CHAPITRE XVIII

Comment un g grand clerc d’ Angleterre 'voulait arguer contre Pantagruel , et feu t 'vaincu par Panurge.

E N ces mesmes jours ring sçavant homme nommé Thaumaste , oyant le bruit et renommée du sçavoir incomparable de Pantagruel, vint du pays d’Angleterre en ceste seule intention de veoir Pantagruel , et le congnoitre , et esprouver si tel estoit son sçavoir comme en estoit la renommée. De faict , arrivé à Paris se transporta vers l’hostel dudict Pantagruel qui estoit logé à Phostel Sainct Denis , et pour lors se pourmenoit par le jardin avecque Panurge , philosophant à la mode des Peripateticques. De première entrée tressaillit tout de paour , le voyant si grand et si gros : puis le saliia, comme est la façon, courtoisement, luy disant: Bien vray est- il, ce dict Platon prince des Philosophes, que si l’imaige de science et sapience estoit corporelle et spectable ès yeux des humains , elle exciteroit tout le monde en admiration de soy. Car seullement le bruit d’icelle espandu par l’aer , s’il est receu ès aureilles des studieux et amateurs d’icelle 3 qu’on nomme Phi-

losophes, ne les laisse dormir ny reposer à leur aise, tant les stimule et embrase d’acoürir au lieu et veoir la perssonne , en qui est dicte science avoir establi son temple , et produire ses oracles. Comme il nous fcut manifestement demonstré en la Royne de Saba , qui vint des limites d’Orient et mer Persicque , pour veoir l’ordre de la maison du saige Salomon , et ouïr sa sapience. En Anacliarsis, qui de Scytlrie alla j usques en Athènes pour veoir Solon. En Pythagoras, qui visita les vaticinateurs Memphiticques. En Platon qui visita les Mages de AEgypte, et Architas de Tarente. En Apollonius Tyaneus qui alla jusques au mont Caucase , passa les Scythes , les Massagetes , les Indiens , navigea le grand fleuve Physon , jusques ès Brachmanes pour veoir Hiafchas; et en Babvioine, Chaldée, Medée, Assyrie, Parthie , Syrie, Phœnice , Arabie , Palestine , Alexandrie , jusques en Ethiopie , pour veoir les Gymnosophistes. Pareil exemple avons nous de Tite Eive, pour lequel veoir et ouïr, plusieurs gents studieux vindrent en Rome , des fins limitrophes de France, et Hespagnc. Je ne m’ose recenser au nombre et ordre de ces gents tant parfaicts : mais bien je veulx estre dict studieux, et amateur, non seullement des lettres, mais aussi des gents lettrés. De faict oyant le bruit de ton sçavoir tant

inestimable , ay délaissé pays , parens et maison , et me suis iey transporté , rien n’estimant la longueur du chemin , l’attédiation de la mer , la nouveaulté des contrées , pour seullement te veoir et conférer avecques toy d’aulcuns passaiges de Philosophie, de Geomantie et de Caballe , desquels je doubte et ne puis contenter mon esperit : lesquels si tu me peulx souldre, je me rends des à présent ton esclave moy et toute ma postérité : car aultre don n’ay que assez j’estimasse pour la recompense. Je les redigeray par escript , et demain le feray sçavoir à touts les gents sçavans de la ville , affïn que devant eulx publicquement nous en disputions.

Mais voicy la maniéré comme j’entends que nous disputerons : je ne veulx disputer pro et cont.ra , comme font ces sots Sophistes de ceste ville, et de ailleurs. Semblablement, je ne veulx disputer en la maniéré des Academicques par déclamation , ny aussi par nombres comme faisoit Pythagoras , et comme voulut faire Picus Mirandula a Homme. Mais j e veulx disputer par signes seullement sans parler : car les matières sont tant arduës, que les parolles humaines ne seroient suffisantes à les expliquer à mon plaisir. Par ce il plaira à ta magnificence de soy y trouver, ce sera en la grande salle de Navarre à sept heures du matin.

Ces parolles achevées , Pantagruel luy dist ho-

notablement: Seigneur, des grâces que Dieu m’ha donné, je ne vouldrois denier à personne en départir à mon povoir : car tout bien vient de luy : et son plaisir est que soit multiplié , quand <on se trouve entre gents dignes , et idoines de reeepvoiqceste celeste manne de honneste sçavoir. Au nombre desquels parce qu’en ce temps comme ja bien appercoy, tu tiens le premier ranc : je te notifie qu’à toutes heures me trouveras prest de obtempérer à une chascune de tes requestes, selon mon petit povoir. Combien que plus de toy je deusse apprendre que toy de moy : mais , comme as protesté , nous conférerons de tes doubtes ensemble , et en chercherons la resolution jusques au fond du puits inespuisable , auquel disoit Heraclite estre la vérité cachée. Et loué grandement la maniéré d’arguer que as proposée, c’est assavoir par signes sans parler car ce faisans toy et moy nous entendrons : et serons hors de ces frappements de mains , que font ces badaulx Sophistes, quand on arguë, alors qu’on est au bon de l’argument. Or demain je ne fauldray me trouver on lieu et heure que m’as assigné: mais je te prie que entre nous n’y ait débat , ny tumulte , et que ne cherchons honneur ny applausement des hommes , mais la vérité seule. A quoy respondit Thaumaste : Seigneur Dieu te maintienne

