel tant esjouyt le cueur qu’il le despouille de vie , si on en prend en dose excessifve , par resolution et dilatation superfluë. ■Icy voyez Alex. Aphrodisé , Libro primo probleinatum , cap. iq et pour cause. Mais quoy? j’entre plus avant en ces te matière que n’estàblissoys au commencement. Icy doncques calleray mes voiles , remettant le reste au Livre en ce consommé du tout. Et diray en ung mot , que le bleu signifie certainement le Ciel et choses célestes , par mesures symboles que le blanc signifioit joye et plaisir..
