Var. : ayant veu la table

336 Nouvelle CV.

officiers du roy, attendit qu'on s'assist, puis s'assist avec eux , et disne très bien sans sonner aucun mot; dequoy esmen'eillez, aucuns de la compagnie, qui n'avoyent point accoustumé de veoir cesîe oye estrangère disner avec eux, luy demandèrent de quel pais il estoit, et à qui il appartenoit, et leur rendit responce tout ce mesmes , sans qu'il perdit un seul coup de dent. Puis luy demandèrent s'il avoit quelque charge en la court : «Non, dit-il, mais j'y en voudroys bienavoir. 'Lors luy feirent commandement de se lever de leur table et gaigner au trot, sur peine de recepvoir bien tost le pavment de sa trop grande témérité et hardiesse. «Ouy, dea, dit-il. Messieurs, je le feray; mais que j'aye disné. » Et cassoit toujours. Ce qu'ayans longuem.ent obsen'è ceux qui luyavoient faict' cette pœur , et se sentans offencez , furent contrains de quicter leur colère et rire comme les autres. Or, pour en tirer d'avantage de passetemps et plaisir, ils luy demandèrent comment il avoit esté si hardy Restant estranger du pais et sans adveu'^ d'entrer en la maison et sommelerie du roy. " Pource , dit-il , que je sçavois bien que le roy estoit assez riche pour me donner à disner. » Par ceste gaillardise et promptitude d'esprit il captivoit le plus souvent la bonne grâce de ceux qui, en le regardant seulement, l'eussent du tout rejette.

Nouvelle CVI. ^41

Nouvelle CVI.

Des moyens dont usa un médecin afin d'esîre payé d'un abbé malade lequel il avoit pansé.

n médecin , assez recommandé envers 'plusieurs pour sa bonne réputation et ^ doctrine , fut mandé par un abbé afin de le secourir en sa maladie, ce qu'il accepta volontiers , et en feit si bien son debvoir qu'en peu de jours il Pavoit remis debout. Or apperceut-il qu'au lieu que l'abbé (estant au fort de sa maladie) luy promettoit chiens et oyseaux , et quand il reccmmençoitàrevenir en convalescence il ne le regardoit pas de bon œil , et ne faisoit aucune mention de le contenter de ses peines , et doubtoit fort qu'enfin il ne toucheroit aucuns deniers , il s'advisa d'user d'un moyen pour se faire payer : c'est qu'il feit entendre à son abbé qu'il craignoit fort une recheute, pire que la maladie, et qu'il en avoit de grandes conjectures ; et pourtant qu'il luy falloit encores prendre une médecine, laquelle il luy feit faire telle que , deux heures après l'avoir prise , il trouva qu'il avoit compté sans son hoste, et qu'il avoit plus grand besoin de son médecin que jamais. Se trouvant donc en tel estât , envoyé messagers l'un sur l'autre vers son médecin; mais, comme auparavant il avoit fait de l'oublieux à le contenter, aussi faisoit alors le médecin de l'empesché. Enfin l'abbé luy en-

342 Nouvelle CVII.

voya un sien serviteur, qui luy garnit très bien la main, et luy dit que son maistre le prioit pour l'honneur de Dieu qu'il l'allast visiter, et qu'il ne pensoit pas reschapper de sa maladie. Ce serviteur donq, ayant usé du vray moyen pour faire cesser tous les empeschemens du médecin, feit tant qu'il alla visiter l'abbé , lequel il rendit gay comme Perot au bout de trois jours , au bout desquelz il eut derechef la main garnie. Par ce moyen, ce gentil médecin fut payé de son abbé, lequel il avoit en peu de temps délibéré faire vivre et mourir, ou mourir et vivre, en vray médecin.

Nouvelle CVII.

