CHAPITRE X L I Y
Comment le Moyne se deffeit de ses Guardes , et comme V escarmouche de Picrochole feul defaicte.
Le Moyne les voyant ainsi départir en desordre, conjectura qu’ils alloient charger sus Gargantua et ses gents , et se contristoit merveilleusement de ce qu’il ne les povoit secourir. Puis advisa la contenance de ses deux archiers de guarde , lesquels eussent voluntiers couru apres la troupe pour y butiner quelcque chose , et tousjours regardoient vers la vallée en laquelle ils descendoient. D’advantaige syllogisoit disant, ces gents icy sont bien mal exercez en faicts d’armes : car oncques ne m’ont demandé ma foy, et ne m’ont osté mon bracquemart.
Soubdain apres tira son dict braquemart, et en ferut l’archier qui le tenoit à dextre , luy coupant entièrement les veines jugulaires et arteres sphagitides du col, avec le garguareon, jusques ès deux adenes : et retirant le coup , luy entreouvrit la moüelle spinale entre la seconde et tierce vertebre : là tumba l’archier tout
mort. Et le Moyne destournant son cheval à gausche courut sus l’aultre, lequel voyant son compaignon mort, et le Moyne advantaigé sus soy , crioit à haulte voix : Ha Monsieur le Priour , je me rends, Monsieur le Priour, mon amy , Monsieur le Priour. Et le Moyne crioit de mesme. Monsieur le Posteriour, mon amy, Monsieur le Posteriour , vous aurez sus vos posteres. Ha ( disoit l’archier ) Monsieur le Priour, mon mignon , Monsieur le Priour , que Dieu vous face Abbé. Par l’habit ( disoit le Moyne ) que je porte, je vous feray icy Cardinal. Rançonnez-vous les gents de religion ? V ous aurez un g chappeau rouge à ceste heure de ma main. Et l’àrchier crioit : Monsieur le Priour , Monsieur le Priour, Monsieur l’Abbé futur, Monsieur le Cardinal, Monsieur le tout. Ha, ha, lies, non Monsieur le Priour, mon bon petit Seigneur le Priour, je me rends à vous. Et je te rends ( dist le Moyne ) à touts les diables. Lors d’ung coup luy tranchit la teste , luy coupant le test, sus les os petruz, et enlevant les deux os bregmatis, et la commissure sagittale, avecq grande partie de l’os coronal , ce que faisant luy tranchit les deux méningés , et ouvrit profondément les deux postérieurs ventricules du cerveau : et démolira le crâne pendant sus
les espaules à la peau du pericrane par derrière, en forme d’ung bonne!: doctoral noir par dessus, rouge par dedans. Ainsi tumba roide mort en terre. Ce faict, le Moyne donne des espérons à son cheval , et poursuivit la voye que tenoient les ennemis, lesquels avoient rencontré Gargantua et ses compagnons au grand chemin : et tant estoient diminuez en nombre pour l’enorme meurtre qu’y avoit faict Gargantua avecq son grand arbre , Gymnaste , Ponocrates , Eudemon , et les aultres , qu’ils commeneoient soy retirer à diligence, touts effrayez et perturbez de sens et entendement comme s’ils veissent la propre espece et forme de mort devant leurs yeulx. Et comme vous voyez ung asne, quand il ha au cul ung œstre Junonicque, ou une jnousche qui le poinct courir ça et là sans voye ny chemin, jectant sa charge par terre, rompant son frein et reines, sans aulcunement respirer ny prendre repos, et ne sçait-on qui le meut : car l’on ne veoit rien qui le touche. Ainsi fuyoient ces gents de sens despourveuz sans sçavoir cause de fouïr: tant seullement les poursuit une terreur panice laquelle avoient conceuë en leurs âmes. Voyant le Moyne que toute leur pensée n’estoit sinon à guaigner au pied , descend de son cheval , et monte sus une grosse roche
qui estoit sus le chemin, et avecq son grand bracquemart, frappoit sus ces fuyars à grand tour de bras sans se feindre ny espargner. Tant en tüa et mist par terre, que son bracquemart rompit en deux pièces. Adoncques pensa en soy-mesme que c’estoit assez massacré et tüé , et que le reste debvoit eschapper pour en porter les nouvelles. Pourtant saisit en son poing une hasche de ceux qui là gis oient morts , et se retourna derechief sus la roche, passant temps à veoir fouir les ennemis , et cullebuter entre les corps morts , excepté qu a touts faisoit laisser leurs picques , espées, lances, et hacquebutes : et ceulx qui portoient les Pèlerins liez, il les mettoit à pied et delivroit leurs chevaulx ausdicts Pèlerins , les retenant avecq soy l’orée de la haye ; et Toucquedillon , lequel il retint prisonnier.
Comment le Moyne emmena les Pèlerins :
et les bonnes parolles cjue leur dist Grand gousier.
