CHAPITRE X L L
Comment le Moyne feib dormir Gargantua , et de ses heures et bréviaire.
L E soupper achevé , consultarent sur l’affaire instant , et feut conclud qu’environ la minuict ils sortiroient à l’escarmouche pour sçavoir quel guet et diligence faisoient leurs ennemis. En ce pendant , qu’ils se reposeraient quelcque peu pour estre plus frais. Mais Gargantua ne pouvoit dormir en quelcque façon qu’il se mist. Dont luy dist le Moyne : Je ne dors jamais à mon aise sinon quand je suis au Sermon , ou quand je prie Dieu. Je vous supplie commençons vous et moy les sept Pseaulmes , pour voir si tantost ne serez endormy. L’invention pleut très - bien à Gargantua , et eommençans le premier Pseaulme , sus le poinct de Beati quorum , s’endormirent et l’ung et l’aultre. Mais le Moyne ne faillit oncques à s’esveiller avant la minuict , tant il estoit habitué à l’heure des Matines claustrales. Luy esveille , touts les aultres esveilla , chantant à pleine voix la Chanson, Ho Régnault, res veille- toy , 'veille , 6 Régnault , resveille-toy. Quand tous feurent esveillez , il dist : Messieurs , l’on dict que Ma-
tines commencent par tousser, et soupper par boyre. Faisons à rebours, commençons maintenant nos Matines par boyre , et de soir à l’entrée de soupper nous tousserons à qui mieulx mieulx. Dont dist Gargantua : Boyre si tost apres le dormir ? Ce n’est vescu en diete de medicine. Il se fault premier escurer l’estomach des superf luttez et excremens. C’est , dist le Moyne , bien mediciné. Cent diables me saultent au corps s’il n’y ha plus de vieulx yvrognes, qu’il n’y ha de vieulx Medicins. J’ay composé avecq mon appétit en telle paction , que tous jours il se couche avec moy , et à cela je donne bon ordre le jour durant : aussi avecq moy il se lieve. Rendes tant que vouldrez vos cures , je m’en vais apres mon tiroir. Quel tiroir (dist Gargantua) entendez-vous ? Mon bréviaire , dist le Moyne : car tout ainsi que les Faulconniers devant que paistre leurs oiseaulx les font tirer quelcque pied de poulie , pour leur purger le cerveau des phlegmes et pour les mettre en appétit : ainsi prenant ce joyeulx petit bréviaire au matin, je m’escure tout le poulmon , et me voyla prest à boyre.
A quel usaige (dist Gargantua) dictes- vous ces belles Heures? A l’usaige (dist le Moyne) deFecan, à trois Pseaulmes et trois leçons, ou rien du tout qui ne veult. Jamais je ne m’assu-
i84 OE U V R E S
jettis à heures , les heures sont faictes pour l'homme , et non l’homme pour les heures. Pourtant je fays des miennes à guise d’estrivieres , je les accourcis ou allonge quand bon me semble. Brevis oratio pénétrât Cæ/os longa potatio evacucib scyphos. Où est escript cela? Par ma foy , dist Ponocrates , je ne scay , mon petit couillaust , mais tu vaulx trop. En cela (dist le Moyne) je tous ressemble. Mais T^enite cipo tennis. L’on appresta carbonnades à force , et belles souppes de primes , et bcut le Moyne à son plaisir. Aulcuns luy tindrent compaignie , les aultres s’en deportarent. Apres chascun commença soy armer et accoustre. Et armarent le Moyne contre son vouloir , car il ne vouloit aultres armes que son froc devant son estomach , et le baston de la Croix en son poing. Toutesfois à leur plaisir feut armé de pied en cap , et monté sus ung bon coursier du Royaulme , et un gros bracquem art au costé. . Ensemble Gargantua , Ponocrates , Gymnaste , Eudemon , et vingt et cinq des plus adventureux dé la maison de Granclgousier , tous armez à l’advantaige , la lance au poing , montez comme. Sainct George, chascun ayant ung harquebousicr en croppe.
iSS
