CHAPITRE X X X Y
Comment Gargantua soy pignant faisait tumber de ses cheveul'x les boullets d’artillerie.
Issus la rive de Vede, peu de temps apres abordarent au Chasteau de Grandgousier , qui les attendent en grand désir. A leur venue iis se festoyarent à tour de bras, jamais on ne veit gents plus joyeulx : Car S uplementum Supplementi chronicorum dict , que Gargamelle y mourut de joye : je n’en sçay rien de ma part , et bien peu me soucie ny d’elle ny d’aultfe. La vérité feut, que Gargantua se refraisciiissant d’habillements, et se testonnant de son pigne ( qui es toit grand de cent cannes , appoinctc de grandes dents d’Elephants toutes entières ) faisoit tumber à chascun coup plus de sept balles de boullets qui luy estoient demourez entre ses cheveulx à la démolition du bois de Vede. Ce que voyant Grandgousier son pere, pensoit que feussent poulx, et lui clist: Dea mon bon Gis , nous as-tu apporté jusques icy des esparviers de Montagu? Je n’entendois que là tu feisses resi-
DE RABELAIS. i65
dence. Adoncq Ponocrates respondit: Seigneur, tie pensez que je l’aye mis au colliege de poiiillerie , qu’on nomme Montagu: mieulx l’eusse voulu mettre entre les guenaulx de Sainct Innocent , pour l’enorme cruaulté , et vilennie que j’y ay congneuë : Car trop mieulx sont traictez les forcez entre les Maures et Tartares: les meurtriers en la prison criminelle : voire certes les chiens en vostre maison, que ne sont ces malautrux audict colliege. Et si j’estois Roy de Paris, le diable m’emporte si je ne mettois le feu dedans , et ferois brusler et Principal et Regents , qui endurent ceste inhumanité devant leurs yeulx estre exercée. Lors levant ung de ces boullets , dist : Ce sont coups de canons , que ha receu vostre fils Gargantua passant devant le bois de Vede, par la trahison de vos ennemis.
Mais ils en eurent telle recompense qu’ils sont tous peritz en la ruine du Chasteau : comme les Philistins par l’engin de Sanson , et ceulx qu’opprima la Tour de Siloë, desquels est escript Luc i3. Iceulx je suis d’advis que nous poursuivions , cependant que l’heur est pour nous : Car l’occasion ha tous ses cheveulx au front : quand elle est oultrepassée , vous ne la pouvez plus revocquer : elle est chaulve par le derrière de la teste, et jamais plus ne retourne. Yray-
iG6 OEUVRES
ment, dist Grand gousier , ce ne sera pas à ceste heure, car je veulx vous festoyer pour ce soir, et soyez les très bien venus.
Ce diet , on appresta le soupper et de surcroist feurent roustis seize bœufs, trois genisses, trente et deux veaulx , soixante et trois chevreaulx moissonniers , quatrevingt-quinze moutons , trois cents gourrets de laiet cà beau moust, unze vingt perdrix, sept cents bécasses, quatre cents chappons de Loudunois et Cornouaille , six mille poullets et aultant de pigeons, six cents gualinottes, quatorze cents levraulx, trois cents et trois oustardes , et mille sept cents hutaudeaulx: de venaison , bon ne peust tant soubdain recouvrer , fors unze sangliers qu’envoya l’Abbé de Turpenay, et dix et huict bestes faulves que donna le Seigneur de Grandmont : ensemble sept vingt faisans qu’envoya le Seigneur des Essars, et quelcques douzaines de ramiers , d’oiseaulx de riviere , de cercelles , butors, courtes , pluviers, francolys, cravans, tiransons, vanereaulx , tadournes , pocheeullieres , pouacres , liegronneaulx, foulques, aigrettes, cigongnes, cannes petieres , oranges, flammans (qui sont plienicopteres ) terrigoles , poulies de Inde, force coscossons , et renfort de potaiges. Sans poinct de faulte y estoit de vivres abondance, et feurent
apprestez honnestement par Frippesaulce, Hoschepot, et Pilleverjus cuisiniers de Grandgousier. Janot, Micquel, et Yerrenet, apprestarent fort bien à boyre.
