CHAPITRE XL
De V adolescence de Gargantua.
Gargantua depuis les troys jusques à cinc| ans , fut nourry et institué en toute discipline convenente , par le commandement de son pere , et celluy temps passa comme les petitz enfans du pays , c’est assavoir , à boyre , manger et dormir : à manger , dormir et boyre : à dormir , boyre et manger.
Tousjours se vaultroit par les fanges , et se masearoit le nez , se chauffouroit le visage , acculoit ses soliers , baisloit souvent aux mousches , et couroit voulentiers apres les parpaillons desquelz son pere tenoit l’Empire. Il pissoit sur ses soliers , il chioit en sa chemise , il se mouschoit à ses manches , il morvoit dedans sa souppe , et patroilloit par tout ; et beuvoit en sa pantoufle , et se frottoit ordinairement le ventre d’ung panier. Ses dents aguisoit d’ung sabot , ses mains lavôit de potaige , se pignoit d’ung goubelet , s’asseoit entre deux selles le cul à terre , se couvroit d’ung sac mouillé, beuvoit en mangeant sa souppe, mangeoit sa foüace sans pain , mordoit en riant , rioit en mordant , souvent craclioit au bassin , petoit
de greisse , pissoit contre le Soleil, se caeîioit en l’eaiie pour la pluye, batoit à froid , songeoit creux, faisoit le succré , escorchoit le regnart , clisoit la patenostre du cinge , retournoit à ses moutons ; tournoit les truyes au foin , batoit le chien devant le leon , mettoit la charrette devant les bœufz se gratoit où ne lui demangeoit poinct , droit les vers du nez , trop embrassoit et peu estraignoit , mangeoit son pain blanc le premier , ferroit les cigalles , se chatoüilloit pour se faire rire , rüoit tres-bien en cuisine , faisoit gerbe de feurre aux Dieux , faisoit chanter Magnificat à matines , et le trouvoit bien à propos , mangeoit choulx , et chioit pour ré e , congnoissoit mousches en laict , faisoit perdre les pieds aux mousches , ratissoit le papier , chauffourroit le parchemin , guaignoit au pié , tiroit au chevrotin , coinptoit sans son hoste , battoit les buissons sans prendre les oisillons , croyoit que nuës feussent paelles d’arin , et que vessies feussent lanternes , tiroit d’un sac deux moultures, faisoit de l’asne pour avoir du bren , de son poing faisoit ung maillet , prenoit les gruës du premier sault , vouloit que maille à maille on feist les haubergeons , de cheval donne tousjours regardoit en la gueulle , saultoit du cocq à i’asne , mettoit entre deux verdes une meure , faisoit de la terre le fossé , guardoit la lune des loups. Si les
nuës tomboient , esperoit prendre les alouettes , faisoit de nécessité vertus , faisoit de tel pain, souppe , se souciait aussi peu des raiz comme des tonduz. Toutz les matins escorcîioit le regnart , les petitz chiens de son pere mangeoient en son escuelle : luy de mesmes mangeoit aveeques eulx. 11 leur mordoit les aureilles , ils luy graphinoient le nez , il leur souflloit au cul , ilz luy leschoient les badigoinces. Et sabez qiiey billots ? Que mau de pippe vous byre ; ce petit paillard tous] ours tastonnoitses gouvernantes sens dessus dessous , sens davant, darriere, harry bourriquet : et desjacommençoit exercer sa braguette. Laquelle ung cliascun jour ses gouvernantes ornoient de beauix boucquetz , de beauix rubans , de belles fleurs , de beauix flocquars : et passoient leur temps à la faire revenir entre leurs mains , comme ung magclsdeon d’entract. Puis s’esclaffoient dë rire , quand elle levoit les aureilles , comme si le jeu leur eust pléu. L’une la nommoit ma petite dille , l’aultre ma pine , laultre ma branche de coural , Faultre mon hondon , mon bouchon , mon vibrequin , mon poussouer, ma tetiere , ma pendilloche , mon rude esbat roide et bas, mon dressoir, ma petite andoille vermeille , ma petite couille bredouille. Elle est à moy , disoit l’une. C’est la mienne , disoit l’aultre. Moy (disoit l’aultre) n’y auray-je
rien? par ma foy je la coupperay doncques. Ha coupper ! ( disoit l’aultre ) vous luy feriez mal , Madame ; couppez-vous la chose aux enfants ? il seroit Monsieur sans queue. Et pour s’esbatre comme les petits enfants du Pays , luy feirent ung beau virolet des aeles clung moulin à vent de Myrebalays.
se
OE U V ft E S
