Ou de cuisine, sans doute

Nouvelle CXI. 3^ i

longue toute neuve et plusieurs autres hardes, avec laquelle il fut surprins, l'ayant vestue, et encore une autre par dessus, qu'il avoit pareillement desrobbée ailleurs. Aussi luy furent trouvé trois chemises vestues l'une sur l'autre; et, bien peu auparavant il en avoit fait autant d'un saye de velours de quelqu'un qui luy avoit fait ce bien de le loger. Mais le plus insigne larrecin de luy en matière d'habillemens , ce fut quand il desrobba tous ceux qui avoient esté faicts pour un certain espoux et espouse, lesquels luy semblèrent bien valoir les prendre, pour ce que la pluspart estoient de soye; et ce qui faisoit s'esbahir davantage de ce larrecin estoit que, pour tout emporter (comme il avoit faict), il luy avoit convenu faire six ou sept voyages. Or les avoit-il emportez en un logis qu'on luy prestoit au monastère des dames de Sainte-Croix de Poictiers, auquel logis il estoit pour lors qu'on vint pour luy faire rendre compte desdits habillemens, d'autant qu'on n'avoit soupçon que sur luy. Mais, ayant veu par la fenestre ceux qui le venoient trouver, ne les attendit pas, ains s'enfuyt , ayant très bien fermé la porte. Neantmoins on trouva moyen d'entrer en ce logis, auquel (outre ces habillemens qu'on cherchoit) on trouva ce qu'on ne cherchoit pas, à sçavoir environ quarante paires de souliers de toutes sortes et façons et plusieurs paires de chausses, aussi plusieurs pièces de drap taillé avec pluzieurs livres qu'il avoit emportez aux escholiers. Mais ce gallant accoustra bien mieux sesdictes hostesses qu'il n'avoit fait ses hostes : car, au lieu qu'il ne leur avoit emporté que quelques habits , il emporta à ces dames leurs plus

352 Nouvelle CXII.

belles reliques , pour recongnoissance du plaisir. Toutesfois, le plus notable tour que joua ce subtil larron fut celuy qu'il commit en la prison où il estoit détenu pour ses forfaits , en laquelle estant logé par fourrier ', ne peut toutesfois attendre qu'il en fust sorty pour retourner à son mestier ; mais leans mesmes empoigna très bien le manteau du geôlier, et là mesme le vendit, l'ayant passé à travers des treilliz de ladite prison qui estoient sur la rue. Toutesfois, quelque subtilité qu'il exerçast , il ne peut éviter qu'il ne fust mors d'une mule et puis pendu etestranglé ^.

Nouvelle CXII.

D'un gentilhomme qui foueîa deux cordeliers pour son plaisir.

n gentilhomme de Savoye 3 exerçant ses brigandages dedans ou auprès de sa maison, avoit4 quelque humeur particulier 5 : et ores qu'il fût brigand de meilleure grâce qu'aucuns qui s'en meslent, tou-

1 . c'est-à-dire qu'il y étoit pour peu de temps , ayant été ramassé par une patrouille pour une contravention de police.

2. Voy., dans le t. 3, p. 147, des Variétés historiques, éditées par M. Fournier, la pièce intitulée: Reigles, statuts et ordonnances de la cabale des filoux, etc.

3 . D'Avenchi , à en croire Estienne {Apologie pour HérO" dote, ch. 18).