CHAPITRE XIII
Comment Grandgousier congneut l’esprit merveilleux de Gargantua à l’invention d’ung torchecul
S u s la fin de la quinte année , Grandgousier retournant de la défaicte des Canarriens , visita son fils Gargantua. Là feut resjouy , comme ung tel pere povoit estre , voyant ung sien tel enfant. Et le baisant et accolant , Tinte rroguoit de petits propos puériles en diverses sortes. Et beut d’aultant avecqües luy et ses gouvernantes : esquelles par grand soing demandoit entre aultres cas, si elles Tavoient tenu blanc et nect? À ce Gargantua feit response , que il y avoit donné tel ordre qu’en tout le pays n’estoit garson plus nect que luy. Comment cela? dist Grandgousier. J’ay (respondit Gargantua) par longue et curieuse expérience inventé ung moyen de me torcher le cul , le plus seigneurial, le plus excellent, le plus expédient que jamais feut veu. Quel ? dist Grandgousier. Comme vous le racompteray (dist Gargantua) présentement. Je me torchay une foys d’ung caclieiet de velours d’une damoiselle, et
DE RABELAI ;S. 61
le trouvay bon : car la mollice de sa s»oye me causoit au fondement une volupté bien {grande.
Une aultre fois d’ung cbaperon d’icelle , et feut de mesmes.
Une aultre fois d’ung cacîiecoul : une aultre fois des aureillettes de satin cramoisi : mais la dorure d’ung tas de spheres de merde qui y estaient, m’escorcharent tout le derrière : que le feu Sainct Antoine arde le boyau cuber de l’orfebvre qui les feit et de la damoiselle qui les portoit.
Ce mal passa me torcliant d’ung bonnet de paige , bien emplumé à la Souice.
Puis , fiantant darriere ung buisson , trouvay ung chat de Mars, d’iceluy me torchay : Mais ses gryphes în’exulcerarent tout le perinée. De ce me gueriz au lendemain, me torchant des guandz de ma mere, bien parfumez de maujoin. Puis me torchay de saulge , de fenoil , de aneth . de marjolaine , de ro^s, de feuiiles*de cou ries , de cboulx , de bettes pample , de guimaulves , de verbasce (qui est escarlatte de cul) de laïc lues et de feuilles d’espinards. Le tout me feit grand bien à ma jambe : de mercuriale , de persiguiere , de orties , et de consolde : mais j’en eus la cacquesangue de Lombard. Dont feus guery me torchant de ma braguette. Puis me torchay aux linceulx , la couverture , aux ridcaulx , d’ung
6a OE U V R E S
coissin , d’ung tapis , d’ung yerd , d’une nappe , d’une serviette , d’ung mouchenez , d’ung pignouoir. En tout je trouva/ de plaisir plus que n’ont les roingneux quand on les estrille. Voir, niais ( dist Grandgousier) lequel torcliecul trouvas-tu meilleur? Je y estoye (dist Gargantua) et bien tost en seaurez le tu autem . Je me torchay de foin , de paille , de bauduffle , de bourre , de laine , de papier : Mais ,
Tous] ours laisse aux coudions esmorche ,
Qui son hord cul de papier torche.
Quoi ! dist Grandgousier , mon petit couillon, as -tu prins au pot? veu que tu rbymes desja. Guy dea ( respondit Gargantua) mon Pioy , je rhyme tant et plus : et en rbyihant souvent m’enrime. Escoutez que dict nostre retraict aux fianteurs.
Chiart ,
Hordous ,
Foirart ,
Merdous ,
Petart ,
Esgous ,
Brenous ,
Le feu de Sainct Antoine t’arid ,
Ton lard ,
Si touts ,
Chappart ,
Tes trous ,
S'espart ,
Esclous ,
Sus nous ,
Tu ne torche avant ton départ.
En voulez- vous d’advantaige? Guy dea, dist Grandgousier. Àdonc dist Gargantua.
Rondeau.
En chiant l’autre hyer senty La guabëlle qu’à mon cul doibz,
L’odeur feut aultre que cuydoys :
J’en feus du tout empuanty.
O ! si quelcqu’ung eust consenty M’amener une qu’attendois ,
En chiant.
Car je lui eusse assimenty Son trou d’urine ; à mon lourdoys ,
Cependant eust avecq ses doigtz Mon trou de merde guaranty ,
En chiant.
Or dictes maintenant crue je n’y sçai rien. Par la merde je ne les ai faict mie : mais les oyant reciter à came grand que voyez ci, les ay retenus en la gibbessiere de ma mémoire.
Retournons ( dist Grand gousier ) à nostre propos.
Quel ? ( dist Gargantua ) chier ? Non , dist Grand gousier. Mais torcher le cul. Mais (dist Gargantua ) voulez-vous payer ung hussart de vin Breton, si je vous foys quinault en ce propos? Ouy vrayement , dist Grand gousier.
Il n’est (dist Gargantua) poinct besoing torcher -le cul , sinon qu’il y ayt ordure. Ordure n’y peult
estre , si on n’ha chié : chier doncques nous fault davant que le cul torcher. O ( dist Grandgousier) que tu as bon sens , petit garsonnet ! Ces premiers jours je te feray passer docteur en guaye science; par Dieu , car tü as raison plus que d’eage.
Or poursuy ce propous torcheculatif , je t’en prie. Et par ma barbe pour ung bussart tu auras soixante pipes , j’entends de ce bon vin Breton, lequel poinct ne croist en Bretagne , mais en ce bon pays de Verrou. Je me torchay après (dist Gargantua) d’ung couvrechief, d’ung aureillier , d’une pantophle , d’une gibessiere , d’ung panier, mais ô le malplaisant torchecul î Puis d’ung cliappeau. Et notez que des chappeaulx les ungs sont ras , les aultres à poil , les aultres veloutez , les aultres taffetassez , les aultres satinisez. Le meilleur de touts est celluy de poil : car il faict très bonne abstersion de la matière fecale.
Puis me torchay d’une poulie , d’ung cocq , d’ung poullet , de la peau d’ung veau , d’ung lievre , d’ung pigeon , d’ung cormoran , d’ung sac d’advocat , d’une barbute , d’une eoyphe, d’ung leurre.
Mais concluant je dy et maintien , qu il n’y ha tel torchecul que d’ung oyzon bien dumete , pourveu qu’on lui tienne la teste entre les jambes. Et m ’en cro y es sus mon honneur. Car vous sentez au trou,
du cul une volupté miîificque, tant par la doulceur d’icelluy dumet, que par la chaleur temperée de l’oyzon : laquelle facillement est communicquée au boyau culier, et aultres intestins : jusques à venir à la région du cueur , et du cerveau.
Et ne pensez que la béatitude des Heroës et Semidieux, qui sont par les champs Elysiens soit en leur Asphodèle, ou Ambroisie, ou Nectar, comme disent ces vieilles ici. Elle est ( selon mon opinion) en ce qu’ilz se torchent le cul d’ung oyzon. Et telle est ropinion de maistre Jehan d’Escosse.
œuvres
