CHAPITRE X L I I
Comment le Moyne donne couraige à ses C omp ai gnons , et comment il pendit a ung arbre.
O R s’en vont les nobles champions à leur adventures, bien délibérez d’entendre quelle rencontre fauldra poursuivre , et de quoy se fauldra contregarder , quand viendra la journée de la grande et horrible bataille. Et le Moyne leur donne couraige , disant : Enfans , n’ayez ny paour ny doubte, je vous conduiray seurement. Dieu et Sainct Benoist soyent avecq nous. Si j’avois la force de mesme le couraige, par la mort bieu je vous les plumerois comme ung canart. Je ne crains rien fors l’artillerie. Toutesfois je sçay quelcque oraison que m’ha baillé le soubsecretain de nostre Abbaye , laquelle guarentist la personne de toutes bouches à feu. Mais elle ne me profitera de rien,' car je n’y ad j ouste poinct de foy. Toutesfois mon baston de Croix fera diables : par Dieu qui fera la canne de vous aultres , je me donne au diable si je ne le fays Moyne en mon lieu , et l’enchevestreray de mon
i86 QE U Y R E S
froc : il porte medicine à coüardise de gents. Avez poinct ouï parler du levrier de Monsieur de Meurles , qui ne valloit rien pour les champs ? Il lu j mist ung froc au col : par le corps Dieu , il n’eschapoit n y lievre n y regnard devant luy , et , qui plus est, couvrit toutes les chiennes du pays, qui auparavant estoit esresné , de fri gi dis et rn aleficiaris.
Le Moyne disant ces paroles en cholere , passa souliz ung noyer, tirant vers la Saulaie, et enibiocha la visiere de son heaulme à la roupie d une grosse branche de noyer. Ce nonobstant donna fièrement des espérons à son cheval, lequel estoit chatouilleux à la poincte , en maniéré que le cheval bondit en avant , et le Moyne voulant deffaire sa visiere du croc, lasche la biide , et de la main se pend aux branches, cependant que le cheval se desrobe dessoubs luy. Pat ce moyen démolira le Moyne pendant au noyer, et criant à laide et au meurtre, protestant aussi de trahison. Eudemon premier lapperceut , et appellant Gargantua : Cyre ( dist-il ) venez et voyez Absalon pendu. Gargantua venu considéra la contenance du Moyne , et la forme dont il p en doit , et dist à Eudemon, vous avejè mal rencontré , le comparant à Absalon. Car Absalon se pendit par les cheveulx , mais le Moyne
ras de teste s’est pendu par les aureilles. Aidez moy (dist le Moyne) de par le diable. N’est-il pas bien le temps de jaser ? Vous me semblez les Prescheurs decretalistes , qui disent que quiconcques voirra son prochain en dangier de mort, il le doibt , sus peine d’excommunication trisulce plustost admonester de soy confesser et mettre en estât de grâce , que de luy ayder.
Quand doncques je les voirray tumbez en la riviere et prests d’estre noyez , en lieu de les aller quérir et bailler la main, je leur feray ung beau et long Sermon de contempu mundi et fuga sceculi , et lorsqu’ils seront roides morts je les iray pescher. Ne bouge (dist Gymnaste} mon mignon, je te vays quérir, car tu es gentil petit Monachus. JHonachus in c/austro non 'valet ova duo : sed quando est extra , bene valet triginta. J’ay veu des pendus plus de cinq cents : mais je n’en veis oncques qui eust meilleure grâce en pendillant, et si je l’avois aussi bonne je vouldrois ainsi pendre toute ma vie. Aurezvous (dist le Moyne) tantost assez presché? Aidez-moy de par Dieu , puisque de par 1 aultre ne voulez. Par l’habit que je porte vous en repentirez, tempore etloco prcelibatis.
Alors descendit Gymnaste de son cheval, et montant au noyer, soubleva le Moyne par les
goussets d’une main , et de l’aultre deffeitt sa visiere du croc de l’arbre , et ainsi le laissa tumber en terre et soy apres. Descendu que ifeut le Moyne se deffeit de tout son harnois , e t jecta l’une piece apres l’aultre parmy le champ , et reprenant son baston de la Croix remonta sus son cheval , lequel Eudemon avoit retenu à la fuite. Ainsi s’en vont joyeusement tenants le chemin de la Saulaie.
