CHAPITRE XVI
Des meurs et conditions de Panurge.
P a n u r g e estoit de stature moyenne , ny trop grand, ny trop petit, et avoit le nez uiig peu aquilin, faict à manche de rasouer, et pour lors" estoit de l’eage de trente et cinq ans ou environ; fin a dorer comme une dague de plomb , bien galand homme de sa personne , sinon qu’il estoit quelcque peu paillard , et subject de nature à une maladie qu’on appelloit en ce temps- là , faulte d’argent , c’est douleur non pareille. Toutesfois il avoit soixante et trois maniérés d’en trouver tousjours à son besoing, dont la plus honorable et la plus commune estoit par façon de larrecin furtivement faict ; mal- faisant, pipeur, beuveur , batteur de pavés , ribleur s’il en estoit à Paris : au demourant le meilleur filz du monde : et tousjours machinoit quelcque chose contre les sergens et contre le guet.
A lune fois il assembloit trois ou quatre bons rustres , les faisoit boire comme Templiers sus le soir, apres les menoit au dessus de Saincte Geneviefvë, ou auprès du Colliege de Navarre, et à 1 heure que le guet montoit par la (ce qu’il
congnoissoit en mettant son espée sur le pavé, et l’aureille auprès , et lors qu’il oyoit son espée bransler , c’estoit signe infallible que le guet estoit près) à l’heure doncques luy et ses compagnons prenoient ung tombereau , et luy bailloient le bransle, le rüant de grande force contre la vallée , et ainsi mettaient tout le paovre guet par terre comme porcz: puis fuioient de 1 aultre costé: car en moins de deux jours , il seeut toutes les rues, ruelles et traverses de Paris comme son B eus de b. A l’aultre fois faisoit en quelcque belle place par où ledict guet debvoit passer une trainée de pouldre de canon , et à l’heure que passoit
mettait le feu dedans , et puis prenoit son passetemps à veoir la bonne grâce qu’ils avoient en f niant, pensans que le feu Sainct Antoine les tint aux jambes. Et au regard des paovres Maistres és Arts , et Théologiens , il lespersecutoit sus touts aultres. Quand il rencontroit quelcqu’ung d’entr’eulx par la rue, jamais ne failloit de leur faire quelcque mal , maintenant leur mettant ung estronc dedans leur chapperons au bourlet , maintenant leur attachant de petites queues de Regnard , ou des aureilles de Lievre par derrière , ou quelcque aultre mal. Ung jour que 1 on avoit assigné à touts les Théologiens de se trouvei en Sorbonne , il feit une Tartre borbonnoyse, com-
56o OE U V R E S
posée de force d’ails , de galbanum , de as s a fcettda , de castoreum , d’estrones touts ehaulds ; et la destrampit en sanie de bosses cliancreuses et de fort bon matin en gressa et oignit tout le treilliz de Sorbonne en sorte que le diable n’y eust pas duré. Et touts ces bonnes gents rendoient là leurs gorges devant tout le monde, comme s’ils eussent escorché le regnard , et en mourut dix ou douze de peste , quatorze en feurent ladres , dix et huyct en feurent pouacres , et plus de vingt et sept en eurent la verolle, mais il ne s’en soucioit mie. Et portoit ordinairement ung fouet sous sa robbe , duquel il fouettoit sans remission les paiges qu’il trouvoit portons du vin à leurs maistres , pour les avanger d’aller. En son saye avoit plus de vingt et six petites bougettes , et fasques , tousjours pleines , l’une d’ung petit deauë de plomb, et d’ung petit Cousteau affilé comme l’aguille d’ung peletier, dont il coupoit les bourses, l’aultre de aigrest qu’il jectoit aux yeulx de ceulx qu’il trouvoit: l’aultre de giaterons enpennez de petites plumes d’oisons , ou de chappons , qu’il jectoit sus les robbes et bonnets des bonnes gents : et souvent leur en faisoit de belles cornes qu’ils portoient par toute la ville , aulcunesfois toute leur vie. Aux femmes aussi par dessus leurs chapperons au derrière , aulcunesfois
DE RABELAIS. 36i
en mettoit faicts en forme d’ung membre d’homme. En l’aultre ung tas de cornets touts pleins de pulces et de poulx , qu’il empruntoit des Guenaulx de Sainct Innocent, et les jectoit avecques belles petites cannes ou plumes dont on escript , sus les collets des plus succrées Damoiselles qu’il trouvoit , et mesmement en l’ecclise : car jamais ne se mettoit au chœur au hault, mais tousjours demouroit en la nef entre les femmes , tant a la messe , à vespres , comme au sermon.
