CHAPITRE XIX
Comment P anurge feib quinaultl’ Anglais qui arguoit par signes.
A. d o jst c q tout le monde assistant et escoutant en bonne silence , l’Anglois leva liault en l’aer les deux mains séparément , cloiiant toutes les extremitez des doigtz en forme qu’on nomme en Chinonnois , cul de poulie , et frappa de l’une l’aultre par les ongles quatre fois , puis les ouvrit , ainsi à plat de l’une frappa l’aultre en son strident une fois , derechief les joignant comme dessus frappa deux fois , et quatre fois derechief les ouvrant. Puis les remit jointes et estenduës l’une jouxte l’aultre , comme semblant dévotement Dieu prier. Panurge soubdain leva en l’aer la main dextre , puis d’icelle mist le poulce dedans la navire d’icelluy costé , tenant les quatre doigtz étendus et serrez par leur ordre en ligne parallèle à la pinne du nez , fermant l’œil gausche entièrement , et guignant du dextre avecq profonde dépréssion de la sourcille , et paulpiere. Puis la gausche leva hault, avecques fort serrement et extension des quatre doigtz et élévation du poulce , et la tenoit en ligne directement cor-
38a OE U V R E S
respondante à l’assiete de la dextre , avec distance entre les deux d’une coubdée et demie. Cela faict, en pareille forme baissa contre terre l’une et l’aultre main : Hnablement les tint on millieu comme visant droict au nez de l’Anglois.
Et si Mercure , dist l’Anglois. Là Panurge interrompt disant : Vous avez parlé , masque. Lors feist l’Anglois tel signe. La main gausclie toute ouverte il leva hault en l’aer , puis ferma au poing les quatre doigtz d’icelle , et le poulce estendu assit sus la pinne du nez. Soubdain apres leva la dextre toute ouverte , et toute ouverte la baissa , joignant le poulce au lieu que fennoit le petit doigt de la gausclie , et les quatre doigtz d’icelle mouvoit lentement en l’aer. Puis au rebours feit de la dextre ce qu’il avoit faict de la gausche , et de la gausclie ce qu’il avoit faict de la dextre. Panurge de ce non estonné tira en l’aer sa trismegiste braguette de la gausclie , et de la dextre en tira ung transon de coste bovine blanche , et deux pièces de bois de forme pareille , l’une d’Ebene noir, l’aultre de Brésil incarnat , et les mist entre les doigtz d’icelle en bonne symmetrie : et les cliocquant ensemble , faisoit son , tel que font les ladres en Brelaigne avecques leurs clicquettes , mieulx toutesfois résonnant , et plus harmonieux ; et de la langue
contracte dedans la bouche fredonnoit joyeusement , tousjours regardant l’Anglois.
Les I heologiens , Medicins , et Chirurgiens pensarent que par ce signe il inferoit l’Anglois estre ladre. Les Conseillers , Légistes , et Décrétâtes, pensoient que ce faisant il vouloit conduire , quelcque espece de félicité humaine consister en estât de ladrerie , comme jadis maintenoit le Seigneur. L’Anglois pour ce ne s effraya , et levant les deux mains en l’aer les tint en telle forme que les trois maistres doigtz serroit au poing , et passoit les poulces entre les doigtz indices et moyens : et les doigtz auriculaires demouroient en leurs estenduës , ainsi les presentoit à Panurge ; puis les accoupla de mode que le poulce dextre touchoit le gausche , et le doigt petit gau'sche touschoit le dextre. A ce Paiiuige sans mot dire leva les mains , et en feit tel signe : De la main gausche il joignit l’ongle du doigt indice a 1 ongle du poulce faisant on millieu de la distance comme une boucle , et de la main dextre serroit touts les doigtz au poing, excepté le doigt indice , lequel il mettoit et tiroit souvent par entre les deux aultres susdicts de la main gausche : puis de la dextre estendit le doigt indice et le millieu , les esloignant le mieulx qu’il povoit , et les tirant vers Thaumaste ; puis
mettait le poulce de la main gausche sus l’anglet de l’œil gausche, estendant toute la main comme une aele d’oiseau , ou une pinne de poisson , et la mouvant bien mignonnement de ça et de là , aultant en faisoit de la dextre sur l’anglet de l’oeil dextre.
