CHAPITRE XII
Des Chevauïx faicticcs de Gargantua.
Puis affm que toute sa vie feust bon chevaulcheur , l’on luy feit ung beau grand cheval de boys , lequel il faisoit penader , saulter , voltiger, ruer et danser tout ensemble: aller le pas, le trot, l’en trépas , le gualot, les ambles, le hobin , le traquenard , le cameiin et l’onagrier. Et luy faisoit changer de poil , contme font les Moynes de courtibaulx , selon les festes : de bailbrun , d’alezan , de gris pommelé , de poil de rat , de cerf, de roueri , de vache , de zencle , de pecile , de pye , de leuce.
Luy-rnesme d’une grosse traine , feit ung cheval pour la chasse : ung aultre d’un fust de pressouer atouts les jours: et d’ung grand chaisne , une ïuulle avecques la housse , pour la chambre. Encores en eut-il dix ou douze à relays , et sept pour la poste : et touts mettoit coucher auprès de soy. Ung jour le seigneur de Painensac visita son pere en gros train et apparat , auquel jour Festoient semblablement venus veoir le Duc de Francrepas , et le Comte de Mouillevent. Par ma foy le logis feut ung peu estroict pour tant
de gens , et singulièrement les estables : donc lea Maistre d’hostel et Fourrier dudict Seigneur de Painensac pour sçavoir si ailleurs en la maison estaient estables yacques , s’adressarent à Gargantua jeune garsonnet , luy demandans secret tement où estoient les estables des grands chevaulx , pensants que voul'en tiers les enfants decellent tout. Lors il les mena par les grands degrez du chasteau , passant par la seconde salle en une grande gualerie, par laquelle entrarent en une grosse tour , et eulx montants par d’autres degrez , dist le Fourrier au Maistre d’îiostel : cet enfant nous abuse , car les estables ne sont jamais au îiault de la maison. C’est ( dist le Maistre d'hostel) mal entendu à vous : car je sçay des lieux à Lyon , à la Basmette , à Chaisnon et ailleurs, où les estables sont au plus hault du logis : ainsi peult estre que derrière y ha yssuë au montouer. Mais je le demanderai plus asseurément. Lors demanda à Gargantua : Mon petit mignon , où nous menez-vous ? A Testable (dist-il) de mes grands chevaulx. Nous y sommes tantoust, montons seullement ces eschallons. Puis les passant par une aultre grand’salle , les mena en sa chambre, et retirant la porte, voicy (dist-il) les estahles que demandez : voila mon Genet , voila mon Giüidin , mon Lave dan, mon Traciuenard:
OE U y RE S
et les chargeant d’un gros levier , je vous donne (dist-il ) ce Phryson ; je l’ay eu de Francfort, mais il sera vostre , il est bon petit chevallet, et de grand’peine , avecques ung tiercelet d’ Autour, demie douzaine d’Hespagnoîz , et deux lévriers : vous voila Iloys des perdris et lievres pour tout cest liyver. Par Saint Jean (dirent-ils) nous en sommes bien , à ceste heure avons nous le nioyne. Je le vous nie, dist-il. Il ne feut troys jours lia céans. Devinez icy duquel des deux ils avoient plus matière , ou de soy cacher pour leur honte , ou de rire pour le passe-temps. Eulx en ce pas descendants touts confus , il demanda: Voulezvous une aubeliere ? Qu’est-ce , disent-ilz ? Ce sont ( respondit-il) cinq estroncz pour vous faire une museliere. Pour cejourdliuy (dist le Maistre d’hostel ) si nous sommes roustiz , ja au feu ne bruslerons , car nous sommes lardez à poinct , à mon advis. O petit mignon , tu nous a baillé fein en corne : je te voirray quelcque jour Pape. J e l’entendz ( dist-il) ainsi : mais lors vous serez papillon : et ce gentil papeguay sera ung papelard tout faict. Voire, voire, dist le Fourrier. Mais (dist Gargantua ) devinez combien y ha de poinets d’agueille en la chemise de ma mere ? Seize , dist le Fourrier. Vous (dist Gargantua) ne dictes 1 Evangile : car il y en lia sens datant et sens dar-
DE RABELAIS. 5g
riere, et les comptas tes trop mal. Quand? dist le Fourrier. Alors (dist Gargantua) qu’on feit de vostre nez une dille pour tirer ungmuy cie merde: et de vostre guorge ung entonnouer , pour la mettre en aultre vaisseau , car les fonds estoient es v entez. Cor Dieu (dist le Maistre d’hostel) nous avons trouvé ung causeur. Monsieur le jaseur , Dieu vous guarcl de mal, tant vous avez la bouche fraische.
Ainsi descenclents à grand’haste , soubz l’arceau des degrez laissarent tumber le gros levier qu’il leur avoit chargé : dont dist Gargantua, Que diantre vous estes maulvais chevaulcheurs ! Vostre courtault vous fault au besoing. S il vous falloit aller d’icy à Cahusac, qu’aymeriez-vous mieulx , ou chevaulçher ung oyson , ou mener une truye en laysse ? J’aymercis mieulx boyre , dist le Fourrier. Et ce disant entrarent en la sale basse , où estoit toute la briguade : et racomptans ceste nouvelle histoire, les.feirent rire comme ung tas de mousches.