En l’aultre force provision de haims et claveaulx, dont il acconploit souvent les hommes et les femmes en compaignies où ils estoient serrez, et mesmement celles qui portoient robbes de tafetas armoisy , et à l’heure quelles se vouloient départir , elles rompoient toutes leurs robbes. En l’aultre ung fouzil garny d’esmorclie , d’allume ttes , de pierre à feu , et tout aultre appareil à ce requis.
En l’aultre deux ou trois miroüers ardents , dont il faisoit enraiger aulcunesfois les hommes et les femmes , et leur faisoit perdre contenance à l’ecclise : car il disoit qu’il n’y avoit qu’une antistrophe entre femme folle à la messe , et femme molle à la lesse. En 1 aultre avoit piovision de fil, et d’aguilles, dont il faisoit mille petites diableries. Une fois à l’issue du Palais à
la grand salle , lors qu’ung cordelier disoit la messe de Messieurs: il. Juy ayda à soy habiller et revestir , mais en l’aceoustrant il luy cousit l’aube ayecq sa robbe , et chemise , et puis se retira quand Messieurs de la Court vindre s’asseoir pour ouïr icelle messe. Mais quand ce feut à Vite missa est, que le paovre frater se voulut desvestir son aulbe, il emporta ensemble et habit, et chemise, qui estaient bien cousus ensemble, et se rebrassa jusques aux espaules monstrant son callibistris à tout le monde qui n’es toit pas petit , sans doubte. Et le Dater tousjours tiroit , mais tant plus se descouvroit-il , jusques à ce qu’ung de Messieurs de la Court dist : Et quoy, ce beau Pere nous veult-il ici faire l’offrande et baiser son cul ? le feu Sainct Antoine le baise. Des lors feut ordonné que les paovres beaulx Peres ne se despouillei oient plus devant le monde , mais en leur sacristie , mesmement en presence des femmes : car ce leur seroit occasion du péché d’envie. Et le monde demandoit. Pourquoy est-ce que ces Flaires avoient la couille si longue ? Mais leclict Panurge solut tresbien le problème, disant: Ce cpie faict les aureilles des asnes si grandes, c’est parce que leurs meres ne leur mettaient poinct de béguin en la teste, comme clict D’Alliaco en ses Suppositions. A pareille raison ? ce que
DE RA -BELAI S. 3G3
faict la couille clés paovres beaulx Peres, cest qu’ils ne portent point de chausses foncées , et leur paovre membre s’estend en liberté à bride avallée , et leur va ainsi triballant sus les genoulx , comme font les patenostres aux femmes. Mais la cause pourquoy ils l’avoient gros à lequipolent, c’est qu’en ce triballement les humeurs du corps descendent audict membre: car semn les Légistes , agitation et motion continüelle est cause datraction. Item il avoit une aultre poche pleine d’alun de plume, dont il jectoit dedans le dos des femmes qu’il voyoit les plus acrestées, et les faisoit despouiller devant tout le monde, les aultres dancer comme jau sus breze, ou bille sus tabour : les aultres courir les rües , et lu} apres couroit : et à celles qui se despoüilloient , il mettoit sa cappe sus le dos , comme homme courtois et gracieux. Item en une aultre il avoit une petite guedbüfle pleine de vieille huile , et quand il ttou voit ou femme , ou homme qui eust quelcque belle robbe il leur en graissoit, et gastoit touts les plus beaulx endroicts , soubs le semblant de les toucher et dire , voicy de bon drap, voicy bon satin, bontafetas, Madame; Dieu vous cloint ce que vostre noble cueur desire: vous aves robbe neuve , nouvel aray , Dieu vous y maintienne. Ce disant leur mettoit la main sus le collet ,
3d4 OE U V R E S
ensemble la male-tache y demouroit perpetuellemem, si énormément engravée en Famé, en corps , et renommée , que le diable ne l’eust poinct ostee, puis à la fin leur disoit: Madame donnez vous gai de de tumber : car il y ha icy ung grand et salle trou devant vous. En une aultre il avoit tout plein de Euphorbe pulvérisé bien subtilement, et là dedans mettoit ung mouschenez beau et bien ouvré qu’il avoit desrobé à la belle Lingiere du Palais , en luy ostant ung poul dessus f °n se*n ’ lequel toutesfois il avoit mis. Et quand il se trouvoitencompaignie de quelcques bonnes -Dames , il leur mettoit sus le propos de lingelie’ 5et ieur mettoit la main au sein demandant: Et c est ouvraige est-il de Flandres , ou de Haynault/et puis tiroit son mouchenez disant , tenez, tenez , voyez en cy de l’ouvraige , elle est de Foutignan , ou de Foutarabie, et le secoüoit bien fort a leur nez , et les faisoit esternuer quatre heures sans repos : Cependant il petoit comme urfg rous- Sm’ et*es femmes rioient , luy disans: comment vous petez Panurge ? Non fay , disoit-il , Madame : mais je accorde au contrepoinct de la musicque que vous sonnez du nez. En l’aultre ung daviet, m-ig pélican , ung crochet , et quelcques aultres fer remens dont il n’y avoit porte , ny coffre qu’il ne cr°ehetast. En Faultre tout plein de petÿs gou-
belets , dont il joüoit fort artificiellement : car il avoit les doigts faicts à la main comme Minerve , ou Arachne , et avoit aultrefois crié le theriacle. Et quand il changeoit ung teston , ouquelcque aultre piece , le changeur eust esté plus fin que Maistre Mousche , si Panurge n’eust faict esvanoüïr à chascune fois cinq ou six grands blancs visiblement , appertement , manifestement , sans faire lésion , ne blesseure aulcune , dont le changeur n’eust senty que le vent.