Thaumaste commença paslir et trembler , et luy feit tel signe : De la main dextre il frappa du doigt millieu contre le muscle de la vole , qui est au dessoubs le poulce , puis mist le doigt indice de la dextre en pareille boucle de la senestre ; mais il le mist par dessoubs , non par dessus , comme faisoit Panurge. Adoncques Panurge frappe la main contre sus l’aultre , et souffle en paulme : ce faict , met encore le doigt indice de la dextre en la boucle de la gausche , le tirant et mettant souvent ; puis estendit le menton , regardant ententivement Thaumaste. Le monde qui n’entendoit rien à ces signes , entendit bien qu’en ce il demandoit sans dire mot, à Thaumaste, que voulez- vous dire là 7 De faiet T haumaste commença siier à grosses gouttes , et sembloit bien ung homme qui feut ravy en haulte contemplation. Puis s’advisa , et mist touts les ongles de la gausche contre ceulx de la dextre ouvrant les doietz , comme si ce eussent esté demis cercles, et «slevoit tant qu’il povoit les mains , en ce signe.
A quoy Panurge soubdain raist le poulce de la main dextre soubs les mandibules , et le doigt auriculaire d’icelle en la boucle de la gausche , et en ce poinct faisoit sonner ses dents bien mélodieusement , les basses contre les haultes.
Thaumaste de grand alian se leva , mais en se levant feit ung gros pet de Boulangier ; car le bran vint apres , et pissa vinaigre bien fort , et püoit comme touts les diables. Les assistans commençarent se estouper le nez , car il se conchioit d’angustie ; puis leva la main dextre , la clouant en telle façon qu’il assembloit les bouts de touts les doigtz ensemble , et la main gausche assit toute pleine sus la poictrine. A quoy . Panurge tira sa longue braguette aveeque son Hoc , et l’estendit d’une coubdée et demie , et la tenoit en l’aer de la main gausche , et de la dextre print sa pomme d’orange , et la gettant en l’aer par sept fois , à la huictiesme la cacha au poing de la dextre , la tenant en hault tout coy , puis commença secouer sa belle braguette , la monstrant à Thaumaste.
Apres cela Thaumaste commença enfler les deux joues comme ung cornemuseur , et soufflait comme s’il enfloit une vessie de porc. A quoy Panurge mist ung doigt de la gausche au trou du cul , et de la bousclie tiroit l’aer comme quand
on mange des huistres en escaille, ou quand on hume sa soupe ; ee faict , ouvre quelcque peu de la bouche , et avecque le plat de la main dextre frappoit dessus , faisant en ce ung grand son et profond , comme s’il venoit de la superficie ou diaphragme par la trachée artere , et le feit par seize fois. Mais Thaumaste souffloit toujours comme une oye. Adôncq Panurge mist le doigt indice de la dextre dedans la bouche , le serrant bien fort avecq les muscles de la bouche, puis le tiroit , et le tirant faisoit un grand son , comme quand les petits garçons tirent d’un g canon de Sus avecque belles rabbes , et le feit par neuf fois.
Alors Thaumaste s’escria : Ha Messieurs , le grand secret ! il y 'ha mis la main jusqu es au coubde : puis tira ung poignard qu’il avoit , le tenant par la poincte contre bas. A quoi Panurge print sa longue braguette , et la secoüoit tant qu’il povoit contre ses cuisses , puis mist ses deux mains liées en forme de pigne , sus sa teste, tirant la langue tant qu’il povoit , et tournant les yeulx en la teste , comme une chievre qui se meurt. Ha j’entends , dist Thaumaste , mais quoy ? faisant tel signe , qu’il mettoit le manche de son poignard contre la poictrine , et sus la poincte mettoit le plat de la main en retournant quelcque
peu le bout des doigtz. A. quoy Panurge baissa sa teste du costé gausclie , et mist le doigt millieu en l’aureille dextre , eslevant le poulce contre mont. Puis croisa les deux bras sus sa poictrine toussant par cinq fois , et à la cinquiesme frappant du pied droict contre terre ; puis leva le bras gausclie , et serrant touts les doigtz au poing , tenoit le poulce contre le front , frappant de la main dextre par six fois contre la poictrine. Mais Thaumaste , comme non content de ce , mist le poulce de la gausclie sus le bout du nez , fermant le reste de ladicte main. Dont Panurge mist les deux maistres doigtz à chascun costé de sa bouche , le retirant tant qu’il povoit , et monstrant toutes ses dents : et des deux poulces rabaissoit les paulpieres des yeulx bien profondément , en faisant assez laide grimace , selon que sembloit és assistans.