en sa grâce, te remerciant de ce que ta haulte magnificence tant se veult condescendre à ma petite vilité. Or à Dieu jusques à demain. A Dieu, dist Pantagruel. Messieurs, vous qui lisez ce présent escript, ne pensez que jamais gents plus feussent eslevez et transportez en pensée, que feurent toute celle nuict , tant Thaumaste , que Pantagruel. Car ledict Thaumaste dist au concierge de lliostel de Cluny , auquel il estoit logé, que de sa vie ne s’es toit trouvé tant altéré comme il estoit celle nuict. Il m’est (disoit-il) advis que Pantagruel me tient à la gorge , donnez ordre que beuvons , je vous prie , et faictes tant que ayons de l’eauë fresche pour me gargariser le palat.

De l’aultre costé Pantagruel entra en la haulte game, et de toute, la nuict ne faisoit que ravasser apres

Le livre de Beda, de numeris et signis.

Le livre de Plotin, de inearrabilibus.

Le livre de Procle , de magia.

Les livres de Artemidore , tt gpl ore/pojq/Tntwf'.

De Anaxagoras , tt gpl enifjalu v.

Dinai’iuS , ■frgpt ct^drav.

Les livres de Philistion.

Hipponax, 7r?p/ dvexqavvTOùv et ung tas d’aultres, tant que Panurge luy dist :

Seigneur, laissez toutes ces pensées, et vous

allez couclier : car je vous sens tant esmeu en rostre esperlt, que bien test lumberiez en quelcque fiebvre epbemere par cest excès de pensement. Mais premier beuvant vingt et cinq ou trente bonne fois , retirez - vous , et dormez à vostre aise, car de matin je respondray et arguëray contre Monsieur l’Anglois , et au cas que je ne le mette ad metam non loqui , dictes mal de moy.

Voire, mais ( dist Pantagruel) Panurge mon amy , il est merveilleusement sçavant : comment luy pourras- tu satisfaire ? Très-bien (respondit Panurge) je vous prie n’en parlez plus, et m’en laissez faire: y ha-il homme tant sçavant que sont les diables ? Non vrayement ( di$t Pantagruel ) sans grâce divine et speciale.-Et toutesfois ( dist Panurge) j’ay argué maintesfois contre eulx, et les ay faicts quinaulx et mis de cul. Par ce soyez asseuré de ce glorieux Anglois , que je vous le feray demain chier vinaigre devant tout le monde. Ainsi passa la nuict Panurge à choppiner avecques les paiges, et joüer toutes les aguillettes de ses chausses à primas et secunduS , et à la vergette. Et quand vint l’heure assignée , il conduisit son Maistre Pantagruel au lieu constitué. Et hardiment croyez qu’il n’y eut petit ne grand dedans Paris qu’il 11e se trouvast au lieu: pensant, ce

diable de Pantagruel , qui ha convaincu touts les resveurs et bejaunes Sophistes, à ceste heure aura son vin. Car cest Anglois est ung aultre diable de Vauvert. Nous verrons qui en gaignera.

Ainsi tout le monde assemblé , Thaumaste les attendoit. Et lors que Pantagruel et Panurge arrivarent à la salle, touts ces Grimaulx, Ar tiens, et Entrans commençarent frapper des mains comme est leur badaulde coustume.

Mais Pantagruel s’escria à haulte voix , comme si ce eust esté le son d’ung double canon , disant , Paix de par le diable , paix : par Dieu , coquins , si vous me tabustez ici , je vous couperay la teste à très tous. A laquelle parolle ils demçurarent touts estonnez comme canes , et ne osoient seullement toussir , voire eussent ils mangé quinze livres de plume. Et feurent tant altérez de ceste seule voix , qu’ils tiroient la langue demy pied hors la gueulle, comme si Pantagruel leur eust les gorges salées. Lors commença Panurge à parler disant à l’Anglois : Seigneur , es tu ici venu pour disputer contentieusement de ces propositions que tu as mis , ou bien pour apprendre et en sçavoir la vérité ? A quoy respondit Thaumaste , Seigneur, aultre chose ne me ameine sinon bon désir d’apprendre et sçavoir ce dont j’ay doubté toute ma vie , et 11’ay trouvé ny livre ny homme

38o ŒUVRES

qui m’ayt contenté en la resolution des doubtes que j’ay proposez. Et au regard de disputer par contention , je ne le veulx faire, aussi est-ce chose trop vile, et le laisse à ces maraulx Sophistes lesquels en leurs disputations ne cherchent vérité , mais contradiction , et débat.

Doncques dist Panurge , si je , qui suis petit disciple de mon Maistre Monsieur Pantagruel, te contente et satisfais en tout et par tout , ce seroit chose indigne d’en empescher mon dict Maistre , par ce mieulx vauldra qu’il soit cathedrant, jugeant de nos propous , et te contentant au parsus s’il te semble que je n’aye satisfaict à ton studieux désir. V rayement , dist Thaumaste , c’est très-bien dict. Commençons doncques.

Or notez que Panurge avoit mis au bout de sa longue braguette ung beau Floc de soye rouge , blanche , verde , et bleue , et dedans avoit mis une belle pomme d’orange.