L/este escarmouche parachevée se retira Gargantua avecq ses gents excepté le Moyne , et sus la poincte du jour se rendirent à Grandgousier , lequel en son lict prioit Dieu pour leur salut et victoire. Et les voyant touts saufs et entiers les embrassa de bon amour, et demanda nouvelles du Moyne. Mais Gargantua luy respondit que sans doubte leurs ennemis avoient le Moyne. Ils auront (dist Grandgousier) doneques mal-encontre. Ce qu’avoit esté bien vray. Pourtant encores est le proverbe en usaige, de bailler le Moyne a quelcquung. Adoncques commanda qu’on apprestast tres-bien à desjeuner, pour les refraischir. Le tout appresté l’on appel la Gargantua , mais tant luy grevoit , de ce que le Moyne ne comparoit aulcunement , qu il ne vouîoit ny boyre ny manger. Tout soubdain le Moyne arrive, et dès la porte de la basse court , s’escria vin frais , vin frais 5
Gymnaste mon amy. Gymnaste sortit et veit que c’estoit Frere Jean qui amenoit cinq Pèlerins, et Toucquedillon prisonnier : dont Gargantua sortit au devant, et luy feirent le meilleur recueil que peurent, et le menarent devant Grandgousier: lequel l’interrogea de toute son ad venture. Le Moyne luy disoit tout : et comment on l’avoit prias, et comment il s’estoit déliait des archiers , et la boucherie qu’il avoit fait par le chemin, et comment il avoit recouvert les Pèlerins , et amené le Capitaine Toucquedillon. Puis se meirent à bancqueter joyeusement touts ensemble. Cependant Grandgousier interroguoit les Pèlerins de quel pays ils estoient , dond’ils yenoient , et où ils alloient. Lasdaller pour touts respondit: Seigneur je suis de Sainct Genou en Berry : Cestuy-cy est de Paluau : Cestuy-cy de Onzay : Cestuy-cy est de Argy : Et cestuy-cy de Villebrenin. Nous venons de Sainct Sébastian près de Nantes, et nous en retournons par nos petites journées. Voire, mais (dist Grandgousier) qu’alliez- vous faire à Sainct Sébastian? Nous allions ( dist Lasdaller ) luy offrir nos votes contre la peste. O ( dist Grandgousier ) paovres gents , estimez-vous que la peste vienne de Sainct Sébastian? Ouy vrayement ( respondit Lasdaller) nos prescheurs nous l’affer-
üoo
ment. Guy , ( dist Grandgousier ) les fauîx Prophètes vous annuncent-ils tels abus ? Blasphement-ils en ceste façon les justes et Sainets de Dieu , qu’ils les font semblables aux diables , qui ne font que mal entre les humains ? Comme Iiomere escript que la peste feut mise en l’ost des Gregeois par Apollo, et comme les Poëtes faignent ung grand tas de Vejoves et Dieux mai-faisans. Ainsi preschoit à Sinays ung Caphart , que Sainct Antoine mettoit le feu ès jambes. Sainct Eutrope faisoit les hydropicques. Sainct Gildas les fols. Sainct Genou les gouttes. Mais je le punis en tel exemple quoy qu’il m appelast hereticque , que depuis ce temps Caphart quiconque n’est ausé entrer en mes terres. Et m’esbahis si vostre Roy les laisse prescher par son Royaulme tels scandales. Car plus sont à punir que ceulx qui par art magicque ou aultre engin auroient mis la peste par le pays. La peste ne tuë que le corps , mais tels imposteurs empoisonnent les âmes. Luy disant ces parolles entra le Moyne tout délibéré , et leur demanda: Dond’estes-vous vous aultres paovres liaires ! De Sainct Genou , dirent-ils. Et comment ( dist le Moyne ) se porte l’Abbé Tranchelion le bon beuveur? Et les Moynes, quelle chiere font-ils ? Le cor Dieu ils biscotent vos
femmes cependant qu’estes en romivaige. Hin , hen ( dist Lasdallér ) je n’ay pas paour de la mienne. Car qui la voirra de jour , ne se rompra ja le col pour l’aller visiter la nuict. C’est ( dist le Moyne ) bien rentré de picques. Elle pourroit estre aussi laide que Proserpine, elle aura par Dieu la saccade puisqu’il y ha Moynes autour. Car ung bon ouvrier mect indifferentement toutes pièces en œuvre. Que j’aye la verolle , en cas que ne les trouviez engroissées à vostre retour. Car seullement l’ombre du clochier d’une Abbaye est fécondé.
C’est ( dist Gargantua ) comme l’eaiie du Nil en Egypte , si vous croyez Strabo et Pline , liv. 7, ch. 3. Advisez que c’est de la miche, des habits, et des corps. Lors, dist Grandgousier, Allez- vous en paovres gents au nom de Dieu le créateur, lequel vous soit en guide perpétuelle. Et doresnavant ne soyez faciles à ces otieux et inutiles voyaiges. Entretenez vos familles , travaillez chascun en sa vacation, instriiez vos enfans, et vivez comme vous enseigne le bon Apostre Sainct Paul.
Ce faisants vous aurez la garde de Dieu , des Anges et des Saincts avecq vous : et n’y aura peste ny mal qui vous porte nuisance. Puis les mena Gargantua prendre leur réfection en la
salle : mais les Pèlerins ne faisoient que souspirer, et dirent à Gargantua:
O que heureux est; le pays qui a pour Seigneur ung tel homme! Nous sommes plus édifiez et instruicts en ces propous qu’il nous ha tenu, quen touts les Sermons que jamais nous feurent preschez en nostre ville. C’est ( dist Gargantua) ce que dict Platon lib. 5 de Repub. que lors les Republicques seroient heureuses , quand les Roys philosopheraient , ou les Philosophes régneraient. Puis leur feit emplir leurs besaces de vivres , leurs bouteilles de vin , et à chascun donna cheval pour soy soulaiger au reste du chemin; et quelcques carolus pour vivre.
ao3
