CHAPITRE IV
De V enfance de Pantagruel.
JE trouve par les anciens Historiographes et Poêles , que plusieurs sont nayz en ce monde en façons bien es franges que seroient trop longues à racompter , lisez le VII Livre de Pline , si avez loisir. Mais vous n’en ouïstes jamais d’une si merveilleuse comme feut celle de Pantagruel ; car c’estoil chose difficile à croire , comment il creut en corps et en force en peu de temps. Et n’estoit rien Hercules qui estant au berceau tua les> deux serpens , car lesdicts serpens estoient bien petits et fragiles. Mais Pantagruel estant encores au berceau feit cas bien espouvantables. J e laisse icy à dire comment à chascun de ses repas il humoit le laict de quatre mille six cents vasches. Et comment pour luy faire ung paeslon à cuire sa bouillie feurent occupez tous les pesliers de Saulmur en Anjou, de Villedieu en Normandie „ de Bramont en Lorraine : et luy bailloit-on ladicte bouillie en ung grand tymbre , qui est encore de présent à Bourges près du Palais , mais les dents luy estoient desja tant creuës et forti-
fiées , qu’il en rompit cludict tymbre ung grand morceau , comme très-bien apparoist.
Certain jour vers le- matin , qu’on le vouloir faire teter une de ses vasches (car de nourrisses il n’en eut jamais aultrement comme dict l’histoire ) il se deffeit des lienç qui le tenoient au berceau , ung des bras , et vous prend ladicte vasche par dessoubz le jarret , et luy mangea les deux tetins , et la moitié du ventre , avecq le foye , et les rongnons: et l’eust toute devorée , n’eust esté qu’elle crioit horriblemeut comme si les loups la tenoient aux jambes : auquel cry le monde arriva , et ostarent ladicte vasche à Pantagruel , mais ils ne sceurent si bien faire que le jarret ne luy en demourast comme il le tenoit , et le mangeoit très-bien comme vous feriez d’une saulcisse : et quand on luy voulut oster l’os , il l’avalla bientost comme ung cormoran feroit ung petit poisson , et après commença à dire , bon , bon , bon , car il ne sçavoit encore bien parler , voidant donner à entendre , qu’il l’avoit trouvé fort bon , et qu’il n’en falloit plus qu’aultant. Ce que voyants ceuîx qui le servoient , le liarent à gros cables comme sont ceulx que l’on faict à Tain pour le voyaige du sel à Lyon: ou comme sont ceulx de la grand nauf Françoise qui est au port de Grâce en Norman-
die. Mais quelcquefois , qu’un grand ours que nourrissoit son pere eschappa , et luy venoit lescher le visaige , car les nourrisses ne luy avoieïit bien à poinct torché les babines ; il se deffeit desdicts cables aussi facilement comme Sanson d’entre les Philistins , et vous print Monsieur de l’Ours, et le mist en pièces comme ung poulet, et vous en feit une bonne gorge chaulde pour cé repas. Pourquoy craignant Gargantua qu’il se gastast , feit faire quatre grosses chaines de fer pour le lier , et feit faire des arboutans à son berceau bien afustez. Et de ses chaines en avez une à la Rochelle , que l’on leve au soir entre les deux grosses tours du Havre : l’aultre est à Lyon : l’aultre à Angiers : et la quarte feut emportée des diables pour lier Lucifer , qui se deschainoit en ce temps-là , à cause d’une colique qui le tourmentoit extraordinairement , pour avoir mangé lame d’ung sergeant en fricassée à son desjeuner. Dont pouvez bien croire ce que dict Nicolas de Lyra sus le passaige du Psaultier où il est escrit : Et Og Regem Basan. Que ledict Og estant encore petit , est oit tant fort et robuste , qu’il le failloit lier de chaines de fer en son berceau. Et ainsi demoura coy et pacificque : car il ne povoit rompre tant facilement lesdictes chaines y mesmement qu’il n’avoit pas espace au berceau
ô8o OE U V R E S
de donner la secousse des bras. Mais voicy que arriva ung jour d’une grande Teste , que son pere Gargantua faisoit un beau bancquet à touts les Princes de sa Court. Je croy bien que touts les Officiers de sa Court r estaient tant occupés au service du festin , que l’on ne se soucioit du paovre Pantagruel , et demouroit ainsi à reculorum. Que feit-il ? Qu’il feit , mes bonnes gents ? Escoutez. Il essaya de rompre les chaines du berceau avecque les bras , mais il ne peust , car elles estoient trop fortes : Adoncq il trépigna tant des pieds qu’il rompit le bout de son berceau , qui toutes fois estoit d’une grosse poste de sept empans en quarré , et ainsi qu’il eust mis les pieds dehors il s’avalia le mieulx qu’il peust , en sorte quil touchoit les pieds en terre. Et alors avccque grande puissance se leva emportant son berceau sur l’eschine ainsi lié comme une tortuë qui monte contre une muraille , et à le veoir sembloit que ce feust une grande carracque de cinq cents tonneaulx qui feust debout. En ce poinct entra en la salle où l’on banequetoit , et hardiment , qu’il espouvanta bien l’assistance : mais par aultant qu’il avoit les bras liez dedans il ne povoit rien prendre à manger ; mais en grande peine s’ericlinoit pour prendre à tout la langue quelcque lippée. Quoy voyant son pere , entendit
DE RABELAIS. îSx
Bien que l’on l’avoit laisse sans luy bailler à repaistre , et commanda qu’il feust deslié desdictes chaines , par le conseil des Princes et Seigneurs assistans : ensemble aussi que les Medicins de Gargantua disoient que si l’on le tenoit ainsi au berceau , que seroit toute sa vie subject à la gravelle. Lorsqu’il feut descliainé , l’on le feit asseoir , et repeut fort bien , et mist son dict berceau en plus de cinq cents mille pièces d’ung coup de poing qu’il frappa au milieu par despict , avec protestation de jamais n’y retourner.
