Var. : ayant

j. Var. : particulière {Esiknnej toc. cit.).

Nouvelle CXII. 353

tesfois il se contentoit le plus souvent de partir avec ceux qu'il destroussoit, quant il se rendoient de bonne heure et sans attendre qu'il se fust mis en colère. Mais ce dont au contraire on luy vouloit plus de mal pour lors , c'estoit qu'il en vouloit fort aux moines et moinesses, et prenoit son passe-temps à leur jouer plusieurs tours qui estoyent (comme on dit en proverbe) jeux de prince , c'est-à-dire jeux qui plaisent à ceux qui les font : entre lesquels sera icy parlé d'un sien ayde, ou plustost d'un divisé en deux parties, par lesquelz il rendist deux cordeliers premièrement (ce luy sembloit) bien joieux , et puis bien faschez. C'est que, ayant receu ces deux cordeliers en son chasteau , et leur ayant faict bonne chère, leur dict que , pour parachever le bon traictement, il leur vouloit donner des garses, à chacun la sienne; dequoy eux ayant faict refuz, il leur pria de se monstrer privez en son endroict, d'autant qu'il consideroit bien qu'ils estoient hommes comme les autres, et enfm les enferma de faict et de force en une chambre avec les garses, où les retournant trouver au bout d'une heure ou environ , leur demanda comment ils s'estoient portez en leurs nouveaux mesnages; et, leur voulant faire à croire qu'ils avoient fait l'exécution, les contraignoit de le confesser malgré eux , et, les intimidant, leur disoit : «Comment, meschans hypocrites ! est-ce ainsi que vous surmontez la tentation ? )) Et là dessMS furent les deux pauvres cordeliers despouillez nuds comme quant ils vindrent du ventre de leurs mères ; et , après avoir esté tant fouettez que les bras de monsieur et de ses vadets pouvoyent porter, furent renvoyez ainsi

354 Nouvelle CXIII.

nudz. Or, si cela estoit bien faict ou non , j'en laisse la décision à leurs sçavans juges.

Nouvelle CXIII.

Du curé d'Onzain, près d'Amboyse , qui se feit chastrer à la persuasion de son hostesse

n curé d'Onzain , près d'Amboise, persuadé par une sienne hostesse (laquelle il entretenoit) défaire semblant d'oster disoit-elle , tout soupçon à son mary, se fict chastrer (qu'on dist plus honnestement tailler), et se meit en la miséricorde d'un nommé maistre Pierre des Serpens , natif de Vil-Antrois en Berry, et envoya ce prince curé quérir tous ses parens et amys ; et, après qu'il leur eut dit qu'il n'avoit jamais osé leur déclarer son mal , mais qu'enfm il se trouvoit reduict en telz termes qu'il luy estoit force d'en passer par là , feit son testament. Et, pour faire encore meilleure mine, après avoir dit à ce maistre Pierre (auquel toutesfois il avoit baillé le mot du guet de ne faire que semblant , et pour ce il avoit baillé quatre escuz) qu'il luy pardonnoit sa mort de bon cœur, si d'aventure il advenoit qu'il en mourust, se meit entre ses mains, se laissa lier, et du tout accoustrer comme celuy qu^on vouloit tailler vrayement. Or faut-il noter que, comme ce curé avoit donné audit maistre Pierre le mot du guet de ne faire que semblant , aussi le mary de l'hostesse de son costé (après avoir entendu ceste

Nouvelle CXIV. 355

farce) avoit donné le mot du guet de faire à bon escient, avec promesse de luy donner le double de ce qu'il avoit receu du prestre pour faire la mine. Tellement que maistre Pierre, persuadé par le mary, et tenant le pauvre curé en sa puissance, après l'avoir bien attaché, lié et garotté, exécuta son office realement et de fait, et puis le paya de ceste raison qu'il n'avoit point accoustumé se mocquer de son mestier, et que, s'il s'en estoit une seule fois mocqué , son mestier se mocqueroit de luy. Voilà comment le pauvre curé se trouva de l'invention de ceste femme, et comment, au lieu que , suivant ceste fmesse, il se preparoit à tromper le mary mieux que jamais, il fut trompé luy-mesme d'une tromperie beaucoup plus préjudiciable à sa personne.

Nouvelle CXIV.

D'une finesse dont usa une jeune femme d'Orléans

pour attirer à sa cordelle ' un jeune escolier

qui luy plaisoit.

ne jeune femme d'Orléans, ne voyant aucun moyen par lequel elle peust advertir un jeune escolier qui luy plaisoit sur tous, usa, pour parvenir à son intention , qui estoit de l'attirer à sa cordelle, de la debonnaireté de son beau-père confesseur, qu'elle vint trouver dedans l'église , où le jeune escolier

I . Dans ses lacs. Voyez un exemple de ce mot dans une pièce de vers citée parmi les notes de la Nouvelle LXXVII.

35^ Nouvelle CXIV.

se promenoit; et, faisant la désolée, compta (sous prétexte de confession) à ce beau-père qu'il y avoit un jeune escolier qui la pourchassoit incessamment de son deshonneur, en se mettant , luy et elle aussi, en très-grand dangier, lequel elle luy monstra (par cas fortuit) au mesme lieu , ne pensant aucunement à elle ; le pria affectueusement de luy faire telles remontrances qu'il sçavoit estre requises en tel cas. Et sur cela, comme celle qui faignoit tout cecy afin de faire venir à soy celuy qu'elle accusoit faussement d'y venir, elle disoit quant et quant à ce père confesseur (par le menu) tous les moyens desquelz l'escolier usoit, racomptant qu'il avoit accoustumé de passer au soir par dessus une telle muraille, à telle heure, pour ce qu'il sçavoit que son mary n'y estoit pas alors; et qu'il montoit sur un arbre, pour puis après entrer par la fenestre ; bref, qu'il faisoit ainsi et ainsi, et usoit de tels moyens qu'elle avoit grande peine à se défendre. Le beau père parle à l'escolier, et luy fait les remonstrances qu'il pensoit estre les plus propres. L'escolier, qui sçavoit en sa conscience qu'il n'estoit rien de tout ce que ceste femme disoit, et qu'il n'y avoit jamais pensé, feit toutesfois semblant de recevoir ses remonstrances comme celuy qui en avoit besoin et en remercia le beau père ; mais , comme le cœur de l'homme est prompt au mal, il eut bien de l'esprit ' jusques là pour cognoistre que ceste femme l'avoit accusé de ce qu'elle desiroit qu'il feist , vu mesmes qu'elle luy donnoit toutes les adresses et tous les moyens dont il devoit user.