CHAPITRE XXX VIII
Comment Gargantua mangea en sallacle six Pèlerins.
Le propous requiert, que racomptons ce qu’advint à six Pèlerins qui venoient de Sainct Sebastien près de Nantes , et pour soy herberger celle nuict, de paour des ennemis, s’étoient mussez au jardin dessus les poyzars , entre les choulx et lectües. Gargantua se trouva quelcque peu altéré , et demanda si l’on pourroit trouver des lectües pour faire sallade ?
Et entendant qu’il y en avoit des plus belles et grandes du pays, car elles estaient grandes comme pruniers ou noyers: y voulut aller luymesme, et en emporta en sa main ce que bon luy sembla , ensemble emporta les six Pèlerins , lesquels avoient si grand paour, qu’ils n’ausoient ny parler, ny tousser.
Les lavant doneques premièrement en la fontaine, les Pèlerins disoient en voix basse Pung à 1 auitre : Qu est-il de faire ? nous noyons icy entre ces lectües , parlerons-nous ? mais si nous parlons , il nous tuera comme espies. Et comme ils délibéraient ainsi, Gargantua les mistavecques
ses lectües dedans ung plat de la maison , grand comme la tonne de Cisteaulx , et avecques huile , et vinaigre et sel , les mangeoit pour soy refraischir devant souper, et avoit ja engoulé cinq des Pèlerins : le sixiesme estoit dedans le plat caché soubz une lectüe , excepté son bourdon qui apparoissoit au dessus. Lequel voyant Grandgousier , dist à Gargantua: Je croy que c’est là une corne de limasson , ne le mangez poinct. Pourquoy , dist Gargantua? ils sont bons tout ce mois. En tirant le bourdon , ensemble enleva le Pelerin et le mangeoit très bien. Puis beut ung horrible traict de vin pineau, en attendant que l’on aprestast le soupper.
Les Pèlerins ainsi devorez , se tirarent hors les meulles de ses dents le mieulx que faire peurent , et pensoient qu’on les eust mis en quelcque basse fousse des prisons. Et lorsque Gargantua beut le grand traict, cuidarent noyer en sa bouche , et le torrent du vin presque les emporta au goulfre de son estomach : toutesfois saultans avecques leurs bourdons , comme font les micquelots, se meirent en franchise l’orée des dents. Mais par malheur l’ung d’eulx tastant avecques son bourdon le pays , à sçavoir s’ils estaient en seureté, frappa rudement en la faulte d’une dent creuse , et ferut le nerf de la man-
dibule : dont feit très forte douleur à Gargantua , et commença à crier de raige qu’il endurcit. Pour doncques se soulaiger du mal feit apporter son curedent , et sortant vers le noyer grollier , vous denigèa Messieurs les Pèlerins.
Car il attrapoit l’ung par les jambes , l’aultre par les espaules, l’aultre par la besace, l’aultre par la foillouse , l’aultre par l’escharpe : et le paovre liaire qui l’avoit féru du bourdon, l’acrocba par la braguette, toutesfois ce luy feut ung grand-heur, car il luy perçà une bosse- chancreuse , qui le martyrisoit depuis le temps qu’ils eurent passé Ancenis. Ainsi les Pèlerins denigex s’enfuirent à travers la Plante à beau trot, et appaisa la douleur. En laquelle heure feut appelle par Eudemon pour soupper, car tout estoit prest. J e m’en voys doncques ( dist-il ) pisser mon malheur. Lors pissa si copieusement, que l’urine trancha le chemin aux Pèlerins , et feurent contraincts passer la grande boyre. Passans de là par l’orée de la touche en plain chemin, tumbarent tous , excepté Fournillier , en une trape qu’on a voit faicte pour prendre les loups à la trannée. jdont eschapparent moyennant l’industrie dudict Fournillier, qui rompit tous les lacs et cordaiges. De là issus, pour le reste de celle nuict coucharent en une loge près le Couldray. Et là
feurent réconfortez de leur malheur par les bonnes paroles d’ung de leur compagnie, nommé Las- d’aller , lecpiel leur remontra que ceste adventure avoit esté predicte par David , Psal. Càni exsurgerent homines in nos , forte vivos déglutissent nos , quand nous feusmes mangez en salade au grain du sel. Cù m irasceretur furor eorum in nos , forsitan aqua absor buisset nos , quand il beut le grand traict. Tor rentem pertransivit anima nostra, quand nous passasmes la grande boyre. Forsitan pertransisset anima nostra aquam intolerabilem , de son urine dont il nous tailla le chemin. Benedictus dominus qui non dédit 7ios in captionem dentibus eorum. Anima nostra > sicut passer , erepta est de laqueo 'venan tium , quand nous tombasmes en la trape. Faqueus contritus est, par Fourmilier, et nos liberati sumus. Adjutorium nostrum , etc.
OE U y R E s
