CHAPITRE X Y

Comment Panurge enseigne une maniéré bien nouvelle de bastir les murailles de Paris.

P antagruel quelcque jour pour se recreer de son estude se pounnenoit vers les faulxbourgs Sainct Marceau , voulant veoir la folie Gobelin. Panurge estoit avecq luy, ayant tousjours leflaccon soubs sa robbe , et quelcque morceau de jambon : car sans cela jamais n’alloit-il disant que c’estoit son garde-corps , aultre espée ne portoitil. Et quand Pantagruel luy en voulut bailler une , il respondit qu’elle luy escbaufferoit la râtelle. Voire mais, dist Epistemon, si l’on t’assailloit comment te deffendrois - tu ? A grandz; coups de brodequin , respondit-il , pourveu que les estocz feussent deffenduz. A leur retour Panurge considérait les murailles de la ville de Paris , et enirrision dist à Pantagruel : Voyez- ci ces belles murailles. O que fortes sont et bien en poinct pour garder les oysons en mue ! Par ma barbe , elles sont competemment meschantes pour une telle ville comme ceste-ci; car une vasche avecques un g

DE RABELAIS. 35i

pet en abbatroit plus de six brasses. O mon amy ! dist Pantagruel ,|çais-tu bien ce que dist Agesilae , quand on luy demanda, pourquoy la grande cité de Lacedemone n’estoit ceincte de murailles ? Car monstrant les habitans et citoyens de la ville tant bien experts en disciple militaire , et tant forts et bien armés.: Voici , dist-il , les murailles de la cité. Signifiant qu’il n’est muraille que de os, et que les villes et cités n% sçauroient avoir muraille plus se ure et plus forte que la vertus des citoyens et habitans. Ainsi ceste ville esj;«si forte par la multitude du peuple befliqueux qui eèt d.edans , qu’ils ne se soucient de faire aultres murailles. •

D’advantaige , qui la vouldroit emriîùraillâr comme Strasbourg, Orléans, ou. Ferra re, il ne seroit possible , tant les frais et despens seroîent excessifs. Voire: mais, dist Panurge , si faict-il bon avoir quelcque visaige de jfierre , quand on est envahi de ses ennemis, et^nefeust-ce que pour demander , qui est là bas ? Au regard des frais énormes que dictes estre necessaires si on la vouloit murer: Si Messieurs de la ville me 'veulent donner quelcque bon pot de vin, je leur enscigueray une maniéré bien nouvelle, comme ils les pourront bastir à bon marché. Comment*, dist Pantagruel? Ne le dictes doncques mie, respondit

Panurge, si je vous l’enseigne. Je vôy que les callibistris des femmes de ce p^ys, sont à meilleur marché que les pierres , d’iceulx fauldroit bastir les murailles en les arrangeant par bonne symmetrie d’architecture , et mettant les plus grands au premiers rangs, et puis en talüant à dos d’asne arranger les moyens , et fmablement les petits. Puis faire ung beau petit entrelardement à poinctes de diamants, comme la grosse tour de Bourges, de tant de bracquemarts enroidis qui habitent par les braguettes claustrales. Quel diable defferoit telle muraille ? Il n’y ha métal qui tant resistast aux coups. Et puis , que les couillevrines se y vinssent froter, vous en VOyrrie;? ( par Dieu ) incontinent distiler de ce benoist fruiGt de grosse verolle metiü comme pluye. Sec au nom des diables. D’advantaige la fouldre ne tumberoit jamais dessus. Car pourquoy ? ils sont touts benists ou sacrés. Je n’y voj qu’ung inconvénient. Ho, ho , ha, ha, (dist Pantagruel). Et quel? C’est que les mousclies en sont tant friandes que merveilles, et se y cueilliroyent facilement et y feroient leur ordure : et voilà l’ouvraige gasté. Mais voici comment l’on y renier dieroit. Il fauldroit tres-bien les esmoucheter avecques belles queues de regnards , ou bon-gros viets-dazes de Provence. Et à ce propos je vous

veulx dire ( nous en allants pour soupei ) ring bel exemple cpie met Frciter Fiibinus , hbio de compotadonibus mendicandum.

Au temps que les bestes parloient ( il n’y ba pas trois jours ) un paovre Lion par la forest de Bièvre se pourmenant, et disant ses menus suffrages, passa par dessoubs ung arbre, auquel estoit monté ung villain charbonnier pour abbattre du bois. Lequel voyant le Lion, luy jecta sa coi°née, et le blessa énormément en une cuisse. Dont le Lion cloppant tant courut et tracassa par la forest pour trouver aide, qu’il rencontra ung charpentier, lequel voiuntiers regarda sa playe, la nettoya le mieulx qu’il peust et l’emplit de mousse, luy disant, qu’il esmouchetast bien sa playe, que les mouches n’y feissent ordure attendant qu’il iroit chercher de 1 herbe au charpentier. Ainsi le Lion guery , se pourmenoit par la forest , à quelle heure une vieille sempiterneuse ebuschetoit , et amassoit du bois par ladicte forest, laquelle voyant; le Lion venir tumba de paour à la renverse, en telle façon que le vent luy renversa robbe , cotte et chemise jusques au dessus des espaules. Ce que voyant le Lion accourut de pitié , veoir si elle s estoit faict aulcun mal, et considérant son comment a nom / dist, O paovre femme , qui t’ha ainsi blessée ? et ce

disant apperceut ung Regnard, lequel il api pella , disant , Compere Regnard , liau. ça , ça , et pour cause.