De l'apprenty larron qui fut pendu pour avoir trop parlé.

n apprenty larron, estant entré par le toict en une maison, pour veoir s'il ne trouveroit point quelque bonne adventure , fut descouvert par ceux qui estoient dedans, à raison du bruit qu'il avoit mené y entrant ; qui fut occasion que les voysins d'entours s'assemblèrent pour voir que c'estoit; mais le larron, voyant que chacun entroit à foulle pour le chercher, descendit par quelques adresses qu'il avoit remarquées , et se vint rendre parmy la foulle du peuple qui entroit pour le chercher, et par ce moyen se garda d'estre descouvert. Un

Nouvelle CVIII. H3

peu après qu'il eust veu le bruici appaisé, et qu'on ne cherchoit plus le larron, d'autant qu'on pensoit qu'il fust eschappé , se délibéra de sortir par la porte , feignant estre demeuré seul pour le chercher, ne craignant aucunement d'estre congneu ; mais, par faute d'estre maistre de sa langue, il se donna luy-mesme àcognoistre, et se mist la corde au col : car, ainsi qu'il pensoit sortir, ayant rencontré plusieurs à la porte qui devisoient du larron en le maudissant , vint à le maudire aussi , disant qu'il luy avoit fait perdre son bonnet. Or faut-il noter que, pendant que ce rustre taschoità se sauver, fuyant tantost çà et tantost là, son bonnet luy estoit tombé , lequel on avoit gardé en espérance qu'il donneroit des enseignes du larron. Quand donq on luy eut ouy dire cela, on entra incontinent en soupçon ; tellement qu'il fut prins et incontinent pendu, pour avoir trop parlé.

Nouvelle CVIII.

De celuy qui se laissa pendre sous ombre de dévotion.

n certain prevost de par le monde, voulant sauver la vie à un larron qui estoit tombé entre ses mains, à l'intention qu'il participeroit au butin ^comme aussi ils en estoient d'accord;, en considérant d'autre part qu'il en seroit reprins et que le mur-

544 Nouvelle CVIII.

mure seroit grand s'il n'en faisoit justice, et mesme qu'il se mettoit en grand danger, usa de ce moyen : c'est qu'il feit prendre un pauvre homme auquel il dit qu'il y avoit long-temps qu'il le cherchoit, et que c'estoit luy qui avoit fait un tel acte et un tel. Cest homme ne faillit

luy nyer fort et ferme , comme celuy qui avoit a conscience nette de tout ce qu'on luy mettoit à sus. Mais ce prevost , estant résolu de passer outre, luy fit remonstrer qu'il gaigneroit bien mieux de confesser (puis qu'aussi bien, ainsi qu'en

à, il luy falloit perdre la vie), et que, s'il le confessoit, le prevost s'obligeroit, par son serment , de luy faire tant chanter de messes qu'il pourroit estre asseuré d'aller au paradis ; au lieu qu'en ne confessant point, il ne laisseroit d'estre pendu et iroit à tous les diables, d'autant qu'il n'y auroit personne qui fit chanter pour luy une seule messe. Ce pauvre homme , oyant parler d'estre pendu et puis aller à tous les diables , se trouva fort estonné , et ayma mieux estre pendu et aller en paradis. Tellement qu'en la fin il vint à dire qu'il ne se souvenoit point d'avoir faict ce de quoy on le chargeoit ; toutesfois que, si on s'en souvenoit mieux que luy et on en estoit bien asseuré , il prendroit la mort en gré ; mais qu'il prioit qu'on lui tînt promesse touchant les messes. Et n'eust plustost dit le mot qu'on le mena tenir la place de l'autre qui avoit mérité la mort. Mais, quand il fut à l'eschelle et que la fièvre commença à le saisir, il entra en des propos par lesquelz il donnoit à entendre qu'il se repentoit, nonobstant ce qu'on luy avoit promis. Pour à quoy remédier, le prevost, qui craignoit qu'il ne le dece-

Nouvelle CIX. 345

last au peuple , feit signe au bourreau qu'il ne luy laissast achever : ce qui fut faict. Et ainsi fut pendu sous ombre de dévotion ce pauvre homme.

Nouvelle CIX.

