CHAPITRE X L V I
Comment Grandgousier traicta humainement Toucq ue di lion prisonnier.
Toucquedillon feut présenté à Grandgousier et interrogué par icelluy sus l’entreprinse et affaire de Picrochole, cpielle fin il pretendoit par le tumultüaire yacarme. A quoy respondit que sa fin et sa destinée estoit de conquester tout le Pays s’il poyoit , pour l’injure faicte à ses foiiaciers. C’est (dist Grandgousier) trop entreprins, qui trop embrasse , peu estrainct. Le temps n’est plus d'ainsi conquester lesRoyaulmes ayecq dommaige de son prochain , frere Christian: cette imitation des anciens Hercules, Alexandres , Hannibals , Scipions , Césars et aultres tels est contraire à la profession de l’Evangile, par lequel nous est commandé guarder, saulver, régir, et administrer chascun ses pays et terres , non hostilement envahir les aultres. Et ce que les Sarasins et Barbares jadis appelaient proesses, maintenant nous appelions briguanderies et meschancetez. Mieulx eust-il faict soy contenir en sa maison royalement la gouvernant, que insulter en la mienne, hostilement
la pillant ; car par bien la gouverner l’eust augmentée, par me piller sera aestruict. Allezvous en au nom de Dieu , suivez bonne entreprinse , remonstrez à vostre Roy les erreurs que congnoistrez , et jamais ne les conseillez , ayant esguard à vostre proffit particulier ; car avecq le commun est aussi le propre perdu. Quant est de vostre rançon , je vous la donne entièrement, et veulx que vous soient rendues armes et clieval: ainsi faut-il faire entre voisins et anciens amis , veu que cette nostre différence n’est poinct guerre proprement.
Gomme Platon lib. 5 de Repub. vouloit estre non guerre nommé , ains sédition , quand les Grecs mouvoient armes les uns contre les aultres. Ce que si par male fortune avenoit, il commande qu’on use de toute modestie. Si guerre la nommez , elle n’est que superficiaire , elle n entre poinct au profond cabinet de nos cueurs. Car nul de nous n’est oultraigé en son honneur : et n’est question en somme totale , que de rabiller quelcque faulte commise par nos gents, j’entends et vostres , et nos très. Laquelle encores que congneussièz , vous debvez laisser couler oultre , car les personnaiges querellans estoient plus à contemner , qu’à ramentevoir : mesmement leur satisfaisant selon le grief comme je
DE RABELAIS. i05
me suis offert. Dieu sera juste estimateur de nostre different , lequel je supplie plustost par mort me tollir de ceste vie et mes biens dépérir devant mes yeulx, que par moy ny les miens en rien soit offensé. Ces paroles achevées appella / le Moyne, et devant touts luy demanda Frere Jean mon bon amy , est-ce vous qui avez prins le Capitaine Toucquedillon icy présent ? Cyre ( dist le Moyne ) il est présent , il ha eage et discrétion : j’aime mieulx que le sçachez par sa confession que par ma parolle. Adoncques dist Toucquedillon: Seigneur, c’est lui véritablement qui m’ha prins : et je me rends son prisonnier franchement. L’avez-vous ( dist Grandgousier au Moyne ) mis à rançon ? Non , dist le Moyne.
De cela ne me soucie. Combien ( dist Grandgousier ) vouldriez-vous ■ de sa prinse ? Rien , rien ( dist le Moyne ) cela ne me meine pas. Lors commanda Grandgousier , que présent Toucquedillon feussent comptez au Moyne soixante et deux mille salutz pour celle prinse. Ce que feut faicte cependant qu’on feit la colation au dict Toucquedillon, auquel demanda Grandgousier s’il vouloir demourer avecq luy , ou si mieulx aimoit retourner à son Iioy. Toucquedillon respondit, qu’il tiendrait le parti lequel il luy conseillerait. Doncques ( dist Grandgou-
so6 OE U V H E S
sier) retournez à vostre Roy, et Dieu soit avecq vous. Puis luy donna une belle espée de, Vienne, avecq le fourreau d’or faict à belles vignettes d’orfebvrerie , et ung collier d’or pesant sept cens deux mille marcs, garny de fines pierreries, à l’estimation de cent soixante mille ducats: et dix mille escus par présent honorable. Apres ces propous monta Toucquedillon sus son cheval, Gargantua pour sa seureté luy bailla trente hommes d’armes et six vingts archiers soubz la conduicte de Gymnaste , pour le mener jusques es porte de la Roche Glermauld,si besoing estoit. Icelluy départi , le Moyne rendit à Grandgousier les soiyante et deux mille saluts qu’il avoir receu, disant: Cyre, ce n’est ores que vous debvez faire tels dons. Attendez la fin de ceste guerre , car l’on ne sçait quels affaires pourroient survenir. Et guerre faicte sans bonne provision d’argent n’ha qu’ung souspirail de vigueur. Les nerfs des batailles sont les pecunes. Doncques ( dist Grandgousier ) à la fin je vous contenteray par honneste recompense , et tous ceulx qui m’auront bien servy.