Quand le Regnard feut venu , il luy clist : Compere mon amy, l’on ha blessé ceste bonne femme ici entre les jambes bien villainement , et y lia solution de continuité manifeste ; regarde que la playe est grande depuis le cul jusques au nombril mesure quatre , mais bien cinq empans et demi: c’est ung coup de coignée, je me double que la playe soit vieille , pourtant affin que les mousches n’y prennent , esmouche-la bien fort je t’en prie, et dedans et dehors, tu as bonne queue et longue , esmouche mon ami , esmouebe je t’en supplie , et cependant je vay quérir de la mousse pour y mettre. Car ainsi nous faultil secourir et ayder l’ung l’aultre. Esmouebe fort, ainsi mon ami , esmouebe bien : car ceste playe veult estre esmouchée souvent, aultrement la personne ne peult estre à son aise. Or esmouebe bien mon petit compere, esmouebe, Dieu t’ha bien pourveu de queue, tu l’as grande et grosse à l’advenant, esmouebe fort et ne t’ennuie poinct. Ung bon esmouclieteur qui en esmouchetant continuellement esmouebe de son mousebet , par mousches jamais emmousché ne sera. Esmouebe eouillaudj esmouebe mon petit bedaud, je n’ar-

resteray guieres. Puis va chercher force mousse, et quand il feut quelcque peu loing il s’escria parlant au Regnard : Esmouche , bien tous] ours cômpere , esmouche, et ne te fasche jamais de bien esmoucher, mon petit compere, je te feray estre à gaiges esmouclieteur de Don Pietro de Castille. Esmouche seulement, esmouche et rien plus. Le paovre Regnard esmouchoit fort bien et deçà et delà , dedans et dehors , mais la faulse vieille vesnoit et vessoit pliant comme cent diables. Le paovre Regnard estoit bien mal à son aise: car il ne soavoit de quel costé. se virer, pour evader le parfum des vesses dé la vieille: et ainsi qu’il se tournoit, il veit qu’au derrière estoit encore ung aultre pertuis, non si grand que celluy qu’il esmouchoit, dont luy venoit ce vent tant püant et infect. Le Lion fmablement retourne, portant de mousse plus que n’en tiendraient dix et huiet balles, et commença en mettre dedans la plàye, avecques ung baston qu’il aporta : et y en avoit ja bien mis seize balles et demie, et s’esbahissoit. Que diable ceste playe est profunde , il y entrerait de mousse plus de deux charrettéès, mais le Regnard l’advisa : O compere Lion , mon amy , je te prie, ne mets ici toute la mousse, gardes en quelcque peu , car il y ha encore ici-dessoubs ung aultre petit permis, qui put comme cinq

cents diables , j’en suis empoisonné de l’odeur , tant il est punais. Ainsi fauldroit garder ces murailles des mousches , et mettre esmoucheteurs à gaiges.

Lors dist Pantagruel: Comment scais-tu que les membres honteux des femmes sont à si bon marché ? Car en ceste ville il y ha force preudes femmes , chastes et pucelles. Et, ubi prenus ? dist Panurge. Je vous en diray mon opinion, mais vraye certitude et asseurance. Je ne me vante d’en avoir embourré quatre cents dix et sept depuis que suis en ceste ville, et n’y ha que neuf jours. Mais à ce matin j’ay trouvé ung bon homme qui , en ung bissac , tel comme celluy de Esopet , portoit deux petites fillettes de l’eage de deux ou trois ans au plus , 1 une devant , l’aultre derrière. Il me demande l’aumosne , mais je luy feis réponse que j’avois beaucoup plus de coudions que de deniers.

Et apres luy demande , Bon homme , ces deux fillettes sont-elles pucelles? Frere, dist-il, il y ha deux ans qu’ainsi je les porte, et au regard de ceste-ci devant, laquelle je voy continuellement, en mon advis elle est pucelle, toutesfois je n’en vouldrois mettre mon doigt au feu.

Quant est de celle que je porte derrière, je n’en sçai sans faulte rien. Vrayement, dist Pan-

tagruel , tu es gentil compaignon , je te veulx habiller de ma livrée. Et le feit vestir .gualantement selon la mode du temps qui couroit: excepté que Panurge voulut que la braguette de ses chausses fust longue de trois pieds, et quarrée , non ronde : ce que feut faict , et la faisoit bon veoir. Et disoit souvent que le monde n’avoit encore congneu l’emolument et utilité qui est de porter grande braguette : mais le temps leur enseigneroit quelcque jour, comme toutes choses ont esté inventées en temps.

Dieu gard de mal (disoit- il) le compaignon h qui la longue braguette ha saulvé la vie. Dieu gard de mal à qui la longue braguette ha vallu pour ung jour cent soixante mille et neuf escutiz. Dieu gard de mal, qui par sa longue braguette ha saulvé toute une ville de mourir de faim. Et par Dieu je feray ung livre de la commodité des longues braguettes , quand j’auray plus de loisir. De faict en composa ung beau et grand livre avecque les figures , mais il n’est encore imprimé , que je sçache.