D'u/z eu. é qui n'employa que l'authorité de son

cheval pour confondre ceux qui nyent

le purgatoire.

n curé, voulant donner à congnoistre combien il avoit l'esprit aigu et gaillard (encore qu'il n'eust long-temps versé en bonnes lettres) , n'employa que l'authorité de son cheval pour confondre ceux qui nyent le purgatoire, au lieu que les autres (pour ce faire) ont employé et employent ordinairement les authoritez de tant de bons et sçavans docteurs. Parlant donc ce bon personnage des luthériens, qui ne vouloient croire qu'il y eust un purgatoire: « Je vay, dit-il, vous faire un compte, par lequel vous cognoistrez combien ils sont meschans de nyer le purgatoire. Je suis fils de feu monsieur d'E... (comme vous sçavez), et nous avons un assez beau lieu en un village d'icy entour ' . Y allant un jour, ainsi que la nuict nous avoit surprins, mon malier (notez , disoitil, que je veux que vous sçachez que j'ay un fort beau et bon malier au commandement et service

I . Au pont d'Antoni , dit Henri Estienne (Apologie pour Hérodote j chap. 36).

^4^ Nouvelle CIX.

de toute la compagnie) s'arresta contre sa coustume et commença à faire pouf, pouf. Je dy à monvarlet: <c Picque,picque. — Je picque (dit-il), Monsieur; mais vostre malier voit quelque chose pour certain. » Alors il me souvint de ce que j'avois ouy dire un jour à madame ma mère, qu'il y avoit eu autrefois quelque apparition en ce lieulà ; parquoy je me mis à dire mon Pater et Ave Maria, qu'elle m'avoit apprins (la bonne dame), et commande derechef à mon varlet de picquer, ce qu'il fait. Mais le cheval , ayant marché deux ou trois pas en avant, s'arresta de plus beau et feit encore pouf, pouf (estant par adventure trop sanglé), et, m'ayant encore asseuré mon varlet que ce cheval voyoit quelque chose, j'adjoustai mon De profundis y que feu mon père m'avoit apprins , et incontinent ne faillit mon cheval à passer outre. MaiSjS'estant arresté pour la troisième fois, je n'euz pas plustost dit Avete omnes, etc., et Recjuiem, etc., qu'il passa franchement, et depuis n'en feit difficulté (peut-estre qu'il ne l'y remena point depuis). » Or maintenant il disoit à ses paroissiens : <( Que ces meschans dient qu'il n'y a point de purgatoire et qu'il ne faut point prier pour les trespassez ! je les renvoiray à mion malier, voire, à mon malier, pour apprendre leur leçon. »

Nouvelle CX. 347

Nouvelle CX.

Du bastelleur qui gagea contre un duc de Fcrrare

qu'il y avoit plus grand nombre de médecins

en sa ville que d'autres gens, et comment

il fut payé de sa gageure.

n plaisant bastelleur', assez bien receu en plusieurs des bonnes maisons d'Italie, se présenta un jour au marquis de Ferrare, Nicolas, prince vertueux etfort récréatifs, qui, pour expérimenter ce plaisant , luy demanda en riant quel plus grand nombre il estimoitqu'ilyeust de personnes exerçansun mesme estât et vacation en la ville de Ferrare. Le bastelleur, cognoissant l'humeur du marquis, se proposa d'attirer à soy de son argent soubs couleur de gaigeure, et, luy rendant responce à ce qu'il lui avoit demandé, luy dit : <( Eh ! qui est celuy qui doute que le nombre des médecins ne soit plus grand en caste ville que de tous autres estais? — 0 pauvre sot! dit le marquis, il appert bien que tu n'as pas beaucoup fréquenté en ceste ville, veu qu'à grand peine y pourroit-on trouver deux médecins, soient naturelz ou estrangers. » Le bastelleur répliqua et luy dit : << O!

1 . Chapuis ( Facétieuses journées ) , Favoral ( Plaisantes journées)^ et d'autres auteurs, l'appt lient Gonelle.

2. Chapuis 'loc. cit.) le nomme le duc Borso de Ferrare. — Nicolas III, marquis d'Est et de Ferrare, fut un des princes les plus distingués du XVe siècle.

