CHAPITRE XI Y

Gomment Gargantua feut institué par ung Sophiste en lettres Latines.

Ces propous entendus, le bonhomme Grandgousier feut ravy en admiration , considérant le hault sens et merveilleux entendement de son fdz Gargantua. Et dist à ses gouvernantes : Philippe Roy de Macedone eongneut le bon sens de son filz Alexandre , à manier dextrement ung cheval. Car ledict cheval estoit si terrible et effréné , que nul n’osoit monter dessus : Pour ce que à touts ses chevaulcheuïs il bailloit la saccade : à l’ung rompant le col , à l’aultre les jambes % à laultre la cervelle, à l’aultre les mandibules. Ge que considérant Alexandre en l’hippodrome (qui estoit le lieu où l’on pourmenoit , et voultigeoit les chevaulx) , advisa que la fureur du cheval ne venoit que de frayeur qu’il prenoit à son Umbi e. Dont montant dessus , le feit courir encontre le Soleil , si que l’umbre tumboit par derrière , et par ce moyen rendit le cheval doulx à son vouloir. A quoy eongneut son Pere le divin entendement qui en luy estoit , et le feit très-bien endoctriner par Aristotelés , qui pour lors estoit

estimé sus touts les Philosophes de Grece. Mais je Arous dy , q u en ce seul propous que j’ay présentement devant vous tenu à mon hlz Gâi,ran- • & tua, je congnoy que son entendement participe

de quelcque divinité : tant je le voy agu , subtil , profond et seiain. Et parviendra à decré souve— îain de sapience, s il est bien institué. Pourtant je veulx le bailler à quelcque homme scavant , pour l’endoctriner selon sa capacité. Et n’y veulx rien cspargner. De faict, l’on luy enseigna ung grand Docteur sophiste , nommé maistre Thubal Holoferne , qui luy apprint sa charte si bien , qu’il la disoit par cueur au rebours ; et y feut cinq ans et trois mois : puis luy leut le Donat , le Facet , Theodolet , et Alanus in parabolis ; et y feut treize ans six mois , et deux sepmaines.

Mais notez que cependant il luy apprenoit à eseiipre Gotticquement , et escripvoit touts ses

Livres. Car l’art d’impression n’estoit èncores en usaige.

Et portoit ordinairement ung gros escriptoyre , pesant plus de se'pt mille quintaulx , duquel lè galimart estoit aussi gros et grand que les gros pdliers d Enay : et le cornet y pendoit à grosses chaînes de fer , à la capacité d’ung tonneau de marchandise.

PuL luy leut de modis signifi candi t avecq

les comments de Hurtebise, de Fasquin, de Tiopditeux, de Gualenault , de Jehan le Veau, de Billonio , Brelingandus , et ung tas d’aultres ; et y peut plus de dixhuict ans et unze mois. Et le sceut si bien que au coupelaud il le rendoit par cueur à revers. Et prouvoit sus ses doigtz à sa mere, que de modis si gnifi candi non •< erat scientia.

Puis iuy leut le Compost , où il feut bien seize ans et deux mois, lors que son dict Précepteur mourut : et feut l’an mil quatre cents et vingt , de la verolle qui luy vint.

Apres en eut ung aultre vieulx tousseux , nommé ïnaistre Jobelin Bridé, qui luy leut Hugutio , Hebrard , Çrecisme , le Doctrinal , les Parts , le Quid est, le Supplementum , Mannotret, de moribus in mensa scivandis , Seneca de quatuor Virtudbus cardinalibus , P assumantes cum commenta. Et Dormi securè , pour les festes. Et quelcques autres de semblable farine : à la lecture desquelz il devint aussi saige qu’oncques puis ne fourneasmes nous.