OE U y R E S
Comment Panurge gaignoit les pardons , et marioit les vieilles , et des procès quil eut à Paris.
U n g jour je trouvay Parwirge quelcque peu escorné et taciturne, et me doubtay bien qu’il navoit denare, dont je luy dis: Panurge vous estes malade à ce que je voy à vôtre physionomie , et j’entends le mal: vous avez ung flus de bourse, niais ne vous souciez , j’ay encore six sols et maille , que ne veirent oncq pere ny mere , qui ne vous fauldront non plus que la verolle en vostre nécessité. A quoy il me respondit. Et bren pour l’argent, je n’en auray quelcque jour que trop: car j’ay une pierre philosophale qui m’attire l’argent des bourses , comme l’aymant attire le fer. Mais voulez-vous venir gaigner les pardons? dist-il. Et par ma foy (je luy responds), je ne suis grand pardonneur en ce monde-icy, je ne scay si je le seray en l’aultre : bien , allons au nom de Dieu pour ung denier ny plus , ny moins. Mais ( dist-il) prestez moy doncques ung denier à l’interest. Rien nen , dys-je. Je le vous donne de bon cueur.
Grabes <vobis dominos , dist-il. Ainsi allasmes commançant à Saint Gervais , et je gaigne les pardons au premier tronc seulement: car je me contente de peu en ces matières , puis disois mes menus sufffaiges, et oraisons de Saincte Brigide : mais il gaigna à touts les troncs, et tousjours bailloit argent à chascun des pardonnaires. De là nous transportasmes à Nostre Dame, à Sainct Jean, à Sainct Antoine, et ainsi des aultres Ecclises où estoit bancque de pardons: de ma part je n’en gaignois plus: mais luy à touts les troncs il baisoit les reliques, et à chascun donnoit. Brief quand nous feusmes de retour il me mena boire au cabaret du chasteau , et me montra dix ou douze de ses bougettes pleines d’argent. A quoy je me seignay faisant la croix, et disant: Dond’ avezvous tant recouvert d’argent en si peu de temps? A quoy il me respondit qu’il avoit prins ës bassins des pardons: car en leur baillant le premier denier (dist-il) je le mis si soupplement qu’il sembla que feust ung grand blanc , ainsi d’une main je prins douze deniers , voir bien douze liards , ou doubles pour le mpins : et de l’aultre trois ou quatre douzains : et ainsi par toutes 1rs Ecclises où nous avons esté. Voire , mais (dis-^e) vous vous damnez comme une serpe , et estes larron et sacrilege. Ouy bien (dist-il) comme il
vous semble : mais il ne me le semble quant à moy. Car les pardonnantes me le donnent, quand ils me disent en présentant les reliques à baiser centuplum accipies , que pour un g denier j’en prenne cent: car accipies est dict selon la maniéré des Hebrieux qui usent du futur on lieu de l’impératif, comme vous avez en la loy, Ditiges clominum, id est, dilige. Ainsi quand le pardonnigere me dict , centuplun accipies , il veult diie, centuplum accipe , et ainsi l’expose Rabi Kimy, et Rabi Aben Ezra , et touts les Massorets : et ibi Bartolus. D’advantaige le Pape Sixte me donna quinze cents livres de rente sus son dommaine et thresor Ecclesiasticque pour luy avoir guery une bosse chancreuse , qui tant le tourmentoit , qu’il en cuida devenir boiteulx toute sa vie. Ainsi je me paye par mes mains, (car il n’est tel) sus ledict thresor Ecclesiasticque.