548 Nouvelle CX.

qu'un prince est empesché en grans et urgens affaires qui n'a visité ses villes et ne sçait quels subjects et vassaux il ha! » Alors le marquis dist au bastelleur : « Que veux-tu païer si ce que tu m'as asseuré n'est trouvé véritable ? — Mais, dit le bastelleur, que me donnerez- vous s'il vous en apparoist, et qu'il soit véritable ? » Dèslors accordèrent le marquis et le bastelleur de ce que le perdant donneroit au gaignant. Parquoy le lendemain au matin le bastelleur vint à la porte de la maistresse église de la ville, vestu de peaux, ouvrant la bouche et toussant le plus fort qu'il pouvoit, faisoit à croire qu'il estoit bien malade. Et, comme chacun qui entroit en l'église l'avoit apperceu, plusieurs luy demandoyent quelle maladie le tourmentoit, et leur disoit que c'estoit le mal de dents , pour lequel guarir plusieurs luy donnoient des remèdes , desquelz il prenoit leurs noms et remèdes et les escrivoit en une petite tablette , et , afin de mieux asseurer sa gageure , il se trainoit par la ville et prioit les personnes qu'il rencontroit en son chemin de luy enseigner quelque remède à son mal; et, par ce moyen, remarqua plus de trois cens personnes qui luy avoient enseigné des remèdes, desquels il escrivoit les noms et surnoms en ses tablettes. Ce qu'ayant fait, entra en la maison du marquis, lequel il veit à table comme il disnoit, et se présenta à luy ainsi embeguiné qu'il estoit, faisant semblant d'estre bien tourmenté de maladie ; et, comme le marquis l'eust aperceu, ne pensant aucunement que ce fust son bastelleur, et qu'il luy dit qu'il commençoit un peu à se bien porter de ses dents : « Prens , dit le marquis , la médecine

Nouvelle CXI. 349

que je t'ordonne et prie monsieur saint Nicolas, et tu seras incontinent guary. » Le bastelleur, aiant entendu ceste recepte , s'en retourna en sa maison, print une fueille de papier et escrivit tous et un chacun les remèdes et les noms des personnes qui les lui avoient donnez , et meit en premier lieu le marquis, et consequemment les uns et les autres en leurs rengs. Trois jours après, faisant semblant d'estre quasi guary, s'estant noué la gorge et embeguiné comme auparavant , s'en vint trouver le marquis, luy monstrant la feuille de papier où il avoit escript tous les remèdes qu'on luy avoit donnez, et requiert qu'il luy face délivrer sa gageure. Le marquis ayant leu ce qui estoit escript en ceste feuille de papier et apperceu qu'il tenoit le premier lieu entre les médecins, il se print à rire avec toute sa compaignie, qui estoit informée de ce fait, et, se confessant vaincu par le bastelleur, commanda qu'on luy delivrast ce qu'il luy avoit promis.

Nouvelle CXL

Des îourdions jouez par deux compaignons larrons qui depuis furent pendus et estranglez.

n bon frippon , natif de la ville d'Yssouldun en Berry, ayant commis un infmi nombre de larrecms et ayant esté

souvent menacé, en la tin fut condamné

à estre pendu et estranglé; mais, ainsi qu'on le

350 Nouvelle CXI.

menoit pendre, advint qu'un seigneur' passa par là , par le moyen duquel il obtint sa grâce du Roy pour avoir craché quelques mots de latin rosty 2, lesquels, encor qu'ils ne fussent entenduz, feirent penser que c'estoit quelque homme de service : et , de faict , comme tel , après avoir eu sa grâce , fut envoyé par le roy aux terres neufves, avec Roberval , lequel voyage servit de ce qui est allégué d'Horace :

Cœlum, non animum, mutant qui îr ans mare currunt.

C'est-à-dire :

Ceux qui vont delà la mer Changent le ciel, non leur amer.

Car, estant de retour, il poursuyvit plus fort que paravant son mestier de desrober; tellement qu'estant surpris pour la seconde fois , il passa le pas qu'il avoit autrefois failly. Or, à dire la vérité , je croy que cestuy-cy n'en fust pas eschappé à meilleur marché, d'autant qu'il est vray semblable qu'il avoit esté maintes autres fois surpris, n'estant possible qu'en faisant les larrecins par douzaines , il y procedast par art en un chacun d'iceux, car, si on veit jamais homme auquel on peust considérer que c'est que d'une nature encline à desrober, cestuy-cy en estoit un très beau miroùer ; lequel , pour recompense de la peine qu'avoit prins un sien ami de lui sauver la vie par plusieurs fois, il luy emporta une robe

1. H. Estienne (ch. 15 de l'Apologie pour Hérodote) le nomme M. de Nevers; seroit-ce François de Clèves , né en 1516, mort vers 1 566?