CHAPITRE III

Dm dueil que mena Gargantua de la mort de sa femme Badebec .

Quand Pantagruel feut nay , qui feut bien esba-lii , et perplex , ce feut Gargantua son pere ; ca r voyant d’ung costé sa femme Badebec morte, et de l’aültre son fds Pantagruel nay , tant beau et tant grand, ne sçavoit que dire ne que faire. Et le doubte qui troubloit son entendement estoit à scavoir s’il debvoit plorer pour le deuil de sa femme , ou rire pour la joye de son fils. D’ung costé et d’aultre il avoit arguments sophisticques qui le suffocquoient; car il les faisoit très-bien in modo et figura , mais il ne les povoit souldre. Et par ce moyen demouroit empestré comme la souris empeignée , ou ung milan prins au lasset.

Ploreray-je ? disoit-il , ouy : car , pourquoy ? Ma tant bonne femme est morte , qui estoit la plus cecy , la plus cela , qui feust au monde. Jamais je ne la voyrray , jamais je n’en recouvreray une telle : ce m’est une perte inestimable ! O mon Dieu , que t’avois-je faict pour ainsi me punir? Que n’envoyas-tu la mort à moy premier

qu’à elle ? car vivre sans elle ne m’est que languir. Ha Badebec , ma mignonne , m’amie , mon petit cou ( toutesfois elle en avoit bien trois arpens et deux sexterées , ) ma tendrette , ma braguette , ma savate , ma pantoufle , jamais je ne te voyrray. Ha paovre Pantagruel , tu as perdu ta bonne mere , ta doulce nourrice , ta dame tres-aimée. Ha faulse mort tant tu m’es malivole , tant tu mes oultraigeuse de me tollir celle à laquelle immortalité appartenoit de droict.

Et ce disant ploroit comme une vasche , mai* tout soubdain rioit comme ung veau quand Pantagruel luy venoit en mémoire. Ho mon petit fils ( disoit-il , ) mon couillon , mon peton , que tu es joly , et tant je suis tenu à Dieu , de ce qu’il m’ha donné ung si beau fds , tant joyeulx , tant riant , tant joly. Ho , ho , ho , ho , que je suis aise : beuvons ho, laissons toute melancholie, apporte du meilleur , raince les voyrres , boute la nappe , chasse ces chiens , soufle ce feu , allume la chandelle , ferme ceste porte , taille ces souppes , envoyé ces paovres , baille leur ce qu’il? demandent, tien ma robbe , que je me mette en pourpoinct pour mieulx festoyer les commeres.

Ce disant ouït la Letanie , et les Mémentos de? Prebstres qui portoient sa femme en terre , dont laissa son bon propous , et tout soubdain feu*

DE RABELAIS. a75

ravy ailleurs , disant : Seigneur Dieu , fault-il que je me contriste encore ? cela me fasehe , je ne suis plus eune , je deviens vieulx, le temps est dangereux, je pourray prendre quelcque bebvre ; me voila affolé. Foy de Gentilhomme , il vault mieulx plorer moins , et boyre d’advantaige. Ma femme est morte , et bien , par Dieu ( B a j lirait di , ) je ne la ressusciteray pas par mes plours , elle est bien, elle est en Paradis pour le moins, si mieulx n’est : elle prie Dieu pour nous , elle est bien-heureuse, elle ne se soucie plus de nos misères et calamités , aultant nous en pend à l’œil. Dieu gard le demourant , il me fault penser d’en trouver une aultre. Mais voicy que vous ferez , dist-il aux Saiges-femmes (où sont-elles? Bonnes gents, je ne vous peulx veoir) allez à l’enterrement d’elle , et cependant je berceray icy mon fils : car je me sens bien fort altéré , et serais en dangier de tumber malade : mais beuvez quelcque bon traict devant ; car vous en trouverez bien , et m’en croyez sus mon honneur. A quoy obtempérants allarent à l’enterrement et funérailles , et le pauvre Gargantua demoura à l’hostel. Et cependant feist l’Epitaphe pour estre engravé en la maniéré cpie s’ensuit :

\ Elle en mourut la noble Badebec Du mal d’enfant, que tant me sembloit nice ,

Car elle avoit visaige de Pœbec ,

Corps d'Espaignole , et ventre de Souïce. Priez à Dieu , qu’à elle soit propice ,

Luy pardonnant , s'en rien oultre passa :

Cy gist son corps , lequel vesquit sans vice , Et mourut l’an et jour que trespassa.