Iio mon amy (disoit-il) si tu sçavois comment je feis mes choulx gras de la croisade , tu serois tout esbahy. Elle me vault plus de six mille fleurins. Et où diable sont-ils allez ? dis-je , car tu n’en as une maille. Dond’ils estoient venus (dist-il) ; ils ne feirent seullement que changer maistre. Mais j’en employay bien trois mille à niatier non les jeunes filles , car elles ne trouvent que trop : mais grandes vieilles sempiter-
neuses qui n’avoient dents en gueulle. Considérant, ces bonnes femmes- icy ont tres-bien employé leur temps en jeunesse, et ont joué du serrecroupiere à cul levé à touts venans , jusques à ce qu’on n’en lia plus voulu. Et par Dieu je les feray saccader encore une fois devant qu’elles meurent. Par ce moyen à l’une donnois cent fieurins, à l’aultre six vingts, à l’aultre trois cents, selon qu’elles estoient bien infâmes, détestables, et abominables, car d’aultant quelles estoient plus horribles, et exécrables, d’aultant il leur faloit donner d’advantaige , aultrement le diable ne les eust voulu biscoter. Incontinent m’en allois à quelcque porteur de coustrets gros et gras, et faisois moy-mesme le mariaige , mais premier que luy nions trer les vieilles je luy monstrois les escutz disant : Compere , voicy qui est à toy si tu veulx fretinfretailler ung bon coup. Des lors les paovres haires bubaialloient commune vieulx mulets, ainsi leur faisois bien apprester à bancqueter, boire du meilleur, et force espiceries pour mettre les vieilles en rut et en chaleur. Fin de compte ils besoingnoient comme toutes bonnes âmes, sinon qu’a celles qui estoient horriblement villa ines et desfaictes , je leur faisois mettre ung sac sus le visaige. D’advantaige j’en ay perdu beaulcoup en procès. Et quels procès as-tu peu
57 'o oe U y r e s
avoir? (disois -je), tu n’as ny terre, ny maison. Mon amy (dist-il) les damoiselles de ceste ville avoient trouvé par instigation du diable d’enfer une maniéré de collets, ou cachecoulx à la haulte façon, qui leur cachoit si bien les seins, que l’on n’y pouvoit plus mettre la main par dessoubs, car la fente d’iceulx elles avoient mise par derrière, et estoient touts clos par devant, dont les paovres amans, dolens, comtem pial ifs n’estoient bien contens. Ung beau jour de Mardy , j’en presentay requeste à la Court, me formant partie contre lesdictes damoiselles , et remonstrant les grands interests que je y pretendois , protestant que à mesme raison je ferois couldre la braguette de mes chausses au derrière , si la Court n’y donnoit ordre. Somme toute , les damoiselles formarent syndicat, monstrarent leurs fondemens, et passaient procuration à deffendre leur cause : mais je les poursuivis si vertement , que pararrest de la Court feut dict , que ces haults cachecoulx ne seroient plus portez , sinon qu’ils feussent quelcque peu fendus par devant. Mais il mecousta beau. J’eus ung aultre procès bien ord et bien salle contre Maistre Fyfy et ses supposts;à ce qu’ils n’eussent plus à lire clandestinement de nuict , la Pippe , le Bussart, ne le Quart des Sentences : mais de beau plein jour , et ce és eseholes
de Feutre, en face de touts les Artitiens sophistes , où je feus condamné es despens pour quelcque formalité de la relation du sergent. Une aultre fois je forma y complaincte à la Court contre les mulles des Presidens et Conseilliers , et aultres, tendant à fin que quand en la basse Court du Palais l’on les mettroit â ronger leur frain , les Conseillieres leur feissent de belles baverettes , affin que de leur bave elles ne gastassent le pavé, en sorte que les paiges du Palais peussent joüer dessus à beaulx dés , ou au reniguebieu à leur aise, sans y gaster leurs chausses aux genoulx: Et de ce eus bel arrest: mais il me couste bon.
Or sommes à ceste heure combien me coustentles petits bancquets que je fais aux paiges du Palais de jour en jour. Et à quelle fin? dis-je. Mon aray (dist-il) tu n’as passetemps aulcun en ce monde. J’en ay plus que le Roy. Et si voulois te rallier avecque moy , nous ferions diables. Non , non (dis- je) par Sainct Adauras : car tu seras une fois pendu. Et toy (dist-il) tu seras une fois enterré; lequel est plus honorable ou l’aer, ou la terre ? Hé grosse pecore !
Cependant que ces paiges bancquetent je garde leurs mulles , et couppe toutesfois à quelcqu’une l’estriviere du costé du montouer , en sorte qu’elle ne tient qu’à ung filet. Quand le gros enflé de
Conseillier , ou aultre, ha prins son bransle pour monter sus , ils tombent touts plats comme porcs devant tout le monde , et apprestent à rire pour plus de cent francs. Mais je me ry encore d’advantaige , c’est que eulx arrivez au logis ils font fouetter Monsieur du paige comme seigle vert , par ainsi je ne plains poinct ce que m’ha cousté à les bancqueter. Fin de compte , il avoit (comme ay dict dessus) soixante et trois manières de recouvrer argent : mais il en avoit deux cents quatorze de le despendre , hors mis la réparation de dessoubs le